Við Rauða borðið í kvöld setjast hagfræðingarnir Guðrún Johnsen, Ásgeir Brynjar Torfason og Ólafur Margeirsson og ræða kreppuna sem er að skríða fram og aðgerðir ríkisstjórna og seðlabanka til að sporna við fallinu og undirbúa samfélagið fyrir upprisu, endurnýjun. Hvað verður kreppan stór, löng og grimm og á hverja leggst hún harðast? Og samfélagið handa kreppurnar, verður það skárra fyrir almenning eða verra? Hvernig er kórónakreppan að breyta hugmyndum hagfræðinga um peningamál og ríkisfjármál, hvernig breyta þær hugmyndir stjórnmálunum og hversu djúpstæðar eru þessar breytingar?

Við Rauða borðið í kvöld setjast Atli Þór Fanndal, fyrrverandi blaðamaður, Benedikt Sigurðsson, framkvæmdastjóri Búfesti húsnæðissamvinnufélags og Jón Karl Stefánsson, MA í félagssálfræði, og ræða kórónakreppuna og áhrif hennar á hugmyndir og stjórnmál; ekki síst hlutverk ríkisvaldsins og opinberan rekstur en líka samvinnufélög og annan félagslegan rekstur. Þá kemur Þuríður Harpa Sigurðardóttir, formaður Öryrkjabandalagsins, og ræðir stöðu hinna fátækustu í harðnandi kreppu.

Við Rauða borðið í kvöld setjast Jóhann Páll Jóhannsson blaðamaður og þingmennirnir Smári McCarthy og Ágúst Ólafur Ágústsson og ræða aðgerðapakka ríkisstjórnarinnar nr. tvö, eðli og umfang kreppunnar sem er að skella á, hlutverk ríkisvaldsins í að bregðast við henni og hvort ríkisstjórnin sé á réttri leið. Að þessu sinni verður þátturinn sendur út klukkan níu í kvöld, stuttu eftir Kveik í Ríkissjónvarpinu.

Við Rauða borðið í kvöld sitja þau Mikael Torfason rithöfundur, Guðrún Margrét Guðmundsdóttir mannfræðingur og Sólveig Anna Jónsdóttir, formaður Eflingar, og ræða mannúð og mannhatur á tímum kórónavírusins.

Við Rauða borðið settust hagfræðingarnir Ólafur Margeirsson og Ásgeir Brynjar Torfason, sem hafa rætt þar undanfarnar vikur um komandi kreppu og aðgerðir stjórnvalda víða um heim til að mæta henni. Í kvöld halda þeir áfram að greina ástandið og velta fyrir sér afleiðingum kreppunnar fyrir heimshagkerfið, stöðu einstakra svæða, valdahlutföll í samfélögum, hlutverk ríkisins o.fl.

Við Rauða borðið setjast þau Ragnar Þór Ingólfsson, formaður VR, Aðalsteinn Árni Baldursson, formaður Framsýnar, og Ásta Lóa Þórsdóttir, formaður Hagsmunasamtaka heimilanna. Þau munu ræða hrun ferðaþjónustunnar og afleiðingar þess fyrir almenning, hvernig stjórnvöld ættu að bregðast við og hvernig líklegast er að þau muni bregðast við og hvað almenningur getur gert til að tryggja að hagsmunir hans verði ekki fyrir borð bornir.

Við Rauða borðið í kvöld setjast blaðamennirnir Gunnar Hrafn Jónsson og Kristinn Hrafnsson og ræða áhrif kórónafaraldursins og kreppunnar sem honum fylgir á heimsmálin, alþjóðapólitík, átök milli ríkja og svæða; en einnig innan ríkja, milli stétta og þjóðfélagshópa.

Við Rauða borðið í kvöld setjast Guðrún Elín Pálsdóttir, formaður Verkalýðsfélags Suðurlands, Halldóra Mogensen alþingskona, Vilhjálmur Birgisson, formaður Verkalýðsfélags Akraness, og Drífa Snædal, forseti Alþýðusambandið. Umræðuefnið er kreppan sem er að skella á, áhrif hennar á launafólk, fjölskyldur og ólíka og byggðarlög og til hvaða aðgerða þarf að grípa til að slá á þau áhrif.

Í gær náðu evruríkin samkomulagi um aðgerðir til bjargar þeim svæðum sem verst hafa orðið úti í kórónafaraldrinum og fjármálaráðuneyti Breta sagði Englandsbanka að fjármagna með seðlaprentun aðgerðir breskra stjórnvalda til að mæta faraldrinum og kreppunni sem fylgir. Hvort tveggja eru mikil tíðindi og marka straumhvörf í ríkisfjármálum sem munu hafa áhrif á hvernig stjórnvöld víða um heim munu mæta þessari kreppu og öðrum í framtíðinni. Til að skýra þetta sest Ásgeir Brynjar Torfason hagfræðingur við Rauða borðið á Samstöðinni klukkan átta á föstudaginn langa og ræðir við Gunnar Smára Egilsson.

Við Rauða borðið setjast Sveinn Sigurðsson, einn eigenda að Smiðjunni brugghúsi í Vík í Mýrdal, Guðmundur Ingi Þorvaldsson, leikari og prímusmótor innan frjálsu leikhússenunnar, Elín G. Ragnarsdóttir og ræða stöðu smáfyrirtækja frammi fyrir dýpstu kreppu í manna minnum. Aðgerðir til bjargar smárekstri er lykilatriði í aðgerðapökkum ríkisstjórna um allan heim, en ekki hér. Hvað er það sem stjórnvöld ættu að gera til að tryggja að smáfyrirtæki, sem eru burðarvirki atvinnulífsins, lifi af og geti tekið þátt í viðspyrnunni að kreppunni lokinni?