Segðu mér

Þorvarður segir frá Breiðamerkursandi sem er ekki bara svört auðn. Hann ræðir nýsköpun í ferðamennsku með áherslu á friðlýst svæði. Þorvarður segir einnig frá heimildarmyndinni þar sem fjallað eru breytingar vegna loftslagsvár og linsunni er beint að landsvæði sem hefur löngum verið þekkt fyrir sérstæða fegurð og mikilfengleik en það skartar meðal annars Jökulsárlóni og Fjallsárlóni. Heimildarmynd sem frumsýnd verður á næstu dögum heitir Hinn stóri samhljómur Sandsins og er eftir Þorvarð og Gunnlaug Þór Pálsson kvkmyndagerðarmann.

Stefáni Mána fannst sem yfirnáttúrulegir hlutir ættu sér stað þegar hann skrifaði bókina Húsið. Hræðsla greip um sig hjá rithöfundinum meðan hann sat við skriftir. Hann svaf og dreymdi illa ásamt því að skynja einhverja nærveru í kringum sig. Stefán er ekki mikið fyrir sviðsljósið, vill hverfa inn í fjöldann og hefur ekki unun af því að tala um sjálfan sig. Ný bók er væntanleg frá honum í haust, skáldsagan Horfnar þar sem Hörður Grímsson fer aftur á kreik.

Rithöfundurinn Stefán Máni á 25 ára rithöfundarafmæli um þessar mundir. Hann hefur þó fengist við margt annað en ritstörf á ævinni og fór meðal annars á vertíð aðeins tólf ára gamall. Hann er alinn upp á Ólafsvík og man vel eftir þeim tíma. ?Ég var sendur í slorið sem var algjör viðbjóður,? rifjar hann upp í samtali við Sigurlaugu Margréti Jónasdóttur í Segðu mér á Rás 1. Hann rifjaði upp æskuna og það sem stendur upp úr á ritferlinum, en kveðst þó vera hógværari en margan grunar og nýtur þess ekki eins vel og margir listamenn að koma í viðtöl til að fjalla um sig sjálfan. ?Ég er ekki uppáhalds umræðuefnið mitt, en útvarp er samt skárra en sjónvarp,? segir hann.

Hrönn Kristinsdóttir, Valdimar Jóhannesson og Sara Nassim segja frá kvikmyndinni Dýrið sem frumsýnd verður hér á landi næstu daga. Myndin hreppti frumleikaverðlaun á kvikmyndahátíðinni í Cannes sem kætti þau sannarlega.

Halldóra segir frá Vin sem er athvarf fyrir geðfatlaða.

Listmálarinn Jóhannes Sveinsson Kjarval var ekki bara einn merkasti málari semÍslendingar hafa átt, heldur má segja að hann hafi átt stóran þátt í að kenna þjóð sinni að meta stórbrotna náttúrur landsins, náttúrnnar vegna. Stefán Hallur skrifar leikrit um Kjarval sem byggir að hluta til á verðlaunabók Margrétar Tryggvadóttur um listamanninn. Hér er á ferð fjölskyldusýning sem sýnd verður í Borgarleikhúsinu.

Hjónin Sólveig og Heimir segja frá því að þau hafi ákveðið snemma í sínu sambandi að þeim fyndist skemmtilegast að fara út að borða, við rifjum upp bragðgóðan mat og skemmtilega veitingarstaði

Auðbjörg skrifar bókina Banvæn mistök í íslenska heilbrigðiskerfinu þar sem hún segir frá lífi og dauða sonar síns en röð mistaka á bráðamóttöku barna skilur eftir lærdóm sem enginn má láta fram hjá sér fara.

María Fjóla er fyrsta konan sem starfar sem forstjóri Hrafnistu.

Svanhvít segir frá alvarlegum áhrifum umferðaslysa á andlega, líkamlega , tilfinningalega og félagslega heilsu. Svanhvít segir frá tveimur alvarlegum umferðaslysum og afleiðingum þeirra, sorg sinni og sigrum.

Feðgarnir Atli Rafn og Sigurbjartur Sturla leika báðir í nýrri uppfærslu á Rómeó og Júlíu í ÞJóðleikhúsinu.