Sala Íslandsbanka til erlends banka er meðal tillagna í hvítbók um framtíðarsýn fyrir fjármálakerfið sem kynnt var í dag, einnig að varnarlína verði lögð svo bankakerfið geti ekki þanist út óhindrað. Birgir Þór Harðarson segir frá.

Álagið á Landspítalanum er Ölmu Möller landlækni áhyggjuefni, hún segir það sé stjórnvalda að greiða úr það vanti bæði starfsfólk á spítalann og hjúkrunarheimili. Kristín Sigurðardóttir ræðir við Ölmu.

Helga Þórisdótir, forstjóri Persónuverndar segir eðlilegt að stofnunin taki afstöðu til Klaustur-upptökunnar. Fjórir þingmenn Miðflokksins, sem sátu á Klausturbar hafa ráðið sér lögmann sem sendi Persónuvernd erindi um upptökuna. Hólmfríður Dagný Friðjónsdóttir ræddi við Helgu.

Meirihluti samgöngunefndar Alþingis ætlar að leggja til að veggjöld verði tekin upp um allt land og fjármagnið verði notað til vegagerðar. Þingmaður Pírata segir að það að ætla að keyra þetta í gegnum þingið þegar vika er eftir af þingstörfum sé merki um fljótfærni. Jóhanna Vigdís Hjaltadóttir ræddi við Jón Gunnarsson (D) formann samgöngunefndar og Björn Leví Gunnarsson (P).

Sveitarfélagið Norðurþing veitti hvalaskoðunarfyrirtækinu Norðursiglingu vaxtalaust og óverðtryggt lán fyrir vangoldnum farþegagjöldum. . Guðbjartur Ellert Jónsson sveitarstjórnarfulltrúi, sem var áður framkvæmdastjóri fyrirtækisins, telur að sveitarfélagið tapi á öðrum tug milljóna króna vegna þessa. Jón Þór Kristjánsson, ræðir við

------

Forsætisráðherra Bretlands frestaði í dag Brexit-atkvæðagreiðslu sem ráðgerð var í breska þinginu á morgun. Fyrirsjáanlegt var að samningurinn hefði verið felldur. Theresa May forsætisráðherra skipti um skoðun sólarhring fyrir atkvæðagreiðsluna en þvertók fram á síðustu stundu fyrir að henni yrði frestað. Sigrún Davíðsdóttir segir frá og heyrist í Theresu May.

Brottreknir þingmenn Flokks fólksins fá ekkert af framlögum ríkisins til flokksins. Hins vegar fá þeir rúma milljón hvor árlega í sérfræðiaðstoð. Arnar Páll Hauksson segir frá.

Bandaríkin vinna markvisst gegn því að árangur náist á loftslagsráðstefnunni í Póllandi segir Árni Finnsson, formaður Náttúruverndarsamtaka Íslands sem er nýkominn þaðan. Bandaríkin, Rússland og Sádi Arabía komu í veg fyrir að svört skýrsla vísindanefndar Sameinuðu þjóðanna um loftslagsbreytinar fengi þar hljómgrunn. Vonast er til að á ráðstefnunni verði hægt að breyta fyrirheitum sem gefin voru á loftslagsráðstefnunni í París fyrir þremur árum í áþreifanlegar aðgerðir. Bergljót Baldursdóttir ræðir við Árna Finnsson.

Umsjónarmaður: Anna Kristín Jónsdóttir.

Tækni