Ákveðið hefur verið að draga úr niðurskurði til Hafrannsóknastofnunar. Hvorki þarf að segja upp starfsfólki né að leggja rannsóknarskipinu Bjarna Sæmundssyni.

Vegagerðin hefur ákveðið að lækka hámarkshraða í 50 kílómetra á klukkustund yfir einbreiðar brýr á þjóðvegum þar sem fleiri en 300 bílar aka yfir á dag.

Ný ríkisstjórn er í burðarliðnum í Svíþjóð. Minnihlutastjórn Jafnaðarmanna og Umhverfisflokksins sem miðjuflokkarnir, Frjálslyndir og Miðflokkurinn hyggjast styðja.

Formaður Starfsgreinasambandsins segir að það hafi verið jákvæður gangur í samningaviðræðum sambandsins og Samtaka atvinnulífsins í þessari viku. Hann er þó ekki bjartsýnn á að samningar takist fyrir mánaðamót.

Fulltrúar Bændasamtaka Íslands og stjórnvalda undirrituðu í dag samkomulag um endurskoðun á samningi um starfsskilyrði sauðfjárræktar.

Ný ríkisstjórn í Svíþjóð. Arnar Páll Hauksson talar við Boga Ágústsson.

Björn Snæbjörnsson, formaður Starfsgreinasambandsins segir að það hafi verið jákvæður gangur í samningaviðræðum sambandsins og Samtaka atvinnulífsins í þessari viku. Búið sé að fækka ágreiningsefnunum en mörg séu enn eftir. Hann segist ekki vera bjartsýnn á að samningar takist fyrir mánaðamót. Arnar Páll Hauksson talar við Björn Snæbjörnsson.

Enn er risin umræða um klukku og sólargang á Íslandi. Almenningur er hvattur til að leggja sitt í púkkið um þrjá kosti sem forsætisráðuneytið kynnti í vikunni. Undanfarna áratugi hefur oft verið rætt um að breyta klukkunni, lengi var talað um að taka upp sumartíma og flýta klukkunni enn á sumrin. Síðustu ár hefur meira borið á umræðu um hvort seinka eigi klukkunni því hollara væri að vakna nær því er birtir. Anna Kristín Jónsdóttir segir frá.

Umsjón Arnar Páll Hauksson

Tæknimaður Ragnar Gunnarsson.