On Tottaama Konngol

Hannde e talaata 14 lewru 11ɓuru hitaande 2023, ka taskaram men On Tottaama Konngol, kaalaten ko alhaali Giyoom Sooro. O  hollitii wonde ko o kotoowo to leydi makko Koddiwaar ndi o dogi gila e hitaande 2019. Kanko Giyoom Sooro, tawanooɗo e laamu  laamu Alasaan Waattara. Sintinnde ko o fawaaɗo kaso  kaddi nguurndam. Ɗum ko caggal nde o tuuma faale samminde laamu Alasaan Waattara. Oo gorko woniino hooreejo jaagorɗe Koddiwaar, kadi ko hooreejo kiɗɗo suudu sarɗiyankooɓe nduu. Altine hanki oo jooɗodii e hooreejo laamu faddewu Niijeer Abdurahmaan Ciyani. Tedduɓe holno njiiruɗon oo alhaali ? Mbele e yi'annde mon, ko miijo moƴƴungo Giyoom Sooro artude to Koddiwaar ?

Nde wonnoo e ndee yontere fof, taskaramji Rfi Fulfulde ina waɗani on jeewte keeriiɗe ko faati e ɗanle ɗe ɗoftaaki sariya.  Hannde, altineere 13 lewru 11ɓuru hitaande 2023, ka taskaram men On Tottaama Konngol, toɓɓere men ndee feewti ko e ɗen ɗanle ɗe ndewaa sariya, tentinii bandiraaɓe men rewɓe ɓee. Ina teskaama jooni tawegol ɓee rewɓe e ɓeen ɗannotooɓe e ɓeydagol limoore maɓɓe. Yoga heen e sahaaji, woɓɓe e maɓɓe  nanngan ngol laawol tawa ko sowiiɓe (reeduuɓe) woɓɓe kadi njaada e sukaaɓe mum tokoosɓe, ɓee naatida e ɓen e laaɗe ndiyam faade e Orop. E ɗii lebbi paltiiɗi ɗuuɗuɓe  maayii e ngol laawol. Holko woni sabu ɓeydagol ɓee rewɓe  e holɗe e peeje kaanaa ɓameede ngam ñawndude oo alhaali?

Ka taskaram men On Tottaama Konngol hannde e aljuma ñannde 10, lewru 11 ɓuru 2023, e nder ndee yeewtere udditiinde, on kaali ko faati e alhaali kabaaruuji feƴƴuɗi e ndee yontere. On addii ji’anɗe mon e toɓɓe ɗe yiɗuɗon heɓude fensitande e majje. Heɗitoɗee jeewte waɗaaɗe ɗee.

Hannde, Alkames 9 lewru 11ɓuru hitaande 2023 ka taskaram men On Tottaama Kongol, toɓɓere men feewti ko e sukkugol taƴugol kuuran Mali. Bamako, Mopti, Kaay haa Segu, ɓiɓɓe leydi ndii, gollirɗe ɗee haa e cuuɗi cafriirɗi ɗii, fof ina tampi e ndee ŋakkeende kuuran jaaliinde e ɗii lebbi fof. Naamndal ngal ko anndu ko heede holto caɗeele ɗee ngoni ? Ko holɗe woni  geɗal laamu faddewu Mali e oo alhaali? Holɗe pehe kaanaa ɓameede ngam ñawndude ndee satteende? Ji'anɗe mon ina cabbaa e dow tongoode amen, +221 76 644 12 80.

Hannde toɓɓere yewtere On Tottaama Konngol, on kollii mijooji mon ko yowitii e alhaali Burkina Faso. Laamu feddewu ngu Kapiten Ibrahima Tarawore ngardii, ƴettii pellital nawgol e dinngiral hare, sera konunkooɓe ɓe, kala ŋiñuɗo joggola laamu nguu. Ko holno ñawirɗon oo alhaali?

