On Tottaama Konngol

Hannde e talaata, ñannde 26, 12ɓuru 2023 ka taskaram On Tottaama Konngol, en yewti hannde ko faati e alhaali suɓngooji hooreyaaku leydi e sarɗinkooɓe haa e ardotooɓe diwanuuji  RD.Konngo yuɓɓinaaɗi yontere yawtunde e nder ndii leydi ɗiɗaɓiri ɓurndi e mawnude e nder Akrik. Ko timmi miliyonji 44 ɓiɓɓe leydi ndii no haanunoo suɓaade e alarbe ñannde 20 lewru nduu wonuɗen e mun ɗoo, ardotooɗo RD.Konngo hakkunde kandidaaɓe 19yo. Kono yoga e konngonaaɓe waawaano wootude nden ñannden sabu caɗeele taskaaɗe e nokkeeli ɗuuɗuɗi. Ɗen ko caɗeele yeru anngal yottaade alaaji wootirɗi e udditugol cuuɗi wootirɗi e nder ca’e goɗɗe. Ɗum saabii jokkitagol woote ɗen e alkamisa e aljuma e nder leydi ndii.

Ko holno ñaawirɗon no ɗii suɓngooji yuɓɓiniraa e nder leydi ndii?

Hannde e altine, ñannde 25lewru 15ɓuru 2023 ka taskaram On Tottaama Konngol, en yewtii ko faati e alhaali pooɗondiral wonungal hakkunde Mali e Aljeriya. Caggal nde Aljeriya nodditi ambasaderjo maɓɓe wonuɗo Mali, hooreeɓe laamu faddewu Mali nodditii kamɓe kadi mo maɓɓe wonuɗo on Aljeriya, sabu, e bi’ol maɓɓe hiɓe tuumi Aljeriya jooɗodude e hooreeɓe pelle ñurtuɓe e yimɓe lunndiiɓe laamu faddewu nguu tawi ɓe anndinaaka.

Ko holno ñaawirɗon oo alhaali?

Ko holɗum ngal pooɗondiral hakkunde leyɗeele ɗee ɗiiɗi ɗee waawi battinande?

Ka taskaram men On Tottaama Konngol hannde e aljuma ñannde 22, lewru 12ɓuru 2023, e nder ndee yeewtere udditiinde, on haali ko faati e alhaali kabaaruuji feƴƴuɗi e ndee yontere. On addii ji’anɗe mon e toɓɓe ɗe yiɗuɗon heɓude fensitande e majje. Heɗitoɗee jeewte waɗaaɗe ɗee.

Hannde e alkamisa, ñannde 21, lewru 12ɓuru 2023 ka taskaram On Tottaama Konngol, en yewtii ko faati e alhaali ndimaaku konngol e nder leyɗeele Afrik. Hannde alhaali oo teddinaaka.  Himo ɓittinaa e nder yoga e leyɗeele men. Ko ɗum woni gooto suusa wowlude walla ŋiñude laamu, walla jonnude miijo no leydi ndin jogaraa maa laamoraa e piiji wonuɗi e feƴƴude e nder leydi ndin sabu kulol nanngeede. Wano Mali ɗuuɗuɓe nanngaama e nder ndee hitaande caggal nde ɓe ŋiñi golle laamu ngun. Ɓen nanngaaɓe ko jeyaaɓe e mojobe sosiyete siwil, jaayndeyankooɓe, huutortooɓe mejaaje renndo e woɓɓe kadi. Ko wano non kadi Burkina Faso, yimɓe ɗuuɗuɓe nanngama ton e nder ɗii lebbi sakkitiiɗi.                              

Ko holno ñaawirɗon oo alhaali?

Ko holɗum ngol ɓittinngol ndimaaku konngol waawi battinnde e nder leyɗe ɗee?

Hannde e alarba, ñannde 20, 12ɓuru 2023, Taskaram On Tottaama Konngol, no nawri en Gine.  Kaalen hannde koo no yowitii e cumu mawngu waɗungu Konaakiri ka laamorde, caggal nde marirde kuɓɓam walla mbi’en karbiran nden ka komin Kalum, e nder laamorde Konakiri, fetti jemma alat no weetude altine. Ɗum wonii sabu bonondaaji mawɗi yimɓe ɗuuɗuɓe maayii e nder mum, yoga kadi barmii. Hoɗiyankooɓe oo komin Kalum, nokkuure ka fettande ndee waɗi ɗon, hino e caɗeele mawɗe e oo saayi. Ɗuuɗuɓe e maɓɓe dogii nokkuure nden.

Ko holno ñaawirɗon no oo masiibo waɗuɗo toppitoraa non ?

Ko honɗum e battane oo masiibo waɗuɗo waawi jibinande ginenaaɓe ?

