ព្រឹត្តិការណ៍កម្ពុជាប្រចាំថ្ងៃ

By RFI ខេមរភាសា / Khmer

ព្រឹត្តិការណ៍កម្ពុជាប្រចាំថ្ងៃ episodes

March 19, 2020 ព្រឹត្តិការណ៍កម្ពុជាប្រចាំថ្ងៃ - ប្រយុទ្ធប្រឆាំងនឹងកូវីដ-១៩៖ តើគួរបិទឬមិនគួរបិទសកម្មភាពវិស័យកាត់ដេរ?
ដើម្បីទប់ស្កាត់ការឆ្លងរាលដាលនៃមេរោគ កូវីដ-១៩ រដ្ឋាភិបាលកម្ពុជាតាមរយៈក្រសួងសុខាភិបាល បានប្រកាសបិទជាបន្តបន្ទាប់ចាប់តាំងពីសាលារៀន ការប្រារព្ធពិធីសាសនា ពិធីជួបជុំផ្សេងៗដែលមានមនុស្សច្រើន ក្លឹបកំសាន្ត រោងភាពយន្ត ខារ៉ាអូខេ ការប្រគុំតន្ត្រីនៅទូទាំងប្រទេសជាដើម។ ក៏ប៉ុន្តែវិស័យឧស្សាហកម្មកាត់ដេរ និងដេរស្បែកជើង ដែលរោងចក្រនីមួយៗប្រមូលផ្តុំដោយកម្មករ និយោជិត ជាច្រើនរយ ច្រើនពាន់នាក់នោះ មិនត្រូវបានប្រកាសបិទនោះទេ។ តើមូលហេតុអ្វីបានជា រោងចក្រកាត់ដេរមិនត្រូវបានប្រកាសបិទ?
13 min
March 18, 2020 ព្រឹត្តិការណ៍កម្ពុជាប្រចាំថ្ងៃ - ហេតុអ្វីបានជាជំងឺកូវីដនៅកម្ពុជាផ្ទុះឡើងក្រោយគេតែនៅពេលឆ្លងរកឃើញកើនឡើងទ្វេដង?
ប្រទេសកម្ពុជាទើបតែផ្ទុះឡើងជំងឺកូវីដ១៩ ក្រោយបណ្តាប្រទេសជាច្រើនទៀតទាំងនៅលើពិភពលោកនិងនៅតំបន់អាស៊ី។ ប៉ុន្តែនៅពេលរកឃើញករណីឆ្លងជំងឺនៅក្នុងខែមីនា ចំនួនអ្នកឆ្លងគឺមានការកើនឡើងទ្វេដងពីចំនួន១២ទៅ២៤នាក់តែក្នុងរយៈពេលប៉ុន្មានថ្ងៃតែប៉ុណ្ណោះ។ ហេតុអ្វីបានជាជំងឺកូវីដ១៩នៅកម្ពុជាផ្ទុះឡើងក្រោយគេតែនៅពេលឆ្លងរកឃើញកើនឡើងទ្វេដងទៅវិញ?
12 min
March 17, 2020 ព្រឹត្តិការណ៍កម្ពុជាប្រចាំថ្ងៃ - ធ្វើការងារពីផ្ទះ៖ ប្រសិទ្ធភាពការងារ និងប្រសិទ្ធភាពនៃការកាត់បន្ថយការឆ្លងកូវីដ១៩
ស្ថាប័នរដ្ឋមួយចំនួនបានណែនាំឲ្យមន្ត្រីរបស់ខ្លួនធ្វើការងារពីផ្ទះតាមរយៈ Online ដោយបារម្ភ ពីការឆ្លងនៃកូវីដ១៩។ កូវីដ១៩ ដែលមកទល់ពេលនេះកម្ពុជាបានរកឃើញសរុបចំនួន២៤ករណីនៅក្នុងប្រទេស។ អ្នកជំនាញផ្នែកជីវសាស្ត្រ វេជ្ជសាស្ត្រ និងអ្នកតាមដានសង្គម មើលឃើញថា វិធានការនេះមានប្រសិទ្ធភាពទប់ស្កាត់ការឆ្លងរាលដាល។ ប៉ុន្តែចោទជាសំនួរចំពោះប្រសិទ្ធភាពការងាររបស់មន្ត្រីមួយចំនួន ដែលធ្វើការងារពីផ្ទះតាមរយៈ Online នោះ។
13 min
March 16, 2020 ព្រឹត្តិការណ៍កម្ពុជាប្រចាំថ្ងៃ - កូវីដ១៩៖ តើកម្ពុជាគួរទប់ទល់យ៉ាងណា បើមានសេណារីយោអាក្រក់បំផុតកើតឡើង?