Hannde e talaata 7 lewru 11ɓuru hitaande 2023, ka taskaram men On Tottaama Konngol, on hollii min miijooji mon e hawre wonnde hakkunde Israayel e fedde Hamas ardiinde tuɗɗere Gaza. Hannde timmii lewru gila ndee wolde fuɗɗii hakkunde maɓɓe, ko timmi yimɓe ujune sappo mbaraama e nder Gaza, ko ɗuuɗude e maɓɓe ko siwilɓe. Siftinde ko ñannde 7 lewru 10ɓuru faltiindu, Hamas wari ko ɓuri yimɓe 1.400 e fiyannde mum e nder Israayel, ɗum woni sabaabu ɓamtugol fitina hakkunde maɓɓe.Holno njiiruɗon ndee hawre,lewru gila nde fuɗɗii? Ko holno ñaawirɗon darnde dental adunaaru ONU e oo alhaali ? Ko holɗe e pehe kaanaa ɓameede ngam ñawndugol oo baasi?  Dr Abdu BAH e nder yeewtere ndee o jaaboto yoga e naamne mon onon ɓee heɗiyankooɓe.

Tedduɓe, hannde altine 6 lewru 11ɓuru kaa taskaram men On Tottaama Konngol, en yewatan e alhaali Gine. Asat ñannde 4 lewru ƴaɓɓiinde, Kapiteen Muusa Dadiis Kamara meeɗɗo ardaade laamu faddewu Gine, Kolonel Cegboro Kamara, Blees Gumu e Kolonel Klood Pivi, ɓee nayo ko doginaama njaltii kaso Konaakiri. Hay so tawii tato e maɓɓe njaggama ngartira e dummbirdu nduu, nayaɓo oo, Kolonel Klood Pivi, yiitaaka tawo,  . Ɓee nayo fof ko tuumaaɓe e ñaawoore warngooji 28 septembre 2009.Holno no yiiruɗon oo alhaali ? Ko holɗum wonata battane ɗum e ñaawoore 28 settaambur nde joofaani tawo?

Ka taskaram men On Tottaama Konngol hannde e aljuma ñannde 03, lewru 11 ɓuru 2023, e nder ndee yeewtere udditiinde, on haali ko faati e alhaali kabaaruuji feƴƴuɗi e ndee yontere. On addii ji’anɗe mon e toɓɓe ɗe yiɗuɗon heɓude fensitande e majje. Heɗitoɗee jeewte waɗaaɗe ɗee.

Hannde ɗiɗi lewru 11ɓuru no e hitaande fof, ina mawninee ñalaande teddoniraande haɓude fitinaaji ɗi jaayndeyankooɓe heɓata. Siftinde ndee ñalaande hannde kadi ina hawrondiri e duuɓi sappo gila jaayndiyankeeɓe Ghislaine Dupont e Claude Verlon gollonannooɓe RFI mbaraa Kidal rewo Mali tawi eɓe ngonnoo e golle maɓɓe. Holno njiiruɗon jaayndiyankaagal e nder leyɗe men ɗee? Holno njiiruɗon golleeji jaayndiyankooɓe ɗii? Ceerno Aamadu KAMARA hooreejo fedde renndinnde jaayndeeji gonɗi e Internet to Gine ina wi'ee REMIGUI, cukko hooreejo suudu jaaynirɗe Gine. Onon heɗtiyankooɓe, ji'anɗe e naamne mon ina padaa. Tongoode ndee waylaaki ko: 00221 76 644 12 80.

Alarbaare hannde, go'o lewru 11ɓuru hitaande 2023, kaalaten ko e alhaali ɗii jamfaaji teskaaɗi e dow internet. Teskaama e ɗii lebbi tati cakkitiiɗi to Gine, ko timmi yimɓe ujune ɗiɗi jamfaaɓe, kaalisi maɓɓe naɓaa, tawi ko sosiyete ameriknaajo wi'eteengal "Rich Vip" hoomtiɓe (hodiɓe). Mali kadi sosiyete  ina wi'ee "Open ayes" rewdi ɗon e yimɓe ɗuuɗuɓe. Burkina Faso, Senegaal e leyɗe goɗɗe kadi hono  ɗii jamfaaji nji'aama ton.Ngam yeewtude e dow toɓɓere ndee, en mbismto yimɓe jamfaaɓe, ɓe ara ɗoo ɓe ceeditoo no ɗum waɗiri. Koɗo men oo ko renndoyankeejo ko Raabi Seydi Jallo, o haalanan  en holko addata oo alhaali e e nder renndo.