Tæknimönnum á vegum héraðssaksóknara tókst í mars á síðasta ári að finna afrit gamalla samskiptagagna á gamalli tölvu Jóhannesar Stefánssonar. Meðal annars afrit af gömlum, löngu glötuðum farsíma Jóhannesar. Þúsundir skilaboða, sem Jóhannes sendi, en líka þau skilaboð sem hann fékk send á nokkurra ára tímabili.

Til dæmis samskipti Jóhannesar við marga af þeim níu fyrrverandi samstarfsmönnum hans, sem eins og hann eru undir í rannsókn á mútu- og spillingarbrotum Samherja í Namibíu.

Þessi samskiptagögn veita enn betri innsýn í gangverk Samherja en um leið talsvert aðra en þá sem forstjórinn og fyrirtækið sjálft hefur teiknað upp.