Spegillinn 1.mars 2021

Umsjón: Kristján Sigurjónsson og Anna Kristín Jónsdóttir

Tæknimaður: Mark Eldred

Gervihnattamyndir af Reykjanesskaga og ný gögn sýna umtalsverða færslu á landi sem ekki verði bara skýrð með jarðskjálftum og benda til þessað kvikugangur sé að myndast þar sem mesta skjálftavirkni hefur verið síðustu daga, það er við Keili. Kristín Jónsdóttir hópstjóri Náttúruvárvaktar á Veðurstofu Íslands segir að því sé mikilvægt að draga fram sviðsmynd um gos. Hraun frá því hefði ekki áhrif í byggð. Ekki er talin ástæða til að breyta viðbúnaði almannavarna en fylgst er grannt með svæðinu.

Jarðskjálfti 5,1 að stærð varð um klukkan hálf fimm í dag á Reykjanesskaga. Þetta er þriðji stærsti skjálftinn i hrinunni síðan hún hófst á miðvikudag. 1800 skjálftar hafa mælst frá miðnætti, 23 skjálftar að stærð 3 eða stærri og um 3 skjálftar eru 4 að stærð eða stærri.

Framkvæmdastjóri Unicef á Íslandi segir verkefni Barnahjálpar Sameinuðu þjóðanna að bólusetja íbúa um 90 fátækra landa í heiminum gegn COVID-19 sé tvímælalaust stærsta bólusetningarverkefni sögunnar

Framleiðsluáætlun kórónuveirubóluefnaframleiðandans Janssen hefur ekki gengið eftir og því óvíst hvenær bóluefnið kemur hingað til lands.

Forsætisráðherra Armeníu kveðst tilbúinn að boða til þingkosninga verði það til þess að leysa úr pólitískri kreppu sem þar hefur ríkt síðustu mánuði.

Lengri umfjöllun:

800 ár eru liðin frá síðustu eldsumbrotum á Reykjanesskaga og jarðsagan segir að hann sé kominn á tíma. Eldfjallfræði- og náttúruvárhópur Háskóla Íslands hefur útbúið kort sem sýna hugsanlega hraunrennslisstefnu ef til goss kæmi. Þorvaldur Þórðarson prófessor í í eldfjalla- og bergfræði við Háskóla Íslands segir mjög ólíklegt að eldgos fylgi núverandi jarðhræringum á Reykjanesskaga, það sé þó ekki útilokað. Spegillinn ræddi við Þorvald í dag, en það skal tekið fram að viðtalið var tekið um miðjan dag, áður en stöðufundur almannavarna var haldinn sem við sögðum frá í fréttahluta Spegilssins. Þar kom fram að

Vísindaráð hafi farið yfir gervihnattamyndir (InSAR) sem bárust í dag, en úrvinnsla úr þeim myndum sýna meiri færslu en áður hefur orðið vart við á svæðinu síðustu daga. Líklegasta skýringin er sú að kvikugangur sé að myndast undir því svæði þar sem mesta jarðskjálftavirknin hefur verið síðustu daga að því er segir í tilkynningu frá Vísindaráði og almannavörnum. Kristján Sigurjónsson talaði við Þorvald.

Framkvæmdastjóri Unicef á Íslandi, Birna Þórarinsdóttir, segir verkefni Barnahjálpar Sameinuðu þjóðanna að bólusetja íbúa um 90 fátækra land