Þriðjudagurinn 19. desember

Heimsmálin, nýfrjálshyggja, Islam, evran

Jón Ormur Halldórsson kemur að Rauða borðinu og æðir heimsmálin. Kristin Vala Ragnarsdóttir kemur og ræðir um nýfrjálshyggju. Kristján Þór Sigurðsson kemur og segir okkur frá samfélagi múslima á Íslandi. Og Thomas Möller kemur til að halda því fram að evran muni leysa öll vandamáli Íslands.

Mánudagurinn 18. desember

Lífeyrissjóðir og fyrirtæki, búseti og endalok vaxtar

Við fáum góðan gest frá Danmörku, Guðrúnu Johnsen, sem starfar við danska Seðlabankann. Hún hefur rannsakað fyrirtækjarekstur á Norðurlöndunum og ekki síst með tilliti til þess hversu stórir eftirlaunasjóðirnir eru. Hún segir okkur frá völdunum í atvinnulífinu, þar sem við störfum og lifum stóran hluta vökutímans. Páll Gunnlaugsson arkitekt hefur skrifað bók um Búseta, húsnæðissamvinnufélagið sem tókst að byggja upp fyrir fjörutíu árum. Við fáum hann til að segja okkur þá sögu. Viðar Hreinsson bókmenntafræðingur sem sinnt hefur umhverfishugvísundum á liðnum árum segir okkur frá hag­fræði, þekkingu, verð­leikum og vist­kerfi.

Sunnudagurinn 17. desember

Synir Egils: Aðventa, átök og álitamál

Bræðurnir Sigurjón Magnús og Gunnar Smári Egilssynir taka á móti gestum og ræða helstu fréttir og pólitík við gesti. Að þessi sinni koma Ólafur Þ. Harðarson stjórnmálafræðingur og Þórhildur Þorleifsdóttir leikstjóri. Síðan munu bræðurnir greina stöðuna í þinginu, í stjórnmálunum, á ríkisstjórninni og í kjaradeilum.

Laugardagurinn 16. desember

Helgi-spjall: Páll Biering

Í Helgi-spjalli við Rauða borðið segir Páll Biering geðhjúkrunarfræðingur, skáld og eftirlaunamaður frá uppvexti sínum og ætt, uppreisnum og áföllum, starfi með unglingum og flóttafólki og því sem mótaði hann og leiddi.

Föstudagurinn 15. desember

Vikuskammtur: Vika 50

Í Vikuskammti við Rauða borðið sitja í dag þau Aldís Yngvadóttir keramiker, Eyrún Björk Jóhannsdóttir varaformaður Flugfreyjufélagsins, Helgi Steinar Gunnlaugsson blaðamaður og Þórdís Gísladóttir rithöfundur og ræða fréttir vikunnar sem einkenndust af átökum, stríði og verkföllum en líka af aðdraganda jóla, samkomulagi og leit að lausnum.

Fimmtudagurinn 14. desember

Píratar, dönskukennsla, kvenlöggan, verkalýðsflokkar og samfélagsleg ábyrgð

Þórhildur Sunna Ævarsdóttur þingflokksformaður Pírata segir okkur fyrir hvað Píratar standa, hvað þeir vilja og hvernig þeir ætla að ná því í gegn. Kennararnir Álfhildur Leifsdóttir og Hólmfríður Árnadóttir köstuðu því upp að kannski ættum við að hætta að kenna dönsku. Við spyrjum hvort þær meina það í alvöru. Eyrún Eyþórsdóttir lektor í lögreglufræðum við Háskólann á Akureyri segir okkur frá kvenlögreglunni frá því á árum áður. Kjartan Valgarðsson vill halda því fram að Samfylkingin sé verkalýðsflokkur. Við fáum hann til að rökstyðja það. Í lokin segir Eiríkur Smári Sigurðarson, rannsóknarstjóri hugvísindasviðs Háskóla Íslands, okkur frá samfélagsábyrgð háskóla.

