Tús Áite

Tá sé dearbhaithe ag an Taoiseach Leo Varadkar go bhfuil Niall Collins chun ráiteas Dála a dhéanamh ach nach mbeadh sé ag glacadh le ceisteanna. É seo agus tuilleadh á phlé ag Eoin Ó Catháin ar pholaitíocht an lae.

Inniu: Eoin Ó Catháin (Eagraí Polaitíocht RnaG); Conall Ó Móráin (Saineolaí airgeadais); Seanadóir Ronan Mullen (Seanadóir ar phainéal NUI); Peadar De Blúit (Cúntóír Teanga i Roinn na Gaeilge sa Choimisiún Eorpach); Alan Titley (Colúnaí leis an Irish Times); Aifric Ní Chianáin (Duine den gcoiste eagraithe na gceolchoirme do Rónán Mac Aodha Bhuí)

D’fhógair Joe Biden inniu go bhfuil sé le seasamh don úachtarántacht arís i 2023. É seo agus tuilleadh á phlé ar an bpainéal idirnáisiúnta ag Peadar De Blúit agus Alan Titley.

Molann athbhreithniú ar dlíthe ginmhillte an stáit a cuireadh faoi bhráid an rialtais inniu gur choir deireadh a chur leis an tréimhse feithimh trí lá i gcoir ginmhilleadh. Bhí Rónan Mullen linn á phlé seo.

Tá na Gaeil ag teacht le chéile anocht i Whelans i mBaile Átha Cliath chun tacú le Rónán Mac Aodha Bhuí le airgead a thiomsú i gcomhair comhair leighis.

Tá baill de na fórsaí cosanta ar an shlí chun na Súdáine chun cabhrú le saoránaigh Éireannach a tharrtháil ón tír. Tá cogaíocht tar éis briseadh amach sa tSúdáin idir dhá bhrainse de na fórsaí míleata. Labhair Angus Lambkin linn faoi seo.

Ar an gclár: Joe Ó Dónaill (Príomhoide Gaelscoile Cill Bharróg); Dr.Clíona Ó Gallchóir (Léachtóir le Béarla UCC); Mide Nic Fhlionnlaoich Oifigeach Leasa Coláiste na hOllscoile BÁC); Joe Tieran (Staraí & Údar); Angus Lambkin (Comhordaitheoir Daonchairdis leis na Náisiún Aontaithe); Fergus Keane (Innealtóír Cairte & Scannánóir)

Tá an Taoiseach Leo Varadkar agus an tAire Comhshaoil Eamon Ryan ag freastal ar chomhdháil na Mara Thuaidh atá ar siúl in Ostend sa Bheilg. Labhair Fergus Keane linn faoi seo.

Tá easaontas faoi ar chóir deireadh a chuir leis an gCúirt Choiriúil Speisialta i measc baill an ghrúpa a bhunaith an rialtas chun athbhreithniú a dhéanamh ar an gCúirt. Phléadh seo ar an bpainéal.

Tháinig Comhairle Slándála na Náisiún Aontaithe le chéile ag 3 a chlog am na hÉireann faoi chathaoirleachta Aire Gnóthaí Eachtracht na Rúise Sergei Lavrov. Phléadh seo ar an bpainéal.