Mánudagurinn 27. nóvember

Skammtímaleiga, kvóti, sorp, launavinna og Venesúela á Flateyri

Við ræðum Airbnb og skammtímaleigu til ferðafólks: Ragnar Þór Ingólfsson formaður VR, Sigrún Tryggvadóttir formaður Íbúasamtaka miðborgarinnar og Guðmundur Hrafn Arngrímsson formaður Leigjendasamtakanna greina stöðuna og benda á lausnir. Hvað finnst Sigurjóni Þórðarsyni varaþingsmanns um nýja sjávarútvegsstefnu Svandísar Svavarsdóttur? Hvers vegna eru höfuðborgarbúa langt á eftir öðrum í flokkun sorps, langt á eftir fólki í öðrum löndum? Kjartan Valgarðsson segir okkur hvers vegna. Við ræðum við Ævar Kjartansson um sósíalisma ’68-kynslóðarinnar og þá sérstaklega um áþján launavinnunnar og þörf á lýðræðisvæðingu atvinnulífsins. Í lokin kemur Helen Cova og segir okkur frá þremur bókum sem hún tengist á þessu ári,. hvernig það er að yrkja og semja á íslensku fyrir konu á Flateyri sem ættuð er frá Venesúela.

Sunnudagurinn 26. nóvember

Hamfarir. stríð, húsnæðiskreppa og kvóti

Bræðurnir Sigurjón Magnús og Gunnar Smári Egilssynir taka á móti gestum og ræða helstu fréttir og pólitík við gesti. Að þessi sinni koma Arndís Anna Kristínardóttir Gunnarsdóttir þingkona, Björg Eva Erlendsdóttir framkvæmdastjóri Landverndar og Úlfar Hauksson vélstjóri og stjórnmálafræðingur. Þá draga þeir saman stöðuna í pólitíkinni og slá á þráðinn til Kjartans Sveinssonar formanns Strandveiðimanna um tillögur Svandísar Svavarsdóttur í sjávarútvegsmálum. Og fá Arnar Atlason, formann Samtaka fiskframleiðenda og útflytjenda, til að draga saman um hvað gagnrýnin á kvótakerfið hefur snúist og hvers vegna tillögur Svandísar ná ekki að svara henni, en kvótinn er líklega stærsta réttlætismál íslenskrar sögu, hvernig fiskimiðin voru færð úr almannaeign og einkavædd.

Laugardagurinn 25. nóvember

Helgi-spjall: Þorvaldur Friðriksson

Í Helgi-spjalli við Rauða borðið segir Þorvaldur Friðriksson okkur frá fólkinu sínu, æskunni og áhugamálunum sem segja má að séu öll á jaðrinum, skrímsl, lækningajurtir og keltnesk áhrif á íslenska menningu. Hvers vegna er Þorvaldur svona skrítin og sérstök áhugamál? Eða eru það kannski frekar við hin sem eru skrítin og takmörkuð?

Föstudagurinn 24. nóvember

Vikuskammtur: Vika 47

Í Vikuskammti við Rauða borðið sitja í dag þau Atli Bollason listamaður, Helga Arnardóttir fjölmiðlakona, Jakob Bjarnar Grétarsson blaðamaður og Þóra Karitas Árnadóttir leikstjóri og ræða fréttir vikunnar sem einkenndust af Grindavík, Gaza og öðrum hættusvæðum.

Fimmtudagurinn 23. nóvember

Furðulegur forseti, nýir þættir á Samstöðinni

Við fáum Helga Hrafn Guðmundsson til að segja okkur frá Javier Milei, nýkjörnum forseta Argentínu, sem sannarlega bindur bagga sína ekki sömu hnútum og stjórnmálafólk almennt. Síðan ræðum við nýja þætti á samstöðinni. Miðjuna á miðvikudegi og Syni Egils sem Sigurjón Magnús Egilsson sér um, Mótmæli í morgunmat sem Oddný Eir Ævarsdóttir heldur utan um, Grimma & Snar sem frænkurnar Ingibjörg Magnadóttir og Kara Guðmundsdóttir eru að byrja með, Maður lifandi sem feðgarnir Björn Þorláksson og Starkaður Björnsson halda utan um og Heimsmyndir sem Kristinn Theódórsson verður með.

