Sóttvarnalæknir segir að þó að margir gæti sín þá fari margir ekki eftir tilmælum um sóttvarnir og óttast að af því sé sopið seyðið núna þegar kórónaveirusmitum fjölgar.

Formaður undirbúningsnefndar um rannsókn kjörbréfa telur að nefndin verði að störfum fram eftir næstu viku.

Mismunandi leiðir í átt að kolefnishlutleysi eru teiknaðar upp í skýrslu sem Ísland skilaði til loftslagssamnings Sameinuðu þjóðanna í dag. Í Speglinum verður rætt við umhverfisráðherra um langtímasýn í loftslagsmálum.

Íslenska kvennalandsliðið í fótbolta dróst í riðil með Frakklandi, Ítalíu og Belgíu í lokakeppni Evrópumótsins sem fram fer á Englandi næsta sumar.

-----

Hver er framtíðarsýn stjórnvalda í loftslagsmálum? Fundur Sameinuðu þjóðanna um loftslagsmál hefst um helgina í Glasgow og mikið fjallað um þau í aðdraganda hans. Í síðustu viku var talað við formann Loftslagsráðs hér í Speglinum og hann lýsti vonbrigðum vegna þess að ekki lægi fyrir langtímasýn Íslands. Umhverfisráðherra kynnti í dag framtíðarsýn Íslands í loftslagsmálum sem lögð verður fram á fundinum. Anna Kristín Jónsdóttir taaði við Guðmund Inga Guðbrandsson umhverfisráðherra.

Umhverfisráðherra ákvað í dag að breyta tilhögun rjúpnaveiða í haust. Breytingin felst í því að veiðimenn verða að hefja veiði á hádegin en eftir sem áður verða veiðidagarnir jafn margir. Arnar Páll Hauksson talaði við Áka Ármann Jónsson formann Skoðtveiðifélags íslands sem er sáttur við ákvörðun ráðherra.