ព្រឹត្តិការណ៍​កម្ពុជា​ប្រចាំថ្ងៃ by RFI ខេមរភាសា / Khmer

March 30, 2020 ព្រឹត្តិការណ៍កម្ពុជាប្រចាំថ្ងៃ - ការរុះរើគណៈរដ្ឋមន្ត្រីពាក់កណ្តាលអាណត្តិ អាចជំរុញប្រសិទ្ធភាពការងាររបស់រដ្ឋាភិបាលកម្ពុជា?

បើគ្មានការប្រែប្រួលទេ រដ្ឋសភាជាតិនៃកម្ពុជា នឹងប្រជុំអនុម័តលើសំណើសុំរុះរើសមាសភាពគណៈរដ្ឋមន្ត្រីតាមសំណើរបស់លោកនាយករដ្ឋមន្ត្រី ហ៊ុន សែន នៅថ្ងៃទី ៣០ ខែមីនានេះ។ បើតាមព័ត៌មានដែលទំលាយឲ្យដឹងពីមន្ត្រីជាន់ខ្ពស់រដ្ឋាភិបាល នឹងមានការផ្លាស់ប្តូររដ្ឋមន្ត្រីចំនួន៤ក្រសួង ក្នុងនោះក៏មានក្រសួងយុត្តិធម៌ផងដែរ។ បើតាមមន្ត្រីរដ្ឋាភិបាល ការរុះរើគណៈរដ្ឋមន្ត្រីពាក់កណ្តាលអាណត្តិនេះ គោលដៅគឺដើម្បីបង្កើនប្រសិទ្ធភាពការងាររបស់រដ្ឋាភិបាលកម្ពុជា។ ប៉ុន្តែ តើការផ្លាស់ប្តូររដ្ឋមន្ត្រីចំនួន៤ក្រសួងនេះ អាចជំរុញប្រសិទ្ធភាពការងាររបស់រដ្ឋាភិបាលកម្ពុជាបានឬទេ?

12 min

March 28, 2020 ព្រឹត្តិការណ៍កម្ពុជាប្រចាំថ្ងៃ - ប្រយុទ្ធនឹងជំងឺកូវីដ១៩៖ តើការដាក់បំរាមដោយផ្នែក អាចជាជម្រើសរបស់កម្ពុជា?

ដើម្បីប្រយុទ្ធប្រឆាំងនឹងជំងឺកូវីដ១៩ លោកឧបនាយករដ្ឋមន្ត្រី ស ខេង រដ្ឋមន្ដ្រីក្រសួងមហាផ្ទៃ បានថ្លែងកាលពីព្រឹកថ្ងៃទី២៧ ខែមីនា ថា ការដាក់ប្រទេសក្នុងគ្រាអាសន្ន អាចមានពីរកម្រិត គឺកម្រិតធ្ងន់ និងកម្រិតស្រាល។ ប៉ុន្ដែបើតាមលោកឧបនាយករដ្ឋមន្ត្រី កម្ពុជា នៅមិនទាន់សម្រេចថា យកកម្រិតណាមួយច្បាស់លាស់នៅឡើយទេ គឺកំពុងសិក្សា។ យ៉ាងណាក៏ដោយ សម្រាប់អ្នកវិភាគ ការដាក់បំរាមដោយផ្នែក ឬ តាមតំបន់ អាចជាជម្រើសល្អរបស់កម្ពុជា ជាជាងការដាក់ប្រទេសទាំងមូលក្នុងភាពអាសន្ន។ តើហេតុអ្វី? ស្តាប់សេចក្តីរាយការណ៍របស់ វ៉ា សំណព្វ

14 min

March 27, 2020 ព្រឹត្តិការណ៍កម្ពុជាប្រចាំថ្ងៃ - តើនឹងមានផលប៉ះពាល់ជាវិជ្ជមាន និងអវិជ្ជមានអ្វីខ្លះ នៅពេលដាក់ប្រទេសក្នុងភាពអាសន្ន?

