Tús Áite

Labhraímid le Conall Mac Dhonnagáin faoi Nollaig na mBan agus Tradfest 2023.

Inniu: Gráinne Ní Aodha (Tuairisceoir le PA Media), Brian Ó Ceallaigh (Ollamh le hAirgeadas, Ollscoil Chathair Bhaile Átha Cliath), Lorraine Clifford-Lee (Seanadóir le Fianna Fáil), Norita Ní Chartúir (Teagascóir sa chraoltóireacht raidió, Ollscoil na hÉireann, Gaillimh), spóirt le Cuán Ó Flatharta agus siamsaíocht le Conall Mac Dhonnagáin.

Baol stailc sna hospidéil, ionsaí ar Theachtaí Dála agus ráta boilscithe ag ísliú - scéalta móra an lae le Gráinne Ní Aodha (Tuairisceoir le PA Media).

Cuireadh an Pápa Emeritus Benedict XVI i mBaisleac Pheadair sa Vatacáin inniu. Labhraímid faoi seo le Seán Mac an tSíthigh (Iriseoir físe le RTÉ/TG4).

Brú ar an gcóras sláinte, teifigh i bpubaill agus málaí caca caite le polaiteoirí - scéalta móra an lae le hEoin Ó Catháin (Eagraí Polaitíochta RnaG).

Tá tromlach ag na Poblachtaigh i dTeach na nIonadaithe, ach tá ag teip ar Kevin McCarthy an post mar spéicéir a fháil toisc go bhfuil roinnt Poblachtaigh ag cur ina choinne. Pléimid é seo leis an Ollamh Brian Ó Broin (Ollamh in Ollscoil William Patterson, New Jersey, Údar agus Scríbhneoir).

Insíonn Síle Ní Choincheannain scéalta dúinn ón Connacht Tribune, Derry Now agus Cork Beo.

Roimh an Nollaig, d’éirigh le heolaithe i Meiriceá níos mó fuinneamh a fháil amach as comhleá núicléach ná mar a cuireadh isteach ann. Labhraímid faoi seo le Diarmuid Ó Muirgheasa (Príomhfheidhmeannach Olus Education).

Inniu: Eoin Ó Catháin (Eagraí Polaitíochta RnaG), Karl Birthistle (Oibrí leighis san Eilvéis), Pádraig Ó Dochartaigh (Tuairisceoir sa Ghearmáin), Seán Mac an tSíthigh (Iriseoir le RTÉ/TG4), Brian Ó Broin (Ollamh in Ollscoil William Patterson), Diarmuid Ó Muirgheasa (Príomhfheidhmeannach Olus Education) agus meáin áitiúla le Síle Ní Choincheannain.

Tá níos mó daoine os cionn 75 bliain d’aois in ospidéil na hÉireann ná mar a bhí riamh cheana, ach conas atá córais sláinte i dtíortha eile na hEorpa ag dul i ngleic le héileamh méadaithe faoi láthair? Pléimid é seo le Karl Birthistle (Oibrí san earnáil leighis san Eilvéis) agus Pádraig Ó Dochartaigh (Tuairisceoir i mBeirlín na Gearmáine).