Tveggja Turna Tal

Óskar Smári Haraldsson er bóndasonur úr Varmahlíð. Hann var tvisvar sinnum valinn í lið umferðarinnar í Lengjudeildinni fyrir rúmum áratug síðan og það var hápunktur ferilsins sem var sjálfmiðaður, að hans mati!

Kristján Guðmundsson tók í burtur úr honum hrokann og kenndi honum auðmýkt, leikgreiningu og ýmislegt annað og undanfarin fjögur ár hefur Óskar Smári unnið þrekvirki með kvennalið Fram. Við fórum yfir þetta allt og miklu fleira í þessum þætti!

Góða skemmtun.

Styrktaraðilar Turnanna:

Hafið Fiskverslun

Lengjan

World Class

Budvar

Golfklúbburinn Keilir

Jóhann Kristinn Gunnarsson er þjálfari Þór/KA í Bestu deild kvenna. Jói kom til mín á Ölhúsið í Hafnarfirði og við fórum yfir hvers vegna Húsvíkingar hafa búið til allt þetta magn af fótboltamönnum, landsliðið, UEFA-Pro þjálfaragráðuna, munin á að þjálfa stráka og stelpur, Íslandsmeistarartitilinn árið 2012 og margt fleira.

Njótið ævinlega vel!

Samantha Smith afrekaði það að vera valinn besti leikmaður Lengjudeildarinnar og vera valin í lið ársins í Bestu deildinni í fyrra, það er afrek!

Samantha kom til mín á Ölhúsið í Hafnarfirði og við ræddum uppvaxtarárin, tímann í Texas, hvernig hún svo endaði á Reyðarfirði og í kjölfarið á Breiðablik.

Sammy svarar því svo til hvort hún hafi áhuga á að spila fyrir Íslands hönd ef einhver á þingi mætir í vinnuna og græjar vegabréf fyrir hana.

Þátturinn er að sjálfsögðu í boði Budvar, Keilir Golf Club, Lengjunnar, Fiskverslunarinnar Hafið og WC!

Góða skemmtun.

John Andrews gerði Víking að bikarmeisturum haustið 2023 er liðið lék í næst efstu deild á Íslandi. Það hefur ekki gerst áður og mun ólíklega gerast aftur.

John er Íri, frá Cork, sem spilaði í Írlandi og Englandi áður en hann kom til Íslands til að spila með Aftureldingu. Hann hefur þjálfað Aftureldingu, í Indlandi og Bandaríkjunum, á Húsavík og nú í hamingjunni í Víkinni.

Hann er þrælfyndinn, hefur frá nægu að segja og er góður trúbador.

Góða skemmtun, hér sögumaður á ferð!

Guðjörg Ýr Hilmarsdóttir er stemmningskona úr Kópavogi. Hún er Dj á heimaleikjum Breiðabliks og er svo góð í starfi að re-mixin hennar eru spiluð í Þýsku Bundesligunni.

Gugga skilaði nýlega upplifunarhandbók sem lokaverkefni í Háskólanum sem fjallar um hvernig hægt er að fjölga áhorfendum á íþróttaviðburðum.

Gugga settist niður með mér og útskýrði fyrir mér hvernig við getum hækkað meðaltalsfjölda á leiki í bestu deild kvenna úr 200 í miklu hærri tölu. Vonandi taka fyrirtæki við boltanum, styrkja bókina þannig að félög landsins geti fengið hana til notkunar því innihaldið er fyrsta flokks.

Við ræddum líka margt annað enda Gugga einstaklega hress og skemmtileg ung dama!

Njótið vel.

Ágerður Stefanía, eða Adda eins og hún er oft kölluð, er alinn upp í Breiðabliki en er í dag goðsögn í Stjörnunni og Val, þar sem hún raðaði inn Íslands- og bikarmeistaratitlum. Þegar leikferlinum lauk hélt hún strax áfram að móta sigurlið – nú í þjálfarateymi með Pétri Péturssyni.

Í þessum þætti förum við yfir magnaðan feril, hvernig sigurhugarfar mótast, hvað þarf til að byggja upp sigursælt lið og hvernig maður vinnur með mótlæti á leiðinni.

Njóttu vel!

Velkomin í nýja seríu Tveggja Turna Tals – konur í íþróttaheiminum.

Í þessari seríu ræðum við við konur sem hafa markað spor í íþróttalíf okkar allra – leikmenn, þjálfara og leiðtoga, innan sem utan vallar.

Þátturinn er í boði Fiskverslunarinnar Hafsins, Golfklúbbsins Keilis, Lengjunnar og Budweiser Budvar – við þökkum þeim innilega fyrir stuðninginn.

Fyrsti gestur okkar í þessari seríu er barnastjarna úr Kópavoginum. Hún hefur spilað á tveimur stórmótum með íslenska landsliðinu, unnið Íslands- og bikarmeistaratitla með bæði Stjörnunni og Breiðabliki, og leikið sem atvinnumaður í Svíþjóð. Hún er í dag fyrirliði Íslandsmeistara Breiðabliks – og útskrifaðist aðeins 24 ára gömul með meistaragráðu í fjármálum fyrirtækja.

Við kynnum til leiks Öglu Maríu Albertsdóttur.

Guðjón Örn Ingólfsson hefur á síðustu tíu árum verið fitness- og styrktarþjálfari hjá FH, Víkingi og nú KR.

Hann hóf ferilinn hjá FH undir stjórn Heimis Guðjónssonar og vann þar einnig með Ólafi Helga Kristjánssyni.

Arnar Gunnlaugsson fékk hann svo í Víking, þar sem hann varð Íslandsmeistari tvisvar sinnum og bikarmeistari fjórum sinnum áður en hann hélt heim í uppeldisfélagið sitt, KR, þar sem hann starfar í dag með Óskari Hrafni Þorvaldssyni.

Þessu er að sjálfsögðu hægt að kenna Blaz Roca um af öllum mönnum!

Auk þess að vera fær þjálfari er Gauji líka hlaðvarpsstjarna, rappari, faðir – og ábyggilega margt fleira sem við fáum að heyra betur um í þættinum.

Góða skemmtun

Gestur vikunnar er Gunnar Jarl Jónsson – sannkallaður þúsundþjalasmiður!

Gunnar spilaði í næstefstu deild en áttaði sig snemma á því að hann átti bjartari framtíð sem dómari. Þar hafði hann heldur betur rétt fyrir sér: hann var valinn dómari ársins sex sinnum á aðeins átta árum.

En sagan endar ekki þar. Gunnar hefur þjálfað fótbolta, stofnað útvarpsþátt á Fotbolti.net fyrir löngu síðan, starfað sem kennari, verið lögga, alið upp fimm börn og – að ógleymdu – gert sjónvarpsþáttinn Atvinnumennirnir okkar sem lokaverkefni í Kennaraháskólanum. Bara það er magnaður árangur!

Við fórum yfir þetta allt saman – og miklu meira – í þessu kraftmikla og skemmtilega spjalli.

Njótið þáttarins!

Birgir Björn Magnússon er íþróttastjóri Golfklúbbsins Keilis, afrekskylfingur og hagfræðingur.

Við ræddum afreksgolf á Íslandi, í hverju ungir kylfingar eru góðir og hvar og hvenær kjaftshöggið kemur.

Birgir Björn eyddi löngum tíma í Bandaríkjunum í Háskólagolfinu bæði sem leikmaður og. þjálfari. Við fórum yfir þetta allt saman ásamt ýmsu fleiru, eins og til dæmis hverjir bestu kylfingar sögunnar eru í alþjóðlegu og innlendu golfi.

Njótið!