Unnur Ösp Stefánsdóttir leikstýrir eiginmanni sínum, Birni Thors, í einleiknum Vertu úlfur sem frumsýndur verður bráðlega í Þjóðleikhúsinu. „Við vorum öll eins og skurnlaust egg. Af því að ég vildi að þessi sýning væri á hnífsblaði, á hættulegum stað,“ segir Unnur.

Þjóðleikhúsið hefur sýningar á stóra sviðinu að nýju föstudaginn 22. janúar, eftir nær fjögurra mánaða samfellt hlé vegna samkomubanns, með frumsýningu á einleiknum Vertu úlfur. Verkið er eftir Unni Ösp Stefánsdóttur, sem einnig leikstýrir, og er byggt á bók Héðins Unnsteinssonar.

Fjallað er hispurslaust um baráttuna við geðsjúkdóma út frá sjónarhóli manns sem í senn glímir við geðraskanir og starfar innan stjórnsýslunnar á sviði geðheilbrigðismála. Þetta er einleikur með Birni Thors, eiginmanni Unnar, og hafa hjónin lært sitthvað nýtt í ferlinu. „Við höfum aldrei unnið í þessari kemistríu þar sem annað er að leikstýra hinu,“ segir Unnur. Mörk og markaleysi eru til umfjöllunar í verkinu og hefur samlífi þeirra tekið að spegla það í ferlinu. „Það er algert markaleysi í gangi núna því Bjössi fær nótur á koddanum á hverju kvöldi og þegar hann vaknar. Við erum að nálgast frumsýningu og þá verður takturinn örari og ég verð alveg heltekin af því viðfangsefni sem ég er að fást við hverju sinni.“

„Þetta er lífið okkar, það er bara svona,“ segir Björn. „Þú ert í kafi þegar þú ert að vinna að stóru verkefni. Núna blæðir vinnan alveg heim. Við erum að vinna allan sólarhringinn og stöðugt að.“

Gerður er eigandi Blush sem á síðasta ári var valið framúrskarandi fyrirtæki. Gerður sem er lesblind og segir brosandi hafa skrifað nafnið sitt vitlaust í mörg ár og skólagangan var brösótt, en hún hafði alltaf drauma og gafst ekki upp.

Umsjón: Sigurlaug Margrét Jónasdóttir.

Gestur þáttarins er Kristinn Ágúst Friðfinnsson, sáttamiðlari.

Reynir sem leikstýrir áramótaskaupi sjóvanrpsins og Lóa ein af handritshöfundunum ræða húmor og þá áybrgð sem fylgir því að skrif aog leikstýra skaupinu sem allir hafa skoðun á.