Borgarfulltrúar Miðflokksins og Flokks fólksins vilja að skýrslu um braggamálið verði vísað til héraðssaksóknara. Lögð verður fram tillaga frá þeim á næsta borgarstjórnarfundi.

Félagið Vígdísarholt tekur að sér rekstur nýja hjúkrunarheimilisins á Seltjarnarnesi. Viljayfirlýsing um það var undirrituð í dag. Gert er ráð fyrir að tekið verði á móti fyrstu heimilismönnum í byrjun apríl.

Nicolas Maduro sór í dag embættiseið sem forseti Venesúela til næstu sex ára. Bandaríkjastjórn ætlar ekki að viðurkenna hann sem leiðtoga þjóðarinnar.

Starfshópur um kjör aldraðra leggur til að heimilt verði að veita viðbótarstuðning þeim einstaklingum sem ekki hafa búið nægilega lengi á Íslandi til að hafa öðlast full réttindi til ellilífeyris. Dæmi eru um að heildartekjur ellilífeyrisþega séu undir 80 þúsund krónum á mánuði. Arnar Páll Hauksson talar við Þorbjörn Guðmundsson og Þórunni Sveinbjörnsdóttur.

Skuldabréfaeigendur í flugfélaginu Wow skoða sína stöðu núna og fá þar hjálp frá óvenjulegu bréfi frá forstjóranum. Flugfélagið hefur verið að fella niður flug en vill ekki upplýsa umfangið. Í viðbót við fleira ýtir þetta enn frekar undir vangaveltur um framtíð Wow. Á meðan skelfur krónan. Sigrún Davíðsdóttir segir frá.