Hannde e talaata, ñannde 19, 12ɓuru 2023 ka taskaram On Tottaama Konngol, en yewti fii alhaali dawro RD.Konngo, ko faati e suɓngooji hooreyaaku, e sarɗinkooɓe. Suɓngooji happaaɗi e alarba ñannde 30 e nder leydi ndii. Ko timmi miliyonji 44yo ɓiɓɓe leydi ndii suɓoto janngo hooreeɓe maɓɓe. Kono yoga e maɓɓe no jiɓii si tawii woote ɗen feƴƴiran no newori. Hiɓe jiɓii anndude si tawii suudu halfinaadu yuɓɓingol suɓngooji ɗii timminii alaaji wootirɗi ɗin, si tawii ɓe waawan udditude nden ñannde nokkeeli wootirɗi ujune 75 ɗi ɓe eɓɓi ɗin. E si tawii kadi ɓee yimɓe ɓe nate karte wootirɗe mum hoɓɓitii e  binndi ɗin momtii waaway wootude. Hiɓe maapii ɗum sanne fii kala CENI on kaŋum tentinii wonnde aalaaji ɗin fow timmii no woote ɗen waɗiran no neworii. Ko ɓe torii, ko yo mo kala yahu e nokkure ka winndori ɗon fii wootugol.

Ko holno ñaawirɗon oo alhaali? Hiɗon miiji wonnde woote ɗee waɗiran no newori wano CENI on holliri non? Kaa hiɗon tawti yoga e ɓiɓɓe leydi holluɓe wonnde hiɓe jiɓii si woote ɗee laaɓan?

Hannde altine 18, lewru12ɓuru ko ñalaande adunayankoore hertinanaande ɗanniyankooɓe. Tippude e ɗum, toɓɓere men hannde ka taskaram On Tottaama Konngol no yowitii e alhaali ɗanle. Taskaama tawaama wonnde hannde, limoore ɗannortooɓe laawi ɗi ɗoftaaki sariya ɓeydike sanne e ndee hitaande 2023. Wano Afrik, leyɗe ɗuuɗuɗe ko Senegaal, Marok, Moritani walla Tuunus ɓuri rewrude faade Espaañ e Italiya. Mo ƴettii misal e Senegaal ko timmi ɗanniyankooɓe ujune 33to yaltirɓe ton yottike Espaañ e nder hitaande ndee. Limoore nde sifa mum taskaaka e duuɓi yawtuɗi. Fii kala caɗeele ɗe ɓee ɗannortooɓe laawi ndiyam maa njordi no tiiɗi, alhaali ɓeyɗagol limoore yahooɓe fergu ɓen ko wootere nden e nder yoga e leyɗe ɗe ɓe woni e rewrude.

Holko saabi sukaaɓe ɗannortooɓe laawi ɗi rewaa sariya fii yahugol Erop no ɓeydoo ñannde kala?

Holko waɗi peeje ɗe hooreeɓe leyɗe Afrik ɓami fii haɓugol fergu e nder leyɗeele ɗee dartinaali oo alhaali?

Ko holɗe e pehe kese haanaa ɓameede jooni ngam haɗugol oo bone?

Ka taskaram men On Tottaama Konngol hannde e aljuma ñannde 15, lewru 12ɓuru 2023, e nder ndee yeewtere udditiinde, on haali ko faati e alhaali kabaaruuji feƴƴuɗi e ndee yontere. On addii ji’anɗe mon e toɓɓe ɗe yiɗuɗon heɓude fensitande e majje. Heɗitoɗee jeewte waɗaaɗe ɗee.

Hannde e ndee alkamisaare ñannde 14 lewru ndu ngonɗen nduu, timmi duuɓi 3 gila haalirde Rfi fulfulde darnaa Dakar, laamorde Senegaal. Ñalawma kala jaayndiyankooɓe e haralleeɓe ina ndarii, ndadii ngam okkude kabaaruuji e jeewte laaɓuuɗe e nder haalirde ndee, tawa ko e ɗemngal fulfulde.  Duuɓi 3 hiɗon jokkii men, hannde, holko RFI Fulfulde addani on walla battini e mooɗon ? Ko holɗum RFI Fulfulde wayli e nguurndam mon ?

Hannde e yewtere On Tottaama Konngol alarba ñannde 13 lewru 12ɓuru, on hollii mijooji mon ko faati e ngal luural mawngal wonungal hakkunde pelle dawro Faransi ko faati e eɓɓoore sariya yowitiinde e alhaali ɗanle ɗe ndewaani sariya. Ko holno ñawirɗon ngal luural hakkunde maɓɓe? ko holɗum sabi kala saha luural no taskee hakkunde dawroyankooɓe ko faati e alhaali ɗanle?