Ökumaður jeppans sem fór fram af brúnni yfir Núpsvötn hefur réttarstöðu sakbornings. Ekki verður gerð krafa um að hann sæti farbanni.

Verðmæti bandaríska tölvu- og símafyrirtækisins Apple hafa rýrnað um rúmlega 70 milljarða dollara í dag vegna tekjusamdráttar. Hlutabréfavísitölur í Bandaríkjunum hafa lækkað vegna þessa.

Rannsóknarnefnd samgönguslysa í Danmörku segir að vikur, mánuðir og jafnvel eitt ár kunni að líða þar til það kemur í ljós hvað olli járnbrautarslysinu á Stórabeltisbrú.

Flugvél og þyrlur Landhelgisgæslunnar fóru í 278 útköll á nýliðnu ári og hafa þau aldrei verið fleiri.

Ríkissáttasemjari hefur ákveðið að kalla til 8-10 manna hóp aðstoðarsáttasemjara vegna komandi kjarasamningalotu. Fram að þessu hefur aðeins verið einn aðstoðarsáttasemjari. Arnar Páll Hauksson segir frá og talar við Bryndísi Hlöðversdóttur

Sérfræðingur segir að Vaðlaheiðargöng muni leiða til aukinnar samvinnu sveitarfélaga. Skólastjórinn á Laugum vonar að þau verði til þess að nemendum fjölgi. Arnhildur Hálfdánardóttir segir fá og talat við Hjalta Jóhannesson. Sigurbjörn Arngrímsson og Ólöfu Hallgrímsdóttur.

Vísundahjarðir eru teknar að sjást að nýju utan þjóðgarða í Bandaríkjunum og Kanada á þessari öld. Vísundurinn, sem á ensku heitir bison en frumbyggjar kallar buffaló, er stærsta villta landdýr Norður-Ameríku. Þetta er nautgripur sem lifði af ísöldina, en var hársbreidd frá því að deyja út á 19. öld vegna gegndarlausra veiða og slátrunar hvíta mannsins. Kristján Sigurjónsson segir frá.