Ljósmæður vilja fá 670 þúsund krónur í byrjunarlaun

Alþjóðlegir eftirlitsmenn eru á leið til Douma í Sýrlandi til að kanna ásaknir um eiturefnarás.

Rússar var vestrænar þjóðir við afleiðingum þess að bera Sýrlandsstjórn sökum og hóta flugskeytaárás en vaxandi samstaða er um aðgerðir gegn Assad. Ásgeir Tómasson segir frá og heyrist í Angelu Merkel, kanslara Þýskalands.

Starfandi forstjóri Barnaverndarstofu, staðfestir að myndbandið sem sýnir börn sniffa gas þegar þau voru í helgarleyfi í sumarbústað með starfsmönnum á meðferðarheimilinu hafi komið inn á borð Barnaverndarstofu. Freyr Gígja Gunnarsson segir frá.

Áskorun um að nýkjörinn formaður Kennarasambands Íslands, endurnýi umboð sitt var frestað til morguns á þingi sambandsins í dag.

Viðreisn ætlar að bjóða fram undir eigin merki í Hafnarfirði í vor eftir að áform um sameiginlegt framboð með Bjartri framtíð runnu út í sandinn vegna ágreinings innan Bjartrar framtíðar.

Sveitarstjón Langanesbyggðar óttast, að ef frumvarp um breytingar á stjórn fiskveiða verður að lögum óbreytt, gætu strandveiðar lagst af á vissum landsvæðum. Ágúst Ólafsson ræðir við Elías Pétursson, sveitarstjóra í Langanesbyggð.

Sveitarstjórn Reykhólahrepps hyggst fjármagna mat erlendra sérfræðinga á leiðum fyrir Vestfjarðaveg 60 um Gufudalssveit. Sveitarstjórn hafði áður samþykkt að nýr vegur skyldi liggja um Teigsskóg, sem er í samræmi við vilja Vegagerðarinnar.

Formaður lögreglustjórafélagsins segir að æðstu stjórnendur innan lögreglunnar sé lítt varðir gagnvart pólitísku áhrifavaldi. Í skýrslu GRECO, samtaka ríkja gegn spillingu, er bent á að dómsmálaráðherra skipi og endurráði alla lögreglustjóra. GRECO-nefndin telur að liggja þurfi fyrir skýr og gagnsæ rök fyrir að endurráða þá ekki. Arnar Páll Hauksson ræðir við Úlfar Lúðvíksson, formann Lögreglustjórafélags Íslands.

Hvernig verður þróun á vinnumarkaði næstu ár og áratugi með tilkomu snjalltækja, þjarka og vélmenna. Katrín Ólafsdóttir lektor við Háskólann í Reykjavík hefur tekið þátt í norrænum rannsóknum á framtíð vinnunnar. Anna Kristín Jónsdóttir ræddi við hana um 4 byltingin.

Nú er tími farfuglanna og þessa dagana er mikil flugumferð yfir Atlantshafið til Íslands. Sífellt berast fréttir af nýjum tegundum fugla sem leggja leið sína til landsins. En ekki eru allar fuglafréttir góðar fréttir. Smáfuglar í Evrópu eru nú um það bil 500 milljónum færri en þeir voru árið 1980. Í Frakklandi hefur smáfuglum fækkað um þriðjung á fimmtán árum. Stóraukin notkun eiturefna í landbúnaði er talin helsta orsökin. Borgþór Arngrímsson se