Die Gemeenskap van die Bo-Kaap is woedend, en eis antwoorde, nadat ‘n jong vrou op YouTube beweer dat sy as kind verkrag is deur haar oupa en sy broer. ‘n Nuwe veldbrand het gisteraand uitgebreek in die Noord-Kaap tussen Boshoff en Kimberley, en een van die boere wat help om die stryd aan te pak, praat oor dié vreesaanjaende ervaring. Geweldsmisdaad is volgens die Instituut vir Rasseverhudinge besig om die sogenaamde "nuwe normaal" in Suid-Afrika te word, terwyl ProjekSA gestig word deur gemeenskappe uit verskeie sektore, om die probleme in die land die stryd aan te sê.

Hulp stroom reeds in van heinde en verre vir boere in die Vrystaat en Noord-Kaap wat deur die verwoestende veldbrande in die twee provinsies geraak is. Ons spits ons toe op die diere-slagoffers van die brand, met 'n veearts van die Vrystaat, wat sê hy’t lanklaas so ‘n wreedaardige gesig aanskou. AgriSA het die Nasionale Tesourie genader om in te gryp om die volhoubaarheid van die Landbank te verseker. Die nie-regeringsorganisasie Equal Education, reageer op onthullings dat kinders gras en sprinkane moes eet, toe subsidies tydens die grendelstaat weerhou is.

Die eerste spertyd vir belastingopgawes is 22 Oktober. Boere in die Vrystaat beraam die skade nadat veldbrande verwoesting in groot dele van die provinsie asook die Noord-Kaap gesaai het. Die Inniebos-fees in Mpumalanga word gekanselleer.

Die afdanking van personeel by die SAUK word weer eens die sentrale besprekingspunt by die parlementêre oorsigkomitee. Geneeskundiges waarsku dat mense wat beginselbesware teen entstowwe het, die stryd teen Covid-19 kan saboteer. 'n Boervrou van Clocolan in die Oos-Vrystaat vertel van haar ervaring met 'n plaasaanval.

Die Universiteit Stellenbosch verwerp die DA se bewering dat die rektor, prof. Wim de Villiers, glo 'n neerhalende houding teenoor Afrikaanse moedertaalonderrig by die instelling inslaan. Die Universiteit van Kaapstad en die Universiteit van die Witwatersrand in Johannesburg begin binnekort met kliniese toetse om te bepaal of die inenting teen masels, Duitse masels en pampoentjies, bekend as MMR, beskerming teen Covid-19 bied. 'n Opname oor die pryse van die kosmandjie in verskillende dele van die land, wys hoe skerp kospryse in sommige gevalle gestyg het.

Pastoor Timothy Omotoso sal waarskynlik vandag uitvind of hy borgtog sal kry. Honderde betogers is buite die Senekal Landdroshof, waar die twee verdagtes vir die moord op Brendin Horner verskyn. Vrystaat Landbou het vooraf sy lede gevra om nie vandag na Senekal te gaan nie. Europese lande het weer streng inperkingsmaatreëls ingestel - ons praat met 'n Suid-Afrikaner wat in Spanje woon.

'n Pastoor van die Jesus Dominion International Church getuig in die borgtogaansoek van Timothy Omotoso. Reaksie op 'n hofuitspraak oor Eskom se onderbreking van kragtoevoer. AgriSA sê alle rolspelers moet môre se verrigtinge in Senekal met respek en waardigheid benader. 'n Laerskoolonderwyser van Nigel word 80 en werk steeds.

Die Minister van Sport verloor sy geduld met Krieket Suid-Afrika. Handelstoetstande verbeter. Ons praat met die ontvangers van vanjaar se Neville Alexander-toekennings. En, is 'n tweede vlaag Covid-19 ons voorland?

Die 51-jarigé Andre Pienaar word borgtog geweier in die Senekal Landdroshof. Julius Malema eis die teenwoordigheid van die media wanneer 'n polisiebeampte getuig. Klagtes dat die Teen-bende-eenheid in die Wes-Kaap hulle magte misbruik. En die jongste nuus oor die verringtinge by die Staatskapingskommissie.

** En twee vroue is dood in nòg 'n botsing op die N1 in die Karoo.

Die DA lê strafregtelike klagte teen die EFF-leier oor omstrede inskrywings op sosiale media. Die president verwys in sy weeklikse brief na plaasmoorde. En die Nobelprys vir Ekonomie word aangekondig.