ព្រឹត្តិការណ៍​កម្ពុជា​ប្រចាំថ្ងៃ by RFI ខេមរភាសា / Khmer

April 11, 2020 ព្រឹត្តិការណ៍កម្ពុជាប្រចាំថ្ងៃ - កូវីដ១៩៖តើការដាក់បំរាមមិនឲ្យពលរដ្ឋចល័តពីរាជធានីទៅខេត្តជាជំរើសដ៏ល្អរបស់រដ្ឋាភិបាលឬ?

ប្រមុខ រដ្ឋាភិបាលកម្ពុជាកាលពីយប់ថ្ងៃព្រហស្បតិ៍ បានដាក់ចេញនូវបទបញ្ជាមិនឲ្យមានការធ្វើដំណើរឆ្លងកាត់ពីខេត្តទៅរាជធានី ពីរាជធានីទៅខេត្ត និងពីខេត្តមួយទៅខេត្តមួយទៀត ដែលបទបញ្ជារនេះចាប់អនុវត្តរហូតដល់យប់ថ្ងៃទី១៦ខែមេសា។ ក្រោមហេតុផលការពារការឆ្លងរាលដាលជំងឺកូវីដ១៩ទៅដល់សហគមន៍ដូច្នេះ ត្រូវបានគេផ្តោតអារម្មណ៍ទៅលើកម្មករ និយោជិត នៃសហគ្រាស និងរោងចក្រកាត់ដេរនានា ដែលកម្មករ បានត្រៀមលក្ខណៈទៅចូលរួមបុណ្យចូលឆ្នាំខ្មែរ បើទោះណាជាសកម្មភាពផលិតកម្មត្រូវបានដាក់ឲ្យដំណើរការក៏ដោយ។

ជុំវិញបញ្ហាទប់ស្កាត់មិនឲ្យមានការចល័តពីរាជធានីទៅខេត្ត និងពីខេត្តទៅខេត្តដើម្បីការពារការឆ្លងកូវីដ១៩នៅពេលនេះ លោក ប៉ាវ ស៊ីណា ប្រធានសហភាពចលនាកម្មករ បានលើកឡើងថា៖—

13 min

April 10, 2020 ព្រឹត្តិការណ៍កម្ពុជាប្រចាំថ្ងៃ - រឿងក្តីអ្នកកាសែត៖ តើគួរប្រើប្រាស់ក្រមព្រហ្មទណ្ឌ ឬ ច្បាប់ស្តីពីរបបសារព័ត៌មាន?

តុលាការក្រុងភ្នំពេញកាលពីម្សិលមិញនេះ បានសម្រេចឃុំខ្លួនលោក សុវណ្ណ រិទ្ធី អគ្គនាយកTVFB ជាបណ្តោះអាសន្ននៅក្នុងពន្ធនាគាររាជធានីភ្នំពេញ (PJ) ពីបទ «ញុះញង់ឲ្យប្រព្រឹត្តបទឧក្រិដ្ឋជាអាទិ៍»។ ការសម្រេចនេះធ្វើឡើងក្រោយពីលោកសុវណ្ណ រិទ្ធី បានដកស្រង់សម្តីរបស់លោកនាយករដ្ឋមន្រ្តីហ៊ុន សែន ទៅចុះផ្សព្វផ្សាយបន្តនៅលើគណីហ្វេសប៊ុករបស់ខ្លួន។ អង្គការការពារអ្នកកាសែតជាតិ និងអន្តរជាតិបានបញ្ចេញប្រតិកម្មទៅនឹងចំណាត់ការលើអ្នកកាសែតនេះ។ ពួកគេថា កំហុសឆ្គងនេះពុំគួរដល់ថ្នាក់ចោទប្រកាន់តាមក្រមព្រហ្មទណ្ឌនោះទេ គឺគួរតែប្រើប្រាស់ច្បាប់ស្តីពីរបបសារព័ត៌មានវិញ។

12 min

April 09, 2020 ព្រឹត្តិការណ៍កម្ពុជាប្រចាំថ្ងៃ - គួរធ្វើបែបណា ដើម្បីឆក់យកឱកាសពង្រឹងកសិកម្មខ្មែរឡើងវិញអំឡុងពេល និងក្រោយកូវីដ១៩?

