Summarmorgun

Gestir: Heri í Ravnagjógv, Suni Merkistein, Kári Mortensen, Tróndur Arge og Heðin Mortensen

Ein fagran juli summardag í 1967, fór ein 13 ára gamal "ókonfirmeraður" piltur, sín fyrsta túr á línuveiðu við Stellu Karinu yvir til Flemish Cap.

Eftir at hava siglt úti og fiskað við skipum úr 7 ymiskum londum í 54 ár hevur hann endiliga funnið landgongdina aftur. Thats it.

Soleiðis skrivaði Anfinn Nielsen á sínum facebookvanga í síðstu viku.

Hann vísir ikki aftur, at hann kanska fer onkran túr afturat, um tað gerst neyðugt.

- Tá tað fer at fjara í boksini, fari eg sikkurt ein túr, um eg verði spurdur, sigur Anfinn Nielsen.

Gestir: Magni Husgaard, Dánial Gomez, Magni Thomsen, Anfinn Nielsen og Leif Hansen.

Eitt nýtt lag eftir Magna Husgaard og Dánial Gomez er komið út.

Talan er um einstakt lag, sum ikki er partur av eini størri útgávu, men kortini er hetta partur av einum konsepti, sum hevur verið til í eina tíð.

- Hetta er ein framleiðsla, sum er vorðin størri og størri, so hvørt sum tíðin hevur gingið, greiða teir báðir frá.

Gestir: Bogi F. Sigurstein, Elin Lindenskov, Torkil Dalsgarð, Bogi Bech Jensen, Jóannes Sjóstein og Hanus Kjølbro.

- Eg haldi saktans, at tú kanst síggja leikin uttan at hava lisið bókina.

Carl Johan Jensen, rithøvundur, heldur tað vera eitt bragd, at leikbólkurin Tvazz hevur fingið so nógv við úr bókini "Ó - søgur um djevulskap", nú bókin er gjørd til leikrit, sum verður framført í Norðurlandahúsinum hesa vikuna.

Leikurin byrjar við, at spurt verður út í salin, hvør hevur lisið bókina úr enda í annan. Og tað var ein greiður minniluti, sum rætti hondina upp, men tað nervar ikki Carl Johan Jensen.

Gestir í sendingini hesa ferð: Steinbjørn O. Jacobsen, Ruby Dombek og Carl Johan Jensen.

Í apríl mánað kom 26 ára gamla Ruby Dombek úr Vermount, USA til Føroya at arbeiða. Hon hevur arbeitt við veðurlagsbroytingum seinastu árini og hevur altíð havt stóran áhuga fyri hesum.

Hesin áhugi leiddi hana til fyritøkuna Ocean Rainforest, har hon arbeiðir í dag.

Upprunaliga skuldi Ruby Dombek arbeiða í Føroyum í tríggjar mánaðir við einum ferðafólkavisum, men trupla støðan við koronu gjørdi, at hon hálsaði um og søkti um arbeiðsloyvi.

- Hetta snýr seg eitt sindur um sosialan ótta, sigur Ragnar Finsson.

Queen of Rose er eitt akustiskt lag, sum leggur seg eftir at vera inniligt og intimt. Lagið snýr seg um støðuna, tá tú ert einsamallur, hóast tú ert saman við nógvum fólkum.

Lagið er tað fyrsta av fýra, sum seinni koma á eina EP-útgávu við nýggju verkætlanini HORRSE.

HORRSE er eitt sokallað skaldarnavn hjá Ragnari, har hann loyvir sær at vera ein karakterur, sum kann vera persónligur, uttan bara at vera Ragnar Finsson sjálvur.

- Óndskapur er til, sum nakað fyri seg - ein megi, sum kann sleppa leys, tá ið umstøður eru til tað.

Orðini eigur Jóan Pauli Joensen, fólkalívsfrøðingur, sum hevur sæð allar fýra sendingarnar um læknastríðið í Klaksvík, ið verða samsendar í DR2 og KVF í hesum døgum.

- Sendingarnar vóru góðar, men millumrokningarnar manglaðu, heldur hann.

Hoyr alla samrøðuna her.

Her er annað tilfar um læknastríðið í Klaksvík: