Sérfræðingur í umhverfismálum segir að það stefni í að Íslendingar verði að greiða milljarða fyrir losunarheimildir vegna Parísarsamkomulagsins.

Fulltrúi ríkisstjórnarinnar í loftslagsmálum segir þá staðreynd að Íslendingar hafi mengað mest allra í Evrópu árið 2016 hvatningu til að gera enn betur.

Þingmaður Miðflokksins segir ákvörðun um vaxtahækkun vera arfavitlausa. Formaður Neytendasamtaka segir vaxtahækkun aldrei góða fyrir heimilin í landinu.

18 starfsmönnum Eimskips var sagt upp um mánaðamótin. Félagið sendi frá sér afkomuviðvörun í síðasta mánuði.

Fatlað fólk getur núna ráðið því hvar það býr því nýjar laga- og reglugerðarbreytingar tryggja því rétt til að fá viðeigandi þjónustu þar sem það býr. Lagabreytingunni hefur verið lýst sem byltingu.

Íslendingar menga mest allra þjóða Evrópu, samkvæmt nýjum tölum frá Hagstofunni. Sérfræðingur í umhverfismálum segir a að óbreyttu stefni í að losun aukist fram til ársins 2030. Ljóst sé að íslensk fyrirtæki og samfélagið verði að greiða milljarða fyrir losunarheimildir. Arnar Páll Hauksson talar við Sigurð Hannesson, framkvæmdastjóra Samtaka iðnaðarins og Jón Ágúst Þorsteinsson, forstjóra Klappa.

Það eru miklar hræringar í flugrekstri í Evrópu. Lággjaldaflugfélögin eiga í vandræðum, gömlu flugfélögin vita ekki alveg hvernig þau eiga að vera. Í þessu samhengi er áhugavert að skoða kaup gamalgróna Icelandair á nýgræðingnum Wow. Sigrún Davíðsdóttir.