វិស័យកសិកម្មកម្ពុជាត្រូវបានរំពឹងថានឹងត្រូវងើបឡើងវិញខ្លាំង បន្ទាប់ពីវិបត្តិនៃវីរុសកូវីដ១៩ រលាយបាត់ទៅវិញក្នុងពេលខាងមុខ។ ក្តីសង្ឃឹមថាកសិកម្មកម្ពុជានឹងប្រសើរឡើងវិញ ក៏ដោយសារតែទំនិញកសិកម្ម ដែលធ្លាប់នាំចូលពីប្រទេសជិតខាងមកក្នុងស្រុកមិនមានសកម្មភាពដូចពីមុនទៀតទេ។ ប្រមុខរដ្ឋាភិបាលកម្ពុជាកាលពីពេលថ្មីៗនេះ បានថ្លែងថា វាជាឱកាសដែលវិស័យកសិកម្មត្រូវងើបឡើងវិញ ខណៈដែលវិស័យឧស្សាហកម្ម និងសេវាកម្ម ប្រឈមនឹងការធ្លាក់ចុះ ដោយសារឥទ្ធិពលកូវីដ១៩។ តើកម្ពុជាគួរធ្វើយ៉ាងណាដើម្បីទាញយកឱកាសនេះ និងរក្សាឲ្យបានជានិរន្តរ៍?

13 min

April 08, 2020 ព្រឹត្តិការណ៍កម្ពុជាប្រចាំថ្ងៃ - តើប្រាក់ឧបត្ថម្ភ៧០ដុល្លារ អាចគ្រប់គ្រាន់សម្រាប់តម្រូវការរបស់កម្មករអត់ការងារធ្វើ?

ម្សិលមិញ លោកនាយករដ្ឋមន្រ្តីហ៊ុន សែន បានប្រកាសផ្តល់ប្រាក់ខែចំនួន៧០ដុល្លារក្នុងមួយខែដល់កម្មករ កម្មការិនីដែលត្រូវព្យួរការងារព្រោះបិទទ្វារដោយសារតែឥទ្ធិពលនៃជំងឺកូវីដ-១៩។ ប្រាក់ខែចំនួន៧០ដុល្លារនេះ គឺរដ្ឋាភិបាលចេញ៤០ដុល្លារ រីឯថៅកែរោចក្រវិញ ចេញចំនួន៣០ដុល្លារជូនដល់កម្មករ កម្មការិនីខ្មែរ។ ប៉ុន្តែតើប្រាក់ខែត្រឹមតែ៧០ដុល្លារក្នុងមួយខែនេះ អាចគ្រប់គ្រាន់សម្រាប់ការចំណាយរបស់កម្មករ កម្មការិនីដែលអត់ធ្វើបានឫទេ?

9 min

April 06, 2020 ព្រឹត្តិការណ៍កម្ពុជាប្រចាំថ្ងៃ - កូវីដ១៩៖ តើចាំបាច់ត្រូវដាក់ប្រទេសក្នុងគ្រាអាសន្នទេ បើកម្ពុជាគ្មានករណីឆ្លងថ្មី?

ក្នុងរយៈពេលពីរថ្ងៃជាប់ៗគ្នាមកហើយ គឺចាប់ពីថ្ងៃទី ០៤ និងទី០៥ មេសានេះ ដែលកម្ពុជាមិនមានករណីឆ្លងថ្មីនៃជំងឺកូវីដ១៩នោះទេ។ ការណ៍នេះ បានធ្វើឲ្យតួលេខអ្នកផ្ទុកជំងឺកូវីដ១៩នៅកម្ពុជា ស្ថិតនៅទ្រឹង គឺក្នុងចំនួន១១៤នាក់ ក្នុងនោះចំនួនអ្នកជាសះស្បើយបានកើនឡើងដល់៥០នាក់។ ចំណែកឯចំនួនអ្នកកំពុងស្ថិតនៅក្នុងការព្យាបាលវិញ គឺបានធ្លាក់ចុះមកនៅត្រឹម៦៤នាក់ប៉ុណ្ណោះ។ បើដូច្នេះ តើកម្ពុជាចាំបាច់ត្រូវដាក់ប្រទេសក្នុងគ្រាអាសន្នដែរឬទេ បើស្ថានភាពជំងឺកូវីដ១៩នៅកម្ពុជា ស្ថិតនៅក្នុងស្ថានភាពបែបនេះ?

