Spegillinn mánudaginn 17. Des 2018

Umsjón: Kristján Sigurjónsson

Tæknimaður: Magnús Þorsteinn Magnússon

Forsætisnefnd Alþingis, forseti og varaforsetar, hafa allir sagt sig frá Klausturmálinu. Þetta kemur fram í yfirlýsingu froseta Alþingis. Nefndarmenn hafi með ummælum sínum um málið gert sig vanhæfa til að vísa málinu til siðanefndar þingsins.

Mennirnir tveir sem týndust í fjallgöngu á Kirkjufelli í Grundarfirði síðdegis í dag eru fundnir heilir á húfi.

Tekist var á um vitnaleiðslumál þingmanna Miðflokksins í Héraðsdómi Reykjavíkur í dag. Lögmaður þingmannanna sagði þurfa að tryggja gögn. Lögmaður konu sem hleraði samtal þeirra sagði þá ganga of langt.

Minnst tólf manns féllu í dag í hörðum bardögum í hafnarborginni Hodeida í Jemen. Vopnahlé á að taka gildi í borginni á morgun. Tugir hafa fallið síðustu daga. Fulltrúar uppreisnarmanna og stjórnvalda í Jemen samþykktu í síðustu viku að draga hermenn og vopn sín frá Hodeida, til að hægt verði að flytja þangað hjálpargögn og matvæli.

Japanska lyfjafyrirtækið Fuji pharma hefur fjárfest fyrir 6,2 milljarða króna í íslenska lyfjafyrirtækinu Alvotech

Að minnsta kosti einn er látinn og yfir áttatíu slasaðir eftir að stuðningsmenn forsetaframbjóðenda í Austur-Kongó tókust á um helgina. Gengið verður til atkvæða um eftirmann Josephs Kabila forseta á sunnudaginn kemur.

Íbúar líta á byggðaþróun í Árneshreppi sem algjört neyðarástand segir verkefnistjóri brothættra byggða í hreppnum. Verkefnastjórn hefur sent ríkistjórnininni ákall um einangrun sveitarfélagsins sé rofin með bættum samgöngum.

Lengri umfjallanir:

Atvinnurekendur vilja stytta vinnuvikuna með því að fella niður kaffitíma. Dregið verði verulega úr yfirvinnu og dagvinnulaun hækkuð í hlutfalli við það. Einnig að dagvinnutímabilið verði frá sex á morgnana til sjö á kvöldin.

Starfsgreinasambandið hafnar þessum tillögum. Arnar Páll Hauksson segir frá og ræðir við Björn Snæbjörnsson formann Einingar á Akureyri.

Alvarlegar sýkingar af völdum numókokka hefur fækkað verulega frá því farið var að bólusetja börn við bakteríunni og í sumum tilfellum hefur henni nánast verið útrýmt Þetta kemur fram í niðurstöðum umfangsmikillar rannsóknar.

Bergljót Baldursdóttir ræðir við Samúel Sigurðsson lækni, sem varði doktorsritgerð sína í læknavísindum í vikunni. Doktorsrannsókn hans var hluti af mjög umfangsmiklum rannsóknum á áhrifum bólusetningar við pneumokokkum. Niðurstöðurnar sýna að alvarlegar sýkingar vegna pneumókokka eru nánast horfnar eftir að farið var að bólusetja börn við bakteríunni.

Wow hefur mikið