Anton Örn Guðnason var í dag dæmdur í fimm og hálfs árs fangelsi fyrir að stinga mann í kviðinn við handrukkun. Annar maður fékk tæpra tveggja ára dóm fyrir líkamsárás.

Félagsráðgjafi gagnrýnir hvernig staðið er að máli ungs marokkósks hælisleitanda, sem fékk synjun um dvalarleyfi.

Sænska ríkisstjórnin hyggst banna tóbaksreykingar á útiveitingastöðum, brautarpöllum og víðar. Takmarkið er reyklaus Svíþjóð árið 2025.

Það gæti kostað mörg hundruð milljónir að endurgreiða einkareknum fjölmiðlum fjórðung af kostnaði þeirra við fréttaframleiðslu

Ævintýraþráin dró suma til landsins, aðrir komu til að safna peningum. Hjá sumum gekk allt eins og í sögu, aðrir hittu fyrir fólk sem vildi nýta sér veika stöðu þeirra. Spegillinn ræðir við fimm pólska innflytjendur sem eiga það sameiginlegt að hafa komið hingað í fyrra. Arnhildur Hálfdánardóttir ræðir við Kaja Bolejko, Piotr Porebki, Karolina Wojciechowska, Michal Kostrz og Tomasz Chrapek.

Þorkell Sigurlaugsson, varaformaður Spítalans okkar, segir að Landspítali á nýjum stað yrði helmingi dýrari og yrði ekki tilbúinn fyrr en árunum 2035 til 2040. Miðflokkurinn hefur lagt fram þingsályktunartillögu um að fela heilbrigðisráðherra að láta gera staðarvalsgreiningu á nýju þjóðarsjukrahúsi. Arnar Páll Hauksson.

Spegililnn 26. Janúar 2018

Umsjón: Arnhildur Hálfdánardóttir

Tæknimaður: Magnús Þorsteinn Magnússon.