Spegillinn 7. desember 2018

Umsjónarmaður: Bergljót Baldursdóttir

Bára Halldórsdóttir sem tók upp samtal sex þingmanna á Klausturbar segir að sér hafi ofboðið orðbragðið og því sent upptökurnar til fjölmiðla. Hún sé þó ýmsu vön því hún er fötluð kona og hinsegin. Lögfræðingar segja að Bára hafi gefið færi á lögsókn gegn sér. Málið er til skoðunar hjá Persónuvernd.

Seðlabankastjóri segist ekki hafa áhyggjur af því að aflandskrónueigendur fari með fé sitt úr landi í stórum stíl, ef frumvarp fjármálaráðherra um losun hafta á þeim verður samþykkt. Haukur Hólm ræddi við Má Guðmundsson, seðlabankastjóra.

Forstjóri Vinnumálastofnunar telur að grípa þurfi til aðgerða gegn kennitöluflakki hér á landi. Sjöhundruð og fimmtíu fyrirtæki urðu gjaldþrota hér fyrstu níu mánuði ársins. Ágúst Ólafsson ræddi við Gissur Pétursson.

Annegret Kramp-Karrenbauer var í dag kjörin leiðtogi Kristilegra demókrata, stærsta stjórnmálaflokksins í Þýskalandi. Hún tekur við af Angelu Merkel sem hefur stýrt flokknum síðastliðin átján ár. Ásgeir Tómasson sagði frá

Lengra efni:

Donald Trump Bandaríkjaforseti tilnefndi í dag William Barr í embætti dómsmálaráðherra og yfir Rússarannsókn Roberts Muellers. Trump hefur farið mikinn á samfélagsmiðlum í dag og reynt að draga úr trúverðugleika þeirra sem stýra rannsókninni. Bjarni Pétur Jónsson, sagði frá

Guðmundur Ingi Guðbrandsson, umhverfisráðherra ætlar að tala um aðgerðaáætlun Íslendinga og mikilvægi þess að þjóðir heims geri betur í loftslagsmálum á loftslagsráðstefnunni í Póllandi. Hann fer á ráðstefnuna á morgun og tekur til máls á fundi ráðherra á miðvikudaginn.

Tugir barnungra hælisleitenda í Svíþjóð selja nú fíkniefni fyrir opnum tjöldum í miðbæjum sænskra borga. Þeir hafa verið þvingaðir í afbrot af sænskum glæpagengjum. Kári Gylfason tók saman