13 min

April 05, 2020 ព្រឹត្តិការណ៍កម្ពុជាប្រចាំថ្ងៃ - កម្ពុជា៖ការដាក់ប្រទេសទៅក្នុងភាពអាសន្នប៉ះពាល់យ៉ាងណាខ្លះដល់សិទ្ធិមនុស្ស?

សេចក្តីព្រាងច្បាប់ស្តីពីការដាក់ប្រទេសក្នុងភាពអាសន្នកំពុងស្ថិតក្នុងដៃស្ថាប័ននីតិបញ្ញត្តិ ខណៈច្បាប់ដែលត្រូវប្រកាសជាការប្រញាប់នេះបានឆ្លងផុតគណៈរដ្ឋមន្ត្រីកាលពីថ្ងៃទី៣១មីនា។ ផ្អែកតាមខ្លឹមសារនៃសេចក្តីព្រាងច្បាប់នេះ ជនណាដែលល្មើសនឹងច្បាប់នេះនឹងត្រូវប្រឈមជាប់ពន្ធនាគារពី៥ឆ្នាំទៅ១០ឆ្នាំ និងមានពិន័យជាប្រាក់ថែមទៀតផង។ តើស្ថានភាពសិទ្ធិនៅកម្ពុជាទៅជាយ៉ាងណា នៅពេលដាក់ប្រទេសក្នុងគ្រាអាសន្ន?

11 min

April 04, 2020 ព្រឹត្តិការណ៍កម្ពុជាប្រចាំថ្ងៃ - នៅក្នុងស្ថានភាពអាក្រក់នៃកូវីដ១៩ តើប្រាក់ឈ្នួលកម្មករគួរត្រូវបានដោះស្រាយយ៉ាងណា?

ការរាតត្បាតនៃវីរុសកូវីដ១៩ នៅទូទាំងពិភពលោកបានជះឥទ្ធិពលយ៉ាងខ្លាំងដល់វិស័យកាត់ដេរនៅប្រទេសកម្ពុជា។ ចាប់តាំងពីការឆ្លងរាលដាលជាពិសេសនៅតំបន់អឺរ៉ុប និងអាមេរិក អ្នកបញ្ជាទិញសំលៀកបំពាក់ និងស្បែកជើងដ៏សំខាន់របស់កម្ពុជា បានផ្អាកការកម្មង់ ជាហេតុធ្វើឲ្យរោងចក្រកាត់ដេរនៅកម្ពុជាប្រកាសព្យួរការងារជាបន្តបន្ទាប់ ដោយសារតែមិនមានប្រាក់ចំណូល និងមិនមានថវិកាសម្រាប់បើកប្រាក់ឈ្នួលដល់កម្មករ និងនិយោជិត។ ប្រឈមនឹងស្ថានការណ៍អាក្រក់ដូច្នេះ តើគេគួរដោះស្រាយយ៉ាងណាចំពោះកម្មករ ដែលជាកំលាំងពលកម្មដ៏សំខាន់ និងជាអ្នកទន់ខ្សោយខាងសេដ្ឋកិច្ច?

12 min

April 02, 2020 ព្រឹត្តិការណ៍កម្ពុជាប្រចាំថ្ងៃ - តើច្បាប់ស្តីពីគ្រាអាសន្នគួរដាក់ឲ្យពិភាក្សាបន្ថែម មុននឹងបញ្ជូនទៅសភាអនុម័ត?