ចាប់តាំងពីក្រោយឆ្នាំ១៩៩៣មក ពោលតាំងពីកម្ពុជាមានការបោះឆ្នោតបែបប្រជាធិបតេយ្យ សេរី ពហុបក្សនោះ ប្រទេសដែលធ្លាប់ឆ្លងកាត់ភ្នក់ភ្លើងសង្គ្រាមជាច្រើនឆ្នាំមកនេះ មិនដែលប្រកាសដាក់ប្រទេសជាតិនៅក្នុងភាពអាសន្នម្តងណាឡើយ។ ប៉ុន្តែនៅគ្រាដែលកម្ពុជាក៏ដូចជាប្រទេសលើពិភពលោកកំពុងកើតរោគឆ្លងរាលដាលយ៉ាងសាហាវពេលនេះ ប្រមុខរដ្ឋាភិបាលកម្ពុជាកំពុងពិចារណាដាក់ប្រទេសឲ្យស្ថិតក្នុងភាពអាសន្ន បើការអំពាវនាវទប់ស្តាត់ការចម្លងកូវីដ១៩លែងមានប្រសិទ្ធភាព។ តើនឹងមានផលប៉ះពាល់ជាវិជ្ជមាន និងអវិជ្ជមានអ្វីខ្លះ នៅពេលដាក់ប្រទេសក្នុងភាពអាសន្ន?

14 min

March 25, 2020 ព្រឹត្តិការណ៍កម្ពុជាប្រចាំថ្ងៃ - ប្រឆាំងកូវីដ១៩៖ តើកម្ពុជាគួរដល់ដំណាក់កាលដាក់ប្រទេសក្នុងគ្រាអាសន្នហើយឬនៅ?

លោកនាយករដ្ឋមន្ត្រី ហ៊ុន សែន នៅក្នុងពិធីជួបសំណេះសំណាលជាមួយក្រុមគ្រូពេទ្យស្ម័គ្រចិត្តប្រយុទ្ធប្រឆាំងនឹងវីរុសកូវីដ១៩ បានលើកឡើងពីលទ្ធភាព ដែលនឹងអាចដាក់ប្រទេសកម្ពុជានៅក្នុងស្ថានភាពអាសន្ន ប្រសិនបើការអំពាវនាវរបស់លោកមិនមានប្រសិទ្ធភាព ជុំវិញការប្រយុទ្ធប្រឆាំងនឹងមេរោគកូវីដ១៩។ ទាក់ទងទៅនឹងការដាក់ប្រទេសនៅក្នុងគ្រាអាសន្ន ខណៈការឆ្លងវីរុសកូវីដ១៩ បានកើតមានជិត១០០ករណីនៅកម្ពុជា ត្រូវអ្នកវិភាគនានាលើកឡើងថា វាជារឿងមួយដែលត្រូវទាមទាឲ្យមានការថ្លឹងថ្លែងដ៏ប្រាកដប្រជាមួយ។

12 min

March 25, 2020 ព្រឹត្តិការណ៍កម្ពុជាប្រចាំថ្ងៃ - កូវីដ-១៩ វាយប្រហារអឺរ៉ុប តែជះផលអាក្រក់មកលើវិស័យកាត់ដេរនៅកម្ពុជា

ម្សិលមិញ សមាគមរោងចក្រកាត់ដេរនៅកម្ពុជាហៅកាត់GMACបានចេញសេចក្តីអំពាវនាវដល់គ្រប់ភាគីពាក់ព័ន្ធទាំងអស់រួមដៃគ្នា ដើម្បីអាចបន្តរស់បានទាំងអស់គ្នានៅក្នុងស្ថានភាពនៃការវាយលុកជាសាកលនៃជំងឺកូវីដ-១៩។ ក្នុងនោះ សមាគមរោងចក្រកាត់ដេរនៅកម្ពុជាបានទទូចសុំឱ្យអ្នកបញ្ជាទិញទាំងអស់កុំបោះបង់កម្ពុជាតាមរយៈបំពេញកាតព្វកិច្ចរបស់ខ្លួនតាមកិច្ចសន្យាដែលបានចុះហត្ថលេខារួចរាល់ និង ទូទាត់ប្រាក់តាមលក្ខខណ្ឌធម្មតា។ បើតាមសមាគមរោងចក្រកាត់ដេរនៅកម្ពុជា ប្រសិនបើអ្នកបញ្ជាទិញមិនធ្វើតាមកិច្ចសន្យាទេនោះ វានឹងប៉ះពាល់ដំណើរការរោងចក្រកាត់ដេរ និងប៉ះពាល់ដល់ប្រាក់ខែរបស់កម្មករមិនខានឡើយ។ ចំពោះស្ថានភាពនេះ តើវិស័យកាត់ដេរគួរតែត្រូវបានដោះស្រាយបែបណា?