Miðvikudagurinn 13. desember

Efnahagsleg krísa, andkristur, skólar og lífrænn landbúnaður

Við fáum Ásgeir Brynjar Torfason sérfræðing í fjármálum til að segja okkur frá minnkandi hagvexti, mikill verðbólgu, háum vöstum og fallandi krónu. Sigríður Þorgeirsdóttir prófessor segir okur frá Andkristi um Nietzsche, Jesús og Páli postula og konunum sem hafa bætt hugsun þeirra allra. Benedikt Sigurðarson fyrrverandi skólastjóri segir okkur frá sínu mati á niðurstöðum Pisa og Kristján Oddsson bóndi á Neðri-Hálsi í Kjós segir okkur frá hvernig hann stundar sinn lífræna búskap.

Þriðjudagurinn 12. desember

Fíklar, Úkraína, Grindavík, borgir og skólinn okkar

Við ræðum við fíkla og aðstandendur þeirra um undirheimanna og lítið aðgengi fíkla að heilbrigðis- og félagsþjónustu. Þröstur Ólafsson, Hilma Dögg Hávarðardóttir og Halla Björg Albertsdóttir segja okkur frá sinni reynslu. Við ræðum við Hilmar Þór Hilmarsson prófessor um Úkraínu, minnkandi stuðning og verri stöðu á vígvellinum. Feðgarnir Hörður Guðbrandsson formaður Verkalýðsfélags Grindavíkur og Einar Hannes Harðarson formaður Sjómannafélags Grindavíkur koma til okkar og fara yfir stöðu fólks á flótta undan náttúruöflunum. Haraldur Sigurðsson skipulagsfræðingur segir okkur frá hugmyndum fólks um hina góðu borg. Og þá illu. Í lokin kemur Björn Pétursson fyrrum skólastjóri Melaskóla að rauða borðinu og segir okkur frá því hvernig hann myndi vilja byggja upp skólakerfið.

Mánudagurinn 11. desember

Skólinn, pólitík í USA, samfélagið, Samfylkingin og loftslagið

Við höldum áfram að greina skólakerfið. Ragnar Þór Pétursson kennari í Norðlingaskóla kemur og greinir vanda kerfisins, orsök og leiðir út. Við ræðum við Guðmund Hálfdanarson sagnfræðing um stjórnmál í Bandaríkjunum og hvaða áhrif þau hafa á stríð og frið í heiminum. Vigdís Grímsdóttir rithöfundur var að senda frá sér ævintýri um ójöfnuð og segir okkar hvernig samfélagið virkar á hana. Það er komið að Samfylkingunni í viðtölum okkar við þingflokksformenn. Logi Einarsson segir okkur frá því fyrir hvað hún stendur og hvað hún vill. Í lokin kemur Árni Finnsson, formaður Náttúruverndarsamtaka Íslands, og greinir stöðuna á Cop28.

Sunnudagurinn 10. desember

Synir Egils: Glimmer, Gaza, Pisa og póltík

Bræðurnir Sigurjón Magnús og Gunnar Smári Egilssynir taka á móti gestum og ræða helstu fréttir og pólitík við gesti. Að þessi sinni koma Benedikt Erlingsson leikstjóri, Karen Kjartansdóttir almannatengill og Ólína Kjerúlf Þorvarðardóttir prófessor og ræða fréttir vikunnar og ástand samfélagsins. Þeir bræður draga saman stöðuna í pólitíkinni en snúa sér síðan að skólamálum. Slá á þráðinn til Nichole Leigh Mosty, leikskólastjóra í Vík í Mýrdal og doktorsnema, og spyrja um stöðu innflytjenda í skólakerfinu. Síðan koma Anna Kristín Sigurðardóttir prófessor við HÍ, Björn Kristjánsson kennari í Laugarlækjarskóla og Hulda Dögg Proppé kennari í Sæmundarskóla og skiptast á reynslu og þekkingu af skólakerfinu.