សេចក្តីព្រាងច្បាប់ស្តីពី «ការគ្រប់គ្រងប្រទេសជាតិស្ថិតក្នុងភាពអាសន្ន» ត្រូវបានគណៈអចិន្ត្រៃយ៍គណៈរដ្ឋមន្ត្រីកម្ពុជាដឹកនាំដោយលោកនាយករដ្ឋមន្ត្រី ហ៊ុន សែន ពិនិត្យរួចរាល់ហើយកាលពីថ្ងៃទី ៣១ មីនា និងបញ្ជូនទៅកាន់រដ្ឋសភាដើម្បីប្រជុំអនុម័តតែម្តង ដោយពុំចាំបាច់ឆ្លងកាត់កិច្ចប្រជុំគណៈរដ្ឋមន្ត្រីនៅថ្ងៃសុក្រសប្តាហ៍នេះទេ។ ក៏ប៉ុន្តែសម្រាប់អ្នកវិភាគនិងអ្នកច្បាប់កម្ពុជា បានមើលឃើញពីចន្លោះប្រហោងជាច្រើននៅក្នុងសេចក្តីព្រាងច្បាប់នេះ និងចង់ឲ្យមានការពិភាក្សាឲ្យបានទូលំទូលាយបន្ថែមទៀត មុននិងបញ្ជូនទៅឲ្យរដ្ឋសភាអនុម័ត។ តើហេតុអ្វីទៅ?

13 min

April 01, 2020 ព្រឹត្តិការណ៍កម្ពុជាប្រចាំថ្ងៃ - អ្នកជំនាញទទួលស្គាល់ថាកំណើនសេដ្ឋកិច្ចកម្ពុជាធ្លាក់ចុះខ្លាំងអំឡុងពេលកូវីដ១៩ ខណៈធនាគារពិភពលោកព្យាករត្រឹម២,៥%នៅឆ្នាំ២០២០

ធនាគារពិភពលោក (World Bank) កាលពីថ្ងៃអង្គារបានព្យាករថាកំណើនសេដ្ឋកិច្ចកម្ពុជាក្នុងឆ្នាំ២០២០នេះ នឹងថយល្បឿនមកនៅត្រឹម២,៥% បន្ទាប់ពីសេដ្ឋកិច្ចនៃប្រទេសនេះ បានរងនូវការប៉ះទង្គិចយ៉ាងដំណំពីការផ្ទុះកូវីដ១៩ នៅទូទាំងពិភពលោក។ លើសពីនេះ ធនាគារពិភពលោកក៏បានបង្ហាញសេនារីយោមួយទៀត ដែលថាកំណើនឆ្នាំ២០២០ នឹងអាចធ្លាក់ដល់១% ប្រសិនបើប្រទេសនេះនៅតែជួបហានិភ័យ និងបញ្ហាប្រឈម ដូចជាការបន្តធ្លាក់ចុះនូវភ្ញៀវទេសចរនៅតែអូសបន្លាយយូរ សកម្មភាពសេដ្ឋកិច្ចពិភពលោកក្រងើបឡើងវិញ ខ្វះតម្រូវការសម្រាប់ការនាំចេញសម្លៀកបំពាក់ និងការធ្លាក់ចុះគំហុកនៃការវិនិយោគដោយផ្ទាល់ពីបរទេស ចលាចលលើទីផ្សារហិរញ្ញវត្ថុអូសបន្លាយ និងសកម្មភាពសំណង់ងើបឡើងមិនរួច។

13 min

March 31, 2020 ព្រឹត្តិការណ៍កម្ពុជាប្រចាំថ្ងៃ - តើបុគ្គលិកកាស៊ីណូគួរទទួលបានដំណោះស្រាយបែបណា នៅពេលអាជីកម្មមួយនេះត្រូវបិទដោយសារកូវីដ១៩?

តាមការកំណត់របស់ប្រមុខរដ្ឋាភិបាល កាស៊ីណូទាំងអស់នៅកម្ពុជាត្រូវបិទទ្វារចាប់ពីថ្ងៃទី១មេសានេះតទៅដោយមិនកំណត់ពេល ដើម្បីទប់ទល់នឹងការឆ្លងរាលដាលនៃជំងឺកូវីដ១៩។ សម្រាប់សហជីពខាងវិស័យសេវាកម្ម មិនជំទាស់នឹងការបិទអាជីកម្មល្បែងនេះទេ តែចង់ឲ្យរដ្ឋាភិបាលមានដំណោះស្រាយដល់បុគ្គលិកកាស៊ីណូដែលត្រូវព្យូការងារនៅគ្រានេះ ដូចកម្មកររោងចក្រដែរ។

11 min