Tús Áite

Molann tuarascáil nua faoin earnáil cíosa príobháidí gur chóir faoiseamh cánach níos fearr a thabhairt do Thiarnaí Talún ach go bhféadfadh sin a bheith ag braith ar thionóntachtaí níos daingne a chur ar fáil. Bhí Conall Ó Móráin agus Pearse Ó Dochartaigh linn chun caint faoi seo.

Inniu: Áine Ní Chiaráin (Tráchtaire Polaitíochta) Niall Ó Gallachóir (Comhfhreagraí Polaitiúl BBC Alba) Seán F Ó Drisceoil (Tráchtaire & Comhairleoir Tithíochta) Conall Ó Móráin (Craoltóir) Pearse Ó Dochartaigh (TD) Katie Whelan (Tráchtaire & taighdeoir dochtúireachta i UCD) Brenda Ní Shúilleabháin (Iarphríomhoide & Scannánóir)

Pacáiste nua chun cabhrú le daoine leis an gcostas maireachtála le fógairt Dé Máirt seo chughainn ag an rialtas. Ainmníodh seachtar atá le ceapadh go Bord Eatramhach Údarás na Gaeltachta inniu. É seo go léir a phlé ag Áine Ní Chiaráin.

D'fhógair Nicola Sturgeon ag preas ócáid i nDún Éideann ar maidin go mbeidh sí ag éirí as a phost mar Chéad Aire na hAlban i ndiaidh ocht mbliana. Bhí Niall Ó Gallachóir agus Seán F Ó Drisceoil linn ar an gclár chun é seo a phlé.

Clár fáisnéise úrnua curtha i láthair ag Mary Kennedy dar ainm Fad Saoil a bheas á craoladh anocht ar TG4 á phlé ag Brenda Ní Shúilleabháin inniu ar Mír na Meán. Labhair sí linn chomh maith faoi comhrá a bhí ag Helen Ní Shé inné le Eibhlín Ní Lúing a chaill a céile 4 bliana ó shin agus an slí go mothaíonn sí.

Cúrsaí Teifigh, Michael McGrath ag labhairt faoi conas dul i ngleic leis an ngearrchéim costas maireachtála agus tionól saoránach ar úsáid dhrúgaí a bhí á phlé ag Gráinne Níc Aodha ar chúrsaí polaitíochta inniu.

Labhair Una Ní Bhroiméal linn faoi Nikki Haley agus í théis fógairt go rachaidh sí in iomaíocht don ainmniúchán Poblachtánach uachtaránachta. Bhí Karl Birthistle linn sa stiúdeo ag labhairt faoin géarchéim aeráide sna hAlpa.

Seoladh an leabhar Ceistiúchán a scríobh Máiréad Ní Bhreisleáin Uí Cheallaigh Dé Satharn seo chaite. Bhí Fachtna ó Drisceoil ar an láthair agus labhair sé le Mháiréad Uí Bhreisleáin, Concubhar Ó Dálaigh agus Séamus Martin faoi seo.

Tháinig na tuismitheoirí Cóilín Ó Scolaí agus Irene Kavanagh ar shocrú inniu sna cúirteanna le Feidhmeannacht na Seirbhíse Sláinte maidir le bás a n-iníon Laoise thiar sa bhliain 2015. Labhair Cóilín linn faoi seo.

Inniu: Gráinne Ní Aodha (Tuairisceoir le PA Media) Cóilín Ó Scolaí (Stiúrthóir & Scríbhneoir), Mairéad Ní Bhreisleáin Uí Cheallaigh (Scríbhneoir Ceistiúcháin), Concubhar Ó Dálaigh (Comhalta teagais) Seamus Martin (Iar-comhfhreagraí IT Moscow)