គិតត្រឹមថ្ងៃទី១៥ មីនា កម្ពុជាបានចេញបម្រាមហាមជនបរទេសមកពីប្រទេសចំនួន៦ មិនអោយចូលកម្ពុជាទៀតទេ ចាប់ពីថ្ងៃទី ១៧ មីនា ខាងមុខនេះតទៅ។ បើតាមអ្នកសេដ្ឋកិច្ច បំរាមនេះ នឹងធ្វើឲ្យប៉ះពាល់ដល់សន្តិសុខស្បៀង និងវិស័យសេដ្ឋកិច្ច មិនថា ប្រទេសកម្ពុជានោះទេ។ បើតាមអ្នកជំនាញ កម្ពុជាពេលនេះ ត្រូវតែមានវិធានការជាក់លាក់ ដើម្បីត្រៀមទប់ទល់ជាមួយនឹងសេណារីយោអាក្រក់បំផុត បើទោះបីជាយើងមិនចង់ ឬមិនទាន់ជឿថា វានឹងអាចកើតមានឡើងក៏ដោយ។ តើហេតុអ្វី?
13 min
March 13, 2020 ព្រឹត្តិការណ៍កម្ពុជាប្រចាំថ្ងៃ - ការជួលដីឲ្យប្រទេសជិតខាង៖ អ្នកវិភាគចង់ឃើញរដ្ឋាភិបាលអនុវត្តច្បាប់ឲ្យបានតឹងរឹង ជាជាងការអំពាវនាវ
លោកឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃ កាលពីថ្ងៃទី ១២ មីនា បានរំលឹកប្រជាពលរដ្ឋខ្មែរជាថ្មីម្តងទៀត ដោយហាមកុំឲ្យជួលដីនៅតាមព្រំដែន ទៅឲ្យប្រជាជននៃប្រទេសជិតខាង។ ការរំលឹករបស់លោកឧបនាយករដ្ឋមន្ត្រី ស ខេង នេះ គឺបានធ្វើឡើងនៅ៣ឆ្នាំក្រោយពីរដ្ឋាភិបាលកម្ពុជា កាលពី ខែវិច្ឆិកា ឆ្នាំ ២០១៥ បានចេញសារាចរណែនាំមួយ ស្តីពី ការហាមប្រាមពលរដ្ឋខ្មែរ មិនឲ្យលក់ ឬជួលដីស្រែ ដីចំការ និងដីលំនៅឋាន នៅតាមព្រំដែន ទៅឲ្យពលរដ្ឋនៃប្រទេសជិតខាង ។ ប៉ុន្តែសម្រាប់អ្នកវិភាគ ចង់ឃើញរដ្ឋាភិបាលអនុវត្តច្បាប់ឲ្យបានតឹងរឹង ជាជាងការអំពាវនាវ។ តើហេតុអ្វី?
