Við fjöllum um fall Liz Truss við fréttaritara okkar í London, Guðmund Auðunsson. Ármann Jakobsson segir að baráttan um íslensku sé sjálfstæðisbaráttu og við ræðum við hann og Eirík Rögnvaldsson um stöðu íslenskunnar. Síðan kemur Margrét Valdimarsdóttir afbrotafræðingur og við ræðum við hana um hryðjuverkaógn, hatur og ofbeldi. Síðan segjum við frá fréttum dagsins og flytjum feminískar fréttir.

Við ræðum um verkalýðshreyfinguna og deilur innan hennar við Sigurður Pétursson sagnfræðing sem mikið hefur skrifað um verkalýðssögu og Guðmundur Ævar Oddsson félagsfræðing sem einbeitt hefur sér að stéttagreiningu. Við ræðum líka við Katrínu Oddsdóttur um hennar uppáhaldsmál, stjórnarskránna, en á morgun eru liðin tíu ár síðan þjóðin samþykkti í þjóðaratkvæðagreiðslu að frumvarp stjórnlagaráðs yrði grunnur nýrrar stjórnarskrár. Svo förum við yfir fréttir dagsins eins og vanalega.

Við ræðum við Magnús Helgason um stöðuna á bandarískum stjórnmálum í aðdraganda mikilvægra þingkosninga. Við ræðum við Sigurstein Másson um það sérstæða sakamál sem Geirfinnsmálið er. Og við förum yfir fréttir vikunnar

Þingmennirnir Vilhjálmur Árnason og Helga Vala Helgadóttir deila um flóttmananmál við Rauða borðið og eru ekki sammála um margt, nema að innviðir samfélagsins eru að bresta. Ágúst Bogason segir okkur frá nýrri ríkisstjórn í Svíþjóð og Héðinn Unnsteinsson frá miklum breytingar í greiningum og meðferð á geðröskunum. Við förum líka yfir fréttir dagsins.

Tryggvi Rúnar Brynjarsson er barnabarn Tryggva Rúnars Leifssonar, eins af sakborningum í Geirfinns- og Guðmundarmálum. Hann sest við Rauða borðið og segir frá sjálfum sér, fjölskyldu sinni og hvaða áhrif þessi mál hafa haft og hafa enn, bráðum hálfri öld eftir að þau hófust.

Við ræðum við Sigrúnu Sif Jóelsdóttur um samstöðu með Erlu Bolladóttur. Við Karl Ólaf Hallbjörnsson um kosningarétt kvenna. Við Davíð Þór Jónsson og Ragnar Erling Hermannsson um setuverkfall útigangsmanna. Og við Jónas Atla Gunnarsson um verðbólgu, skatta og ríkisfjármála. Og svo förum við yfir fréttir dagsins og segjum líka feminískar fréttir.

Ragnar Þór Ingólfsson formaður VR kemur að Rauða borðinu og segir okkar hvað gerist svo í verkalýðshreyfingunni. Sæunn Kjartansdóttir ræðir um stöðu barna í samfélaginu, um hvort við tökum tillit til þeirra. Og Indriði Þorláksson ræðir um skatta fyrirtækja, hvers vegna þeir eru svona lágir og auðvelt að komast hjá þeim. Við förum yfir fréttir dagsins og reynum að átta okkur á þeim.

Við ræðum upplausnina innan Alþýðusambandsins við Rauða borðið við Sólveigu Önnu Jónsdóttur, formann Eflingar. Hvað gekk á? Og spyrjum óbreyttan þingfulltrúa að því sama, Sæþór Benjamín Randalsson, sem sat sit fyrsta ASÍ-þing. Við ræðum við Breka Karlsson um innheimtuokur og Jón Daníelsson um Geirfinnsmálið. Við förum líka yfir aðrar fréttir dagsins.

Sólveig Anna Jónsdóttir formaður Eflingar er hættulegasta kona landsins, ef marka má umræðuna í samfélaginu. Skrifaðar eru greinar og sagðar fréttir um hættuna sem stafar að þvi að hún verði hluti af forystu Alþýðusambandsins. Sólveig Anna sest við Rauða borðið og metur stöðuna í aðdraganda þings Alþýðusambandsins sem hefst á mánudaginn.

Fimmtudagurinn 6. október

Við ræðum við Önnu Mjöll Guðmundsdóttur formann Fyrsti fimm um stöðu barnafjölskyldna á Íslandi í Samanburði við Norðurlöndin. Ræðum síðan við Braga Páll rithöfund um fjöldamorð á kommúnistum í Indónesíu 1965, sem framin voru með vitund bandarísku leyniþjónustunnar, og afleiðinga þeirra. Við minnumst Hrunsins og segjum fréttir dagsins.