Það er enn ein ábendingin um að taka þurfi til hendinni í heilbrigðismálum, að karlmanni á fertugsaldri með heilaskaða skuli einungis bjóðast vist á hjúkrunarheimili fyrir aldraða. Þetta segir heilbrigðisráðherra.

Frakklandsforseti kveðst þess fullviss að Bandaríkjamenn eigi eftir að taka þátt að nýju í aðgerðaáætluninni sem samkomulag náðist um á loftslagsráðstefnunni í París. Hann varar Bandaríkin við þjóðernis- og einangrunarhyggju sem einungis eigi eftir að valda þeim skaða.

Stjórnmálafræðingur segir margt benda til þess að kjörsókn í sveitarstjórnarkosningunum í næsta mánuði verði lakari en í kosningunum 2014. Þá var hún í sögulegu lágmarki.

Þingmaður Flokks fólksins segir að framganga yfirvalda í máli strokufangans sem flúði frá Sogni, hafi verið í hæsta máta óeðlileg og meðalhófs hafi klárlega ekki verið gætt.

Borgarflokkur Viðreisnar vill að laun kennara verði hækkuð um 100 þúsund krónur á mánuði.

Snjalltæki og sítenging geta skapað fólki frelsi. Það er ekki eins bundið við vinnustaðinn sjálfan, fólk ræður því betur hvenær gengið er frá verkum en krafan um að vera alltaf til taks getur líka haft neikvæð áhrif á fólk og fjölskyldulíf og valdið streitu. Anna Kristín Jónsdóttir talaði við Guðbjörgu Lindu Rafnsdóttur, prófessor í félagsfræði við Háskóla Íslands og Helga Dan Stefánsson .

Rúmt hálft ár er nú liðið frá því að einhverjir verstu skógareldar í manna minnum geisuðu í Norður-Kaliforníu. Kristján Sigurjónsson segir frá eftirköstum eldanna.

Skortir heildarstefnu um ferðaþjónustuna. Sigrún Davíðsdóttir segir frá.

Umsjón Arnar Páll Hauksson.

Tæknimaður Magnús Þorsteinn Magnússon.