Tús Áite

Inniu: Eoin Ó Catháin (Eagraí Polaitíochta RnaG), Darragh Adelaide (Ball den pháirtí Pobal Seachas Brábús), Muireann Ní Mhóráin (Iar-Phríomhfheidhmeannach COGG), Edel Ní Churraoin (Craoltóir agus Ceoltóir) agus Déaglán de Bréadún (Iriseoir, Údar agus Colúnaí leis an Irish News).

Labhraímid le Conall Mac Dhonnagáin faoi First Fortnight agus ranganna a chabhróidh le rúin athbhliana a bhaint amach.

Deir Cumann na Suirbhéirí Cairte gurb ionann tiarnaí talún ag díol a réadmhaoine agus tuairim is 40% de dhíolacháin réadmhaoine na tíre le ceithre mhí anuas. Pléimid é seo le Ruairí McGinley (Cuntasóir agus Iar-Chomhairleoir Cathrach).

Labhraímid le Cuán Ó Flatharta faoi Chorn Uí Bhroin agus David Clifford i bpeil na bhfear agus comórtas na gcúigí i rugbaí na mban.

Tá agóidí ar siúl i gceantair áirithe i mBaile Átha Cliath toisc gur lonnaíodh ionaid do theifigh iontu. Labhraímid faoi seo le hAengus Ó Snodaigh (TD le Sinn Féin).

Inniu: Harry McGee (Comhfhreagraí Polaitíochta an Irish Times), Eoin Ó Catháin (Eagraí Polaitíochta RnaG), Ruairí McGinley (Cuntasóir), Aengus Ó Snodaigh (TD le Sinn Féin), Dr Niall Comer (Léachtóir sa Ghaeilge in Ollscoil Ulaidh), Jen Ní Mhathúna (Múinteoir bunscoile), spóirt le Cuán Ó Flatharta agus siamsaíocht le Conall Mac Dhonnagáin.

Neale Richmond ceaptha ina Aire Stáit, brú breise ar Damien English agus cás Seán Binder - scéalta móra an lae le Harry McGee (Comhfhreagraí Polaitíochta an Irish Times) agus Eoin Ó Catháin (Eagraí Polaitíochta RnaG).

Damien English éirithe as mar Aire Stáit, conspóid le Rúnaí Eachtrach na Breataine agus agóidí i gcoinne na dteifeach - pléimid príomhscéalta na seachtaine le Dr Niall Comer (Cathaoirleach Chomhaltas Uladh agus Léachtóir sa Ghaeilge in Ollscoil Ulaidh) agus Jen Ní Mhathúna (Múinteoir bunscoile).

Ar an gclár inniu: Eoin Ó Catháin (Eagraí Polaitíochta RnaG), Peadar Tóibín (TD agus Ceannaire Aontú), an tOllamh Brian Ó Broin (Ollamh in Ollscoil William Patterson i New Jersey, Údar agus Scríbhneoir), Dónal Ó Maolfabhail (Stiúrthóir Bainistíochta Scun Scan Productions) agus mír na meán áitiúil le Áine Mhaoir (podchraoltóir).

Cuirfear tús le sraith nua ar RTÉ Raidió na Gaeltachta Dé Domhnaigh a scrúdóidh an bealach ar bhain Saorstát Éireann aitheantas ar leith amach ar an stáitse domhanda ó bunaíodh é céad bliain ó shin. Labhraímid le léiritheoir na sraithe Dónal Ó Maolfabhail (Stiúrthóir Bainistíochta Scun Scan Productions).