Lögreglu grunar að kannabisefni, sem ræktun var stöðvuð á í vikunni, hafi verið hugsuð til útflutnings. Meira en 300 plöntur voru fullsprotnar.

Samgöngustofa hefur undanfarin ár veitt 167 leyfi til hergagnaflutninga, ýmist um íslenskt yfirráðasvæði eða til íslenskra flugrekenda utan íslenskrar lofthelgi.

Tillögu á þingi kennarasambandsins um að verðandi formaður endurnýi umboð sitt með nýrri kosningu var nú síðdegis vísað frá.

Lögreglan á höfuðborgarsvæðinu rannsakar enn eitt kynferðisbrot stuðningsfulltrúa barnaverndar, sem hefur verið ákærður fyrir kynferðisbrot gegn börnum.

Íbúðaverð á Norðurlandi hefur hækkað meira en á höfuðborgarsvæðinu að undanförnu.

Gloppa er í kerfinu þegar kemur að aðstoð fyrir fólk sem missir ástvini sína skyndilega. Koma þyrfti upp einhvers konar sorgarmiðstöð, segir formaður Nýrrar dögunar, samtaka um sorg og sorgarviðbrögð.

Viktoría Hermannsdóttir ræðir við Huldu Guðmundsdóttur formann Nýrrar dögunar.

Landssamband lögreglumanna hefur ítrekað gagnrýnt, vegna meintra pólitískar áhrifa á störf lögreglu, að ráðherra skipi yfirmenn í lögreglunni til fimm ára. Arnar Páll Hauksson talar við Snorra Magnússon, formann Landssambands lögreglumanna.

Kosningahnappur Facebook og íslensku þingkosningarnar 2017. Sigrún Davíðsdóttir talar við Elfu Úr Gylfadóttur, framkvæmdastjóra Fjölmiðlanefndar.

Umsjón Arnar Páll Hauksson.

Tæknimaður Mark Ekdred.