Spegillinn 24.febrúar 2021

Umsjón: Kristján Sigurjónsson

Tæknimaður: Markús Hjaltason

Dregið hefur úr skjálftavirkninni á Reykjanesskaga eftir því sem liðið hefur á daginn en hún er samt enn mikil. Hættustigi hefur verið lýst yfir á höfuðborgarsvæðinu. Skíðasvæðinu í Bláfjöllum hefur verið lokað.

Dagur B. Eggertsson formaður Almannavarnaráðs höfuðborgarsvæðisins minnist þess ekki að höfuðborgarsvæðið hafi áður verið sett á hættustig vegna jarðskjálfta. Búa verði sig undir að skjálftar geti orðið harðari og nær höfuðborgarsvæðinu.

Af öryggisástæðum voru flestir starfsmenn HS orku sendir heim eftir stóru skjálftana í dag

Um þriðjungur landsmanna er með innbú sitt ótryggt, er ekki brunatryggður, sem þýðir sömuleiðis að innbúið er ekki tryggt gegn tjóni vegna náttúruhamfara, til dæmis af völdum jarðskjálfta. Hulda Ragnheiður Árnadóttir er framkvæmdastjóri Náttúruhamfaratrygginga Íslands.

Alls eru sjö í gæsluvarðhaldi vegna morðsins í Rauðagerði. Rannsókn málsins er mjög umfangsmikil og samkvæmt heimildum fréttastofu snýr hún meðal annars að mögulegu peningaþvætti og fjársvikum. Fjöldi vitna hefur verið kallaður til skýrslutöku og tólf hafa réttarstöðu sakbornings.

Heilbrigðisráðherra segir innviði til greiningar leghálssýna ekki vera til staðar hér á landi, Hún vill fullvissa konur sem beðið hafa mánuðum saman eftir niðurstöðu úr leghálsskimun um að þjónustan verði betri í nýju kerfi.

Lengri umfjöllun:

Freysteinn Sigmundsson jarðeðlisfræðingur hjá Jarðvísindastofnun Háskóla Íslands kemur í beina útsendingu í Speglinum og segir frá Jarðskjáftahrinunni á Reykjanesskaga í dag, jarðskjálftasögunni, útskýrir eðli jarðskjálfta, fer yfir styrkleika þeirra og við hverju megi búast í náinni framtíð á Reykjanesskaga. Kristján Sigurjónsson talar við Freystein.

Álag vegna COVID-19 meðal opinbera starfsmann virðist hafa aukist meira en meðal starfsfólks á almenna vinnumarkaðinum. Þetta kemur fram í nýrri könnun sem Maskína gerði fyrir BSRB. Þá kemur fram að gæðastundum með fjölskyldunni hefur fjölgað miðað við sambærilega könnun sem gerð var í apríl. Arnar Páll Hauksson talaði við Sonju Ýr Þorbergsdóttur formann BSRB.

Bólusetning gegn Covid-19 gengur vel í Bretlandi en ójöfn dreifing um landið ógnar áhrifum hennar. Það er búið að bólusetja tæplega þriðjung Breta einu sinni og í augsýn að byrja að létta á núverandi hömlum. En nú blasa við önnur vandamál: hvernig megi hindra að veiran blossi upp aftur með tilheyrandi lokunum og svo hvernig eigi að tryggja að nógu margir láti bólusetja sig. Sigrún Davíðsdóttir segir fr