Miðvikudagurinn 22. nóvember

Hommar, Rómafólk og stjörnuspeki

Böðvar Bragason hefur skrifað bók um strákana sem komu úr skugganum, frelsisbaráttu gay-samfélagsins á Íslandi. Við fáum hann til að segja okkur þessa sögu. Marco Solimene, mannfræðingur og lektor við félagsfræði-, mannfræði- og þjóðfræðideild Háskóla Íslands segir okkur frá afar áhugaverðri Rannís-rannsókn á sögu og etnógrafíu Rómafólks á Íslandi. Og í lokin er óskalag frá dyggum hlustanda, viðtal við Gunnlaug Guðmundsson stjörnuspeking um breytingarnar sem verða þegar Plútó fer inn í vatnsbera.

Rauða borðið 21. nóvember, 2023.

Grænþvottur, hraðtíska og villta vinstrið

Oddný Eir ræðir við Finn Ricart Andrason forseta Ungra umhverfissinna um Tunglið sem er tilraun Ungra umhverfissinna til að sannreyna loforð stjórnarflokka um umhverfismálin, hann ræðir líka um grænþvottinn og heildrænu nálgunina. Sigrún Sandra Ólafsdóttir sem nýverið lauk við rannsókn á neikvæðum áhrifum textílframleiðslu og fataiðnaðar ræðir einnig um grænþvottinn og svörtu tilboðsdagana, skuggahliðar fataiðnaðarins og óhóflega tískuneyslu Íslendinga. Gunnar Smári heldur síðan áfram að rifja upp villta vinstrið og fær Pétur Tyrfingsson til að fara yfir sína pólitísku baráttusögu, segja frá Fylkinguna og sósíalískri verkalýðsbaráttu í aðdraganda nýfrjálshyggjunnar.

Mánudagurinn 20. nóvember

Ástandið & kynþáttahyggja

Við ræðum um ástandsstúlkur við þrjá sagnfræðinga: Báru Baldursdóttur, Kristínu Svövu Tómasdóttur og Láru Magnúsardóttur. Og einn lögmann, Katrínu Theodórsdóttur. Er möguleiki á að þær stórkostlegu persónunjósnir geti endurtekið sig? Síðan kemur Hallfríður Þórarinsdóttir og segir okkur frá rasisma, kynþáttahyggju og þjóðrembu í samhengi við fjölda innflytjenda á Íslandi.

Bræðurnir Sigurjón Magnús og Gunnar Smári Egilssynir taka á móti gestum og ræða helstu fréttir og pólitík við gesti. Að þessi sinni koma Þóra Kristín Ásgeirsdóttir upplýsingafulltrúi, Erna Bjarnadóttir hagfræðingur og Björn Þorláksson blaðamaður. Þá draga þeir saman stöðuna í pólitíkinni en fá í loki Aðalgeir Johansen, Alla á Eyri, til að segja okkur frá samfélagi og sögu Grindavíkur.

Laugardagurinn 18. nóvember

Helgi-spjall: Steindór J. Erlingsson

Í Helgi-spjalli við Rauða borðið segir Steindór J. Erlingsson frá áratuga langri reynslu sinni af þunglyndi og sjálfsvígshugsunum, frá áföllum, sálarháska, raflostmeðferðum, lyfjum og annarri læknismeðferð sem hann hefur mátt þola. En líka frá sigrum, von og gjöfum lífsins. Þrátt fyrir erfið veikindi hefur Steindór verið ötull baráttumaður fyrir réttindum og mannvirðingu.

Endurtekinn þáttur frá því í vor.