12 min
March 12, 2020 ព្រឹត្តិការណ៍កម្ពុជាប្រចាំថ្ងៃ - តួនាទីរបស់សារព័ត៌មានក្នុងការចូលរួមប្រយុទ្ធប្រឆាំងនឹងមេរោគឆ្លងកូវីដ-១៩
ម្សិលមិញ ក្លិបអ្នកកាសែតកម្ពុជារួមជាមួយក្រសួងព័ត៌មាន និងក្រសួងសុខាភិបាល បានរៀបចំកិច្ចពិភាក្សាមួយស្តីពី «សារព័ត៌មាន ចំពោះមុខ Covid-19 និងព័ត៌មានក្លែងក្លាយ»។ ចំពោះមុខបញ្ហាមេរោគកូវីដ-១៩នេះ បញ្ហាដែលអាជ្ញាធរ និងស្ថាប័នពាក់ព័ន្ធនានាកំពុងមានការព្រួយបារម្ភខ្លាំងជាងគេ គឺការបង្កើតព័ត៌មានក្លែងក្លាយដែលនាំឱ្យប្រជាពលរដ្ឋមានយល់ច្រឡំ និង បង្កឱ្យមានភាពចលាចលនៅក្នុងសង្គម។ ដូច្នេះហើយ នៅក្នុងកាលៈទេសៈនេះ តើសារព័ត៌មានត្រូវមានតួនាទីយ៉ាងដូចម្តេចខ្លះ ដើម្បីរួមចំណែកប្រយុទ្ធប្រឆាំងនឹងមេរោគកូវីដ-១៩ផង និង ប្រយុទ្ធប្រឆាំងនឹងព័ត៌មានក្លែងក្លាយផង?
12 min
March 11, 2020 ព្រឹត្តិការណ៍កម្ពុជាប្រចាំថ្ងៃ - ទប់ស្កាត់កូវីដ-១៩៖ តើកម្ពុជានឹងចាយថវិកាត្រៀមពី៨រយទៅ២ពាន់លានដុល្លារទៅលើវិស័យណាខ្លះ?
ម្សិលមិញ លោកនាយករដ្ឋមន្រ្តីហ៊ុន សែន បានប្រកាសត្រៀមថវិកាប្រមាណពី៨រយ ដល់ទៅ២ពាន់លានដុល្លារអាមេរិក ដើម្បីសង្រ្គោះសេដ្ឋកិច្ចកម្ពុជាដែលរងប៉ះពាល់ដោយសារតែការរីករាលដាលនៃមេរោគកូវីដ-១៩ នៅរយៈពេលខាងមុខ។ កញ្ចប់ថវិកានេះ មិនទាន់ត្រូវបានរដ្ឋាភិបាលកម្ពុជាបង្ហាញឱ្យដឹងថា នឹងបែងចែកទៅលើវិស័យណាខ្លះ ហើយក្នុងចំនួនប៉ុន្មានៗនោះទេ។ ប៉ុន្តែ មេដឹកនាំសហជីពយល់ឃើញថា កញ្ចប់ថវិកានេះគួរតែចាយវាយទៅលើបញ្ហាកម្មករដែលត្រូវព្យួរការងារ។ ចំណែក អ្នកជំនាញផ្នែកសេដ្ឋកិច្ចវិញ មើលឃើញថា រដ្ឋាភិបាលនឹងប្រើប្រាស់កញ្ចប់ថវិកានេះលើវិស័យដែលរងប៉ះពាល់ខ្លាំងដូចយ៉ាង វិស័យសុខាភិបាល និង វិស័យទេសចរណ៍។
11 min
March 10, 2020 ព្រឹត្តិការណ៍កម្ពុជាប្រចាំថ្ងៃ - ផលប៉ះពាល់ដោយកូវីដ១៩៖ រដ្ឋស្នើឲ្យអនុគ្រោះការប្រាក់ដល់កម្មករ និយោជិត តែសហជីពថាជួយបានកម្មករតិចតួច
នៅខណៈពេលដែលកម្មករ និយោជិត ត្រូវព្យូរការងារ រដ្ឋាភិបាលបានប្រកាសឲ្យធនាគារ និងស្ថាប័នមីក្រូហិរញ្ញវត្ថុពន្យារពេលសងប្រាក់ឬមិនយកការប្រាក់តែម្តង ក្នុងរយៈពេលនៃភាពអត់ការងារធ្វើនេះ។ ការនេះត្រូវបានស្វាគមន៍ដោយសមាគមធនាគារ និងសមាគមស្ថាប័នមីក្រូហិរញ្ញវត្ថុនៅកម្ពុជា។ ប៉ុន្តែសម្រាប់សហជីពវិញ ដំណោះស្រាយបែបនេះគឺមិនអាចជួយសង្រ្គោះកម្មករបានទាំងអស់ទេ ដោយសារតែកម្មករចំនួនដ៏ច្រើន ខ្ចីលុយពីអ្នកចងការប្រាក់មិនផ្លូវការទៅវិញ។
10 min
March 09, 2020 ព្រឹត្តិការណ៍កម្ពុជាប្រចាំថ្ងៃ - តើការងាររបស់រដ្ឋាភិបាលកម្ពុជាក្នុងការប្រឆាំងនឹង Covid-19 មានប្រសិទ្ធភាពកំរិតណា?
