Þórdís Kolbrún Reykfjörð Gylfadóttir tók tímabundið við embætti dómsmálaráðherra á ríkisráðsfundi á Bessastöðum í dag. Ráðstöfunin er til nokkurra vikna, að sögn Bjarna Benediktssonar, fjármálaráðherra og formanns Sjálfstæðisflokksins.

Breskir þingmenn hafa undanfarinn klukkutíma greitt atkvæði um tillögur sem snúa að því að fresta Brexit - útgöngu Breta úr Evrópusambandinu. Tillögu um að halda nýja þjóðaratkvæðagreiðslu var hafnað með miklum meirihluta.

Það er um 66 prósentum dýrara að reka heimili á Íslandi en í Evrópusambandinu. Ísland kemur illa út í samanburði við dýrustu löndin í sambandinu þegar litið er á verð á matvælum.

Loðnubresturinn er sveitarfélögum sem byggja tilveru sína á vinnslu uppsjávarafla mikið áfall. Mörg þeirra skoða nú hvort ástæða sé til að endurskoða fjárhagsáætlun ársins.

Samtök ferðaþjónustunnar lýsa fullum stuðningi við Samtök atvinnulífsins í kjaraviðræðum og hvetja verkalýðsfélög til að fresta verkföllum. Formaður Samtaka ferðaþjónustunnar segir að framtíð greinarinnar hafi aldrei verið eins óljós.

Nýjar rannsóknir og uppgötvanir benda til þess að handan Plútó sé pláneta sem sé um það bil 10 sinnum stærri en jörðin. Vísindamenn telja að tilvist hennar verði sönnuð á næstu 10 árum og hún verði 9. reikistjarna sólkerfisins. Jóhann Hlíðar Harðarson.

Sumt fólk með þroskahömlun þrífst ekki innan hefðbundinna úrræða, því líður einfaldlega illa. Það átti við um Gísla Björnsson. Líf hans gjörbreyttist til hins betra þegar hann fékk NPA en móðir hans segir nýja fyrirkomulagið þó ekki gallalaust. Arnhildur Hálfdánardóttir ræðir við Gísla, Gunnhildi móður hans, Bryndísi Snæbjörnsdóttur, formann Þroskahjálpar og Björgvin Björgvinsson.