Donald Trump, forseti Bandaríkjanna, varaði Rússa við því í dag að flugskeytaárásir á Sýrland væru yfirvofandi, sem svar við efnavopnaárás á bæinn Douma. Rússar segja að árásum verði svarað.

Fjármálaráðherra segir að ef gengið yrði að kröfum ljósmæðra myndi það setja aðrar kjaraviðræður í uppnám. Í miðjum viðræðum hefðu þær lagt fram nýjar kröfur sem séu algerlega óaðgengilegar.

Dæmi er um að aðgerð á sjúklingi á Landspítalanum hafi verið frestað sex sinnum. Læknaráð spítalans lýsir yfir miklum áhyggjum af viðvarandi skorti á legurýmum á gjörgæsludeildum.

Ekki hefur verið upplýst hvað varð til þess að 257 manns fórust í Alsír þegar herflugvél hrapaði skömmu eftir flugtak.

Hvers vegna nást samningar ekki við ljósmæður? Arnar Páll Hauksson talar við Áslaugu Valsdóttur, formann Ljósmæðrafélags Íslands.

Frambjóðendur í Mexikó drepnir. Kristján Sigurjónsson segir frá.

Myglan herjar á dönskum söfnum. Borgþór Arngrímsson í Kaupmannahöfn segir frá.