កម្ពុជាទើបតែបានបង្ហាញពីការឆ្លងមេរោគផ្លូវដង្ហើម Covid-19 កាលពីថ្ងៃសៅរ៍ ទៅលើបុរសជនជាតិខ្មែរម្នាក់អាយុ៣៨ឆ្នាំ នៅខេត្តសៀមរាប។ បុរសខ្មែររូបនេះ ត្រូវបានបញ្ជាក់ថាជាអ្នកដែលមានការប៉ះពាល់ដោយផ្ទាល់ជាមួយបុរសជនជាតិជប៉ុនម្នាក់ ដែលមានផ្ទុកមេរោគ Covid-19។ ជុំវិញការប្រកាសករណីដំបូងទៅលើជនជាតិខ្មែរ និងករណីទី២ បើគិតទាំងជនជាតិចិនមកពីខេត្តវូហានប្រទេសចិននោះ អ្នកពាក់ព័ន្ធនានានឹងបញ្ហាសង្គម និងសុខភាព បានមើលឃើញពីចំណាត់ការរបស់រដ្ឋាភិបាលក្នុងការប្រយុទ្ធប្រឆាំងនឹងវីរុសCovid-19ប្រហាក់ប្រហែលគ្នា។
13 min
March 07, 2020 ព្រឹត្តិការណ៍កម្ពុជាប្រចាំថ្ងៃ - តើចំណាត់ការរបស់រដ្ឋាភិបាលក្នុងការប្រយុទ្ធប្រឆាំងនឹងវីរុសCovid-19 ជាការយឺតយ៉ាវ?
ចាប់តាំងពីប្រទេសកម្ពុជាត្រូវបានប្រកាសថាមានវីរុស Covid-19 មួយករណី ទៅលើជនជាតិចិនម្នាក់មកពីទីក្រុងវូហានប្រទេសចិន រដ្ឋាភិបាលប្រទេសនេះ បានបង្ហាញពីសកម្មភាព និងវិធានការផ្សព្វផ្សាយនានា ដើម្បីទប់ស្កាត់ការឆ្លងរាលដាលនៃមេរោគ Covid-19 នេះ។ ក៏ប៉ុន្តែនៅថ្ងៃសុក្រនេះ គណបក្សប្រជាធិបតេយ្យមូលដ្ឋាន បានលើកឡើងថា រដ្ឋាភិបាលហាក់ដូចព្រងើយកន្តើយ និងមានភាពយឺតយ៉ាវក្នុងការឆ្លើយតបនូវវិធានការទប់ទល់ នឹងជំងឺផ្លូវដង្ហើម Covid-19 ដែលធ្វើឲ្យប៉ះពាល់ដល់វិស័យសេដ្ឋកិច្ចនិងការងារ។ ក៏ប៉ុន្តែការលើកឡើងនេះត្រូវបានច្រានចោលដោយរដ្ឋាភិបាល។
12 min