Á tónsviðinu

Á tónsviðinu

By RÚVMusic
Download on the App Store

All Á tónsviðinu episodes

  • 26.09.2019
    Fjallað er um stafina sem oft eru settir á eftir nöfnum sígildra tónverka. Þannig er til dæmis talað um kantötu BWV 74 eftir Johann Sebastian Bach, konsertaríu K 418 eftir Wolfgang Amadeus Mozart og fiðlukonsert RV 199 eftir Antonio Vivaldi. Það liggur ekki í augum uppi hvað þessir stafir merkja, en þeir eru tilvísanir í skrár sem gerðar hafa verið um verk höfundanna. Stafurinn K á eftir verkum Mozarts merkir t.d. Köchel af því að Ludwig von Köchel tók saman skrá yfir verk hans. Í þættinum verða leikin verk eftir Bach, Mozart, Vivaldi og fleiri tónskáld og útskýrð merking stafanna sem fylgja verkum tónskáldanna. Umsjón: Una Margrét Jónsdóttir.
    0 min
  • 20.06.2019
    Flutt verður tónlist sem tengist höfuðáttunum fjórum: norðri, suðri, austri og vestri. Meðal tónverkanna eru kórlögin „Tvær austrænar myndir“ eftir Gustav Holst, valsinn „Rósir úr suðri“ eftir Johann Strauss og prelúdían „Það sem vestanvindurinn sá“ eftir Claude Debussy. Einnig verður lesið brot úr sögunni „Paradísargarðurinn“ eftir H.C. Andersen þar sem segir frá vindunum fjórum og móður þeirra. Lesarar eru Anna Marsibil Clausen og Guðni Tómasson. Umsjón með þættinum hefur Una Margrét Jónsdóttir.
    0 min
  • 13.06.2019
    Leikin verða verk eftir Frederick Delius, Max Bruch og Henry Purcell. Meðal annars verður flutt verkið „A Song of Summer“ eftir Delius, kafli úr Skoskri fantasíu eftir Bruch og krýningaróðurinn „My Heart is inditing“ eftir Purcell. Í öllum þessum verkum er notað stílbragð sem kallað er „scotch snap“ eða „skoskur smellur“, en þá kemur stutt nóta rétt á undan langri nótu svo að áhrifin minna á smell.
    0 min
  • 06.06.2019
    Tónskáldið Dietrich Buxtehude fæddist árið 1737 í Helsingjaborg á Skáni sem tilheyrði Danmörku á þeim tíma. Hins vegar bjó hann lengi og starfaði í þýsku borginni Lübeck og er því litið á hann sem dansk-þýskt tónskáld. Í þættinum verða flutt tónverk eftir Buxtehude sem tengjast Danmörku og Svíþjóð, meðal annars tvö söngverk sem hann samdi við sænskan texta og verkið „Klinget für Freuden“ sem hann samdi í tilefni af brúðkaupi Karls XI. Svíkonungs og dönsku prinsessunnar Úlriku Eleónóru árið 1680. Einnig verða leikin orgelverk eftir hann á orgel Maríukirkjunnar í Helsingjaborg, en Buxtehude var organisti þar um tíma. Umsjón með þættinum hefur Una Margrét Jónsdóttir.
    0 min
  • 23.05.2019
    Flestir kannast við stefið sem leikið er á undan Eurovision-söngvakeppninni og fleiri Eurovision-útsendingum, en ekki vita samt allir hver er höfundur þess. Það er Marc-Antoine Charpentier, eitt mesta tónskáld Frakka á barokktímanum. Eurovision-stefið er tekið úr forspili að lofgjörðaróði hans, „Te Deum“, en talið er að það hafi verið samið 1692. „Te Deum“ verður leikið í heild og einnig kaflar úr öðrum verkum eftir Charpentier, svo sem söngverkinu „Árstíðirnar fjórar“ og ópeunni „Medeu“. Umsjón hefur Una Margrét Jónsdóttir.
    0 min
  • 16.05.2019
    Á þessu ári eru 100 ár frá fæðingu Maríu Brynjólfsdóttur tónskálds, en hún fæddist 4. mars 1919 og dó 2005. Vegna veikinda gat María ekki aflað sér mikillar tónlistarmenntunar, en tónlistin lét hana ekki í friði og lögin þyrptust að henni hvar sem hún var stödd, oft þegar hún var önnum kafin við húsverkin. Á árunum 1972-76 komu lög eftir hana út í þremur nótnaheftum í útsetningum Carls Billich, mörg lögin voru hljóðrituð og sum urðu vinsæl, eins og lagið „Glerbrot“ sem hófst á orðunum „Ég fann það um síðir að gæfan er gler“. Í þætti Unu Margrétar Jónsdóttur „Á tónsviðinu“, fim. 16. maí kl. 14.03 verða flutt sönglög eftir Maríu Brynjólfsdóttur og einnig fá hlustendur að heyra brot úr viðtali sem Guðrún Guðlaugsdóttir tók við Maríu í þættinum „Tónsmíðar í hjáverkum“ 1984.
    0 min
  • Johann Christian Bach
    Leikin er eftir Johann Christian Bach, yngsta son Johanns Sebastians. Johann Christian var virtur tónsmiður og hljómborðsleikari. Hann settist að í Englandi árið 1762 og bjó þar til dauðadags. Árið 1764 kom Mozart-fjölskyldan í tónleikaferð til London, en Wolfgang Amadeus Mozart var þá 8 ára gamall og orðinn frægt undrabarn. Meðan hann dvaldist í London sagði Johann Christian Bach honum til í tónsmíðum og Mozart mat hann ævinlega mikils sem tónskáld. Árið 1778, þegar Mozart var tutugu og tveggja ára gamall, samdi hann aríu við texta sem Johann Christian Bach hafði áður samið tónlist við: „Non so d´onde viene“. Mozart skrifaði föður sínum að hann væri mjög hrifinn af tónsmíð Johanns Christians, en hefði langað til að vita hvort hann gæti sjálfur samið eitthvað allt öðruvísi við sama texta. Aríur Johanns Christians Bachs og Mozarts verða báðar fluttar í þættinum. Umsjón hefur Una Margrét Jónsdóttir.
    0 min
  • Johann Christian Bach
    Leikin er eftir Johann Christian Bach, yngsta son Johanns Sebastians. Johann Christian var virtur tónsmiður og hljómborðsleikari. Hann settist að í Englandi árið 1762 og bjó þar til dauðadags. Árið 1764 kom Mozart-fjölskyldan í tónleikaferð til London, en Wolfgang Amadeus Mozart var þá 8 ára gamall og orðinn frægt undrabarn. Meðan hann dvaldist í London sagði Johann Christian Bach honum til í tónsmíðum og Mozart mat hann ævinlega mikils sem tónskáld. Árið 1778, þegar Mozart var tutugu og tveggja ára gamall, samdi hann aríu við texta sem Johann Christian Bach hafði áður samið tónlist við: „Non so d´onde viene“. Mozart skrifaði föður sínum að hann væri mjög hrifinn af tónsmíð Johanns Christians, en hefði langað til að vita hvort hann gæti sjálfur samið eitthvað allt öðruvísi við sama texta. Aríur Johanns Christians Bachs og Mozarts verða báðar fluttar í þættinum. Umsjón hefur Una Margrét Jónsdóttir.
    51 min