Annar þáttur Trivíaleikanna þar sem pöbbkviss stemmarinn er færður heim til þín í miðjum heimsfaraldri. Eftir hnífjafna keppni í fyrsta þætti kom ekki annað til greina en að tapliðið fengi annað tækifæri til að bera sigur úr býtum. Arnór Steinn og Jón Hlífar mæta Stefáni Geir og Magnúsi Hrafni á ný í gígantískum vitsmunaslag. Er Urban Justice bandarískt strákaband eða kvikmynd með Steven Seagal? Í baði af hvers konar matvælum átti Kleópatra að hafa baðað sig til að viðhalda fegurð sinni samkvæmt sögunni? Hvaða leikari og leikkona eiga metið fyrir flestar Óskarstilnefningar án sigurs? Þetta og margt annað er tæklað í þættinum.

Keppendur: Arnór Steinn, Jón Hlífar, Magnús Hrafn og Stefán Geir.

Allra fyrsti þáttur Trivíaleikanna þar sem við færum ykkur pöbbkviss stemninguna heim í stofu í miðjum heimsfaraldri. Magnús Hrafn og Stefán Geir takast á við Arnór Stein og Jón Hlífar í reginslag í þessum fyrsta þætti. Hver er eini aðalleikaranna sex úr Friends sem lék gestahlutverk í Seinfeld? Hver söng bakrödd í lagi Dire Straits Money for Nothing? Hvað þarftu að vera ríkisborgari lengi til að geta boðið þig fram í forsetakosningum Bandaríkjanna? Þetta og margt annað er tæklað í þættinum.

Þátturinn var remasteraður og uppfærður þann 01. desember 2023 í tilefni tveggja ára afmælis hlaðvarpsins.

Keppendur: Arnór Steinn, Jón Hlífar, Magnús Hrafn og Stefán Geir.