Kampavínsklúbburinn Shooters, sem lögregla innsiglaði um helgina, seldi nektardans. Þetta sýnir myndskeið sem fréttaskýringaþátturinn Kveikur tók. Þá leikur grunur um að þar hafi farið fram umfangsmikil brotastarfsemi, meðal annars vændi og jafnvel mansal.

Rúmenskir verkamenn sem unnu hjá starfsmannaleigunni Mönnum í vinnu fá neyðaraðstoð frá Kópavogsbæ í eina viku.

Búist er við að eftir næstu helgi kynni stjórnvöld aðilum vinnumarkaðarins tillögur sem geti liðkað fyrir lausn kjarasamninga.

Þó að ný skilaboð hafi borist frá mannræningjum Anne Elisabet Hagen hefur norska lögreglan ekki fengið staðfestingu á því að hún sé á lífi.

Ragnar Þór Ingólfsson, formaður VR, er sjálfkjörinn formaður félagsins til næstu tveggja ára. Framboðsfrestur rann út á hádegi og ekkert mótframboð barst.

Gangi svartsýnustu spár vísindamanna eftir gætu öll skordýr í heiminum verið útdauð eftir 100 ár. Jóhann Hlíðar Harðarson segir fá

Óþekktu skipin sem sáust á gervihnattamynd sem tekin var af efnahagslögsögu Íslands í október kunna að hafa verið japönsk túnfisksveiðiskip. Þetta segir forstjóri Landhelgisgæslunnar. Geta gæslunnar til að sinna eftirliti og björgun mætti að hans sögn vera meiri en það horfi til bóta. Arnhildur Hálfdánardóttir talar við Georg Lárusson.

Bandaríkin og Rússland hafa sagt sig frá samkomulagi um meðaldrægar kjarnorkuflaugar frá 1987 og Rússar hafa þegar tilkynnt um þróun á nýju eldflaugakerfi. Óttast er að nýtt kjarnorkukapphlaup sé í uppsiglingu og að spenna aukist enn milli Rússlands annars vegar og Evrópu og Bandaríkjanna hins vegar. Líklega verður vígbúnaðarkapphlaupið þó sínu mest í og við Kyrrahaf. Pálmi Jónasson segir frá.

Umsjón Arnar Páll Hauksson.

Tæknimaður Magnús Þorsteinn Magnússon.