Tosað verður við Bjørn Hentze Bech og Ólav á Váli um nýggja lagið Summarkvøða. Vit fritta løgregluna um ólavsøkuna. Og vit hitta eina klassiska gittar- og floytuduo á konsertferð við navninum HAV, sum eru finska Marianne Sihvonen og føroyingurin Alvi Joensen.

Vertir eru Tróndur Vatnhamar og Ingi Rasmussen.

Tað er ikki bara sum at siga tað hjá einum koyrilærara at fáa sær elbil og fylgja við grøna rákinum. Tí allir elbilar hava automatisk gear, og hevur koyrilærarin elbil, er koyrikortið hjá næminginum bara galdandi fyri bilar við automatiskum gearum og ikki manuellum gearum.

Hetta heldur Árni Andreasen, koyrilærari í Havn, vera eina keðiliga tvístøðu. Hann kundi hugsað sær at keypt ein elbil, men tað hevur hann ikki møguleika til sum er.

Michael C. Gram hevur havt Vága Kajakk síðani 2018 og virksemið er alla tíðina vaksið. Tað eru bæði útlendingar og føroyingar sum hava hug at rógva kajakk.

-Í koronatíðini vóru tað nógv, sum vildu sleppa út í náttúruna og nógv vildu sleppa at rógva í kajakk á Vatninum. Ikki minst ungfólk í Vágum, sum ikki sluppu í býin.

Tosað verður við Árna Andreassen, Ova Brim, Michael Christian Gram, Helen Skaalum og Erlu Leonsson

Aftur í ár, tann 27. juli kl 19.00 verður dystur á Ovaravølli í Gundadali millum lógkøn og hálshvítar. Politikarar og prestar.

Samskipari og venjari hjá prestunum í ár er Ovi Brim, prestur, sum sendingin Summarmorgun hevur tosað við.

Johan Hansen, barna- og umgdómsráðgevi hjá Heimamissiónini, greiðir frá summarlegunum nú og Sólbjørg Mortensen Símunarsson, sum saman við foreldrunum var á Kambsdali hvørt summar, greiðir frá umstøðunum tey fyrstu árini.

Her hoyrir tú samrøðurnar í Summarmorgni.

Tosað verður við Katrin Joensen-Næss, Elias Magnussen og Johanna Roos Slættanes, Johan Hansen og Sólbjørg Mortensen Símunarson

Flestu leikararnir til ársins ólavsøkukabarett, eru royndir leikarar og hava sjálvi skrivað leikirnar, sum verða at síggja, siga Katrin Joensen-Næss, leikari og leikstjóri og Elias Magnussen og Johanna Roos Slættanes.

Umframt leikararnar eru eisini tónleikarar og teir eru Vinjar Egilsnes Petersen og Kristian Pauli Ellefsen

Magnus K. Magnusson, lækni og professari í Reykjavík, hevur saman við syskjum keypt seglbát úr Norra og er komin á Havnina á veg til Íslands. Á Havnini hevur báturin ligið í nakrar dagar, og sum veðurforsøgnirnar eru nú verða líkindi at halda leiðina fram til Íslands í morgin. Kósin verður sett móti Vestmannaoyggjum.

 

Í samrøðu við Summarmorgun er Magnus fegin um umstøðurnar at koma við báti á Havnina, og her hevur hann hitt kenningar. Í kvøld eru hann og manningin boðin at vitja Pál Weihe í Hoyvík.

Vágsbotnur er blivin bæðiu eitt hjarta og ein perla í høvuðsstaðnum. Her savnast nógv fólk tá veðrið er gott, bæði summar og vetur.