Strokufanginn Sindri Þór Stefánsson var úrskurðaður í eins mánaðar farbann í Héraðsdómi Reykjaness nú fyrir stundu. Ekki er búið að gefa út ákæru í máli lögreglu á hendur honum, sem varðar þjófnað á 600 tölvum úr þremur gagnaverum í janúar og febrúar.

Þungt hljóð er í ljósmæðrum vegna kjaradeilu þeirra við ríkið. Lítið hefur þokast í samkomulagsátt og samkvæmt heimildum fréttastofu ber mikið í milli í deilunni.

Forstjóri Umhverfisstofnunar segir brýnt að landsmenn minnki neyslu og dragi úr myndun úrgangs. Losun gróðurhúsalofttegunda hér verður langt umfram heimildir ef ekki verður gripið til róttækra aðgerða.

Fljúgandi hálka, mjög slæm færð og lélegt skyggni er nú á Holtavörðuheiði. Þar hefur verið mokað í allan dag.

Ný stjórn hefur verið mynduð á Grænlandi eftir þingkosningar þar í síðustu viku. Kim Kielsen verður áfram formaður landsstjórnarinnar, sem hefur aðeins eins þingsætis meirihluta.

Tvö skipsflök, sem fundust á hafsbotni þegar leitað var að flugvél Malaysian Airlines sem hvarf af yfirborði jarðar í mars 2014, eru líklega kaupskip frá 19. öld.

Enginn fær Nóbelsverðlaun í ár. Anna Kristín Jónsdóttir talar við Pál Valsson rithöfund og útgáfurstjóra Bjarts.

Skrifborðin sem starfsfólk Sjúkratrygginga Íslands hefur til afnota eru með þeim hreinni; engar möppur, engar fjölskyldumyndir, engin tæki eða tól, fyrir utan tölvu, mús og hugsanlega nokkur skjöl. Arnhildur Hálfdánardóttir fjalla um opið vinnuumhverfi. Talar við Frey Halldórsson mannauðsstjóra hjá Sjúkratryggingum, tvo starfsmenn og Steingrím Ara Arason forstjóra Sjúkratrygginga.

Skylda skattaparadísir til að birta eigendaupplýsingar. Sigrún Stefánsdóttir segir frá.