Tús Áite

Ar an gclár inniu: Eoin Ó Catháin (Eagraí Polaitíochta RnaG), Piaras Mac Éinrí (Léachtóir sa Roinn Tíreolaíochta, UCC agus Iar-thaidhleoir), Máirtín Ó Duibhir (Anailísí míleata agus iarbhall de chuid Óglaigh na hÉireann), Nadia Dobrianska (Úcráineach in Éirinn), Diane Ní Fhlatharta (ar Inis Mór) agus mír na meán le hAntoin Beag Ó Colla.

Othair ag fáil bháis, cruinniú faoin ngéarchéim tithíochta agus cruinniú sa Bhruiséil faoi Phrótacal Thuaisceart Éireann - scéalta móra an lae le hEoin Ó Catháin (Eagraí Polaitíochta RnaG).

Deir Cumann na nDochtúirí go bhfuil gach seans go bhfuair othair bás mar gheall ar mhoilleanna inseachanta sa chóras sláinte le cúpla seachtain anuas. Pléimid é seo le Dr Niall Ó Cléirigh (Dochtúir teaghlaigh).

D’eagraigh an rialtas cruinniú inniu le páirtithe leasmhara i mBaile Átha Cliath mar gheall ar an ngéarchéim tithíochta. Labhraímid faoi seo le Conall Ó Móráin (Saineolaí ar chúrsaí airgeadais agus Láithreoir an phodchraoladh ‘That Great Business Show’).

Seán Binder, borradh faoin Úcráinis agus cáipeisí Biden - pléimid na príomhscéalta idirnáisiúnta le Niamh Ní Bhroin (Taighdeoir in Ollscoil Oslo) agus Caoimhe de Barra (Príomhfheidhmeannach Trócaire).

Tá an ceoltóir aitheanta as Corca Dhuibhne Séamus Ó Beaglaoich ar shlí na fírinne. Labhraímid faoi seo le Tristan Rosenstock (Léiritheoir agus Ceoltóir leis an mbanna Téada).

Ar an gclár inniu: Eoin Ó Catháin (Eagraí Polaitíochta RnaG), Dr Niall Ó Cléirigh (Dochtúir teaghlaigh), Conall Ó Móráin (Craoltóir agus Saineolaí ar chúrsaí airgeadais), Niamh Ní Bhroin (Taighdeoir in Ollscoil Oslo), Caoimhe de Barra (Príomhfheidhmeannach Trócaire) agus Tristan Rosenstock (Léiritheoir agus Ceoltóir leis an mbanna Téada).

Labhraímid le Cuán Ó Flatharta faoi bpeileadóir Meiriceánach Damar Hamlin atá san ospidéil agus cluichí leathcheannais na gclub sa pheil.

Thit an ráta boilscithe sa limistéar Euro níos mó ná mar a bhí súil leis an mhí seo caite, de réir na bhfigiúirí is deireanaí ó Eurostat. Labhraímid faoi seo le Brian Ó Ceallaigh (Ollamh le hAirgeadas, Ollscoil Chathair Bhaile Átha Cliath).

Róphlódú sna hospidéil agus ionsaí ar pholaiteoirí - pléimid príomhscéalta na seachtaine le Lorraine Clifford-Lee (Seanadóir le Fianna Fáil) agus Norita Ní Chartúir (Teagascóir sa chraoltóireacht raidió, Ollscoil na hÉireann, Gaillimh).