សង្រ្គាម​អ៊ុយក្រែន​កំពុង​ធ្វើ​ឲ្យ​តម្លៃ​វត្ថុធាតុដើម​មួយ​ចំនួន​ដូច​ជា​ឧស្ម័ន ប្រេងឆៅ ស្រូវសាលី ឬ​លោហៈ​ឡើង​ថ្លៃ​ខ្ពស់​មិន​ធ្លាប់​មាន។ ជាក់ស្តែង តម្លៃ​អាលុយមីញ៉ូម​បាន​ហក់​ឡើង​ដល់​ទៅ ៣ ៥០០ដុល្លារ​ក្នុង​មួយ​តោន​ដែល​ជា​តម្លៃ​ខ្ពស់​ជា​ប្រវត្តិសាស្រ្ត។ បច្ចុប្បន្ន មាន ៣ប្រទេស​ដែល​ផលិត​អាលុយមីញ៉ូម​ច្រើន​ជាង​គេ​ក្នុង​លោក គឺ​ចិន ឥណ្ឌា និង​រស្ស៊ី។ តែ​គឺ​រុស្ស៊ី​ដែល​ជា​ប្រទេស​នាំ​ចេញ​អាលុយមីញ៉ូម​ច្រើន​ជាង​គេ​ក្នុង​លោកម។ ដូច្នេះ​បើ​សង្រ្គាម​អ៊ុយក្រែន​អូសបន្លាយ​កាន់​តែ​យូរ តម្លៃ​អាលុយមីញ៉ូម​អាច​នឹង​ឡើង​ដល់ ៤ ០០០ដុល្លារ​ក្នុង​មួយ​តោន​នៅ​ឆ្នាំ ២០២២ នេះ។