11 min

March 24, 2020 ព្រឹត្តិការណ៍កម្ពុជាប្រចាំថ្ងៃ - កូវីដ១៩៖ តើអាជ្ញាធរបានធ្វើអ្វីខ្លះ និងកំពុងធ្វើអ្វីខ្លះ ដើម្បីដោះស្រាយចំពោះពលរដ្ឋខ្មែរមកពីថៃ?

នៅថ្ងៃទី២៣ ខែមីនា ម្សិលមិញ ព្រំដែនរវាងកម្ពុជា និងថៃត្រូវបានបិទ បន្ទាប់ពីមានសំណើពីភាគីថៃ។ ការបិទនេះធ្វើឡើង ដើម្បីឆ្លើយតបទៅនឹងស្ថានភាពនៃការរីករាលដាលនៃកូវីដ១៩។ ប៉ុន្តែការបិទព្រំដែន បានធ្វើឲ្យពលរដ្ឋខ្មែរ ដែលធ្វើការនៅក្នុងប្រទេសថៃ ត្រឡប់មកស្រុកកំណើតរបស់ពួកគេវិញ ធ្វើឲ្យមានការព្រួយបារម្ភចំពោះការឆ្លងកូវីដ១៩។ ដើម្បីឆ្លើយតបនឹងបញ្ហានេះ តើអាជ្ញាធរកំពុងតែធ្វើអ្វីខ្លះ និងបានធ្វើអ្វីខ្លះ?

13 min

March 23, 2020 ព្រឹត្តិការណ៍កម្ពុជាប្រចាំថ្ងៃ - កូវីដ១៩៖ តើកម្មករក្នុងវិស័យសេដ្ឋកិច្ចក្រៅប្រព័ន្ធ គួរស្ថិតនៅក្នុងកញ្ចប់ដោះស្រាយរបស់រដ្ឋាភិបាលឬទេ?

អ្នកវិភាគ និងអ្នកឃ្លាំមើលសង្គមកម្ពុជាបានសំដែងការព្រួយបារម្ភថា បញ្ហាបំណុលនឹងក្លាយជាវិបត្តិសង្គមមួយ បើរដ្ឋាភិបាលដោះស្រាយមិនទាន់ពេលវាលា។ ប្រមុខរដ្ឋាភិបាលកម្ពុជា កន្លងមកធ្លាប់បានអំពាវនាវទៅម្ចាស់បំណុល ធនាគារ ឬគ្រឹះស្ថានមីក្រូហិរញ្ញវត្ថុ លើកលែងការប្រាក់ និងពន្យារពេលសងបំណុល សម្រាប់កម្មករក្នុងវិស័យកាត់ដេរ ដែលប្រឈមបាត់បង់ការងារធ្វើ ដោយសាររោងចក្របិទ ឬព្យួរ ដោយសារតែកង្វះវត្ថុធាតុដើមក្នុងការផលិតដែលបង្កឡើងដោយជំងឺកូវីដ១៩។ ប៉ុន្តែអ្នកវិភាគបានលើកឡើងថា ដំណោះស្រាយគួរធ្វើឡើងជារួម នៅក្នុងអន្តរកាលនេះ។ តើហេតុអ្វី?

13 min

March 22, 2020 ព្រឹត្តិការណ៍កម្ពុជាប្រចាំថ្ងៃ - តើបញ្ហាកូវីដ១៩ជាការវាស់ស្ទង់សមត្ថភាពដឹកនាំរបស់រដ្ឋាភិបាលកម្ពុជាបានយ៉ាងដូចម្តេច?

ការចោទសួរពីសមត្ថភាពដឹកនាំរបស់រដ្ឋាភិបាលកម្ពុជា បានលេចឭជាថ្មីទៀត នៅគ្រាដែលកម្ពុជាកំពុងតែផ្ទុះជំងឺកូវីដ១៩ដូចប្រទេសជាច្រើនទៀតលើពិភពលោកដែរ។ តែកម្ពុជានៅមានបញ្ហាប្រឈមរឿងថវិកាបម្រុង ចំនួនគ្រូពេទ្យ និងសេវាសុខាភិបាល។ ការនេះត្រូវបានគេមើលឃើញថា នាំឲ្យកម្ពុជាងាកទៅពឹងចិនដើម្បីឲ្យមកជួយដោះស្រាយបញ្ហាកូវីដ១៩ ដែលកំពុងរាលដាល ខណៈដែលចិនបានបានធូស្រាល។

11 min

March 20, 2020 ព្រឹត្តិការណ៍កម្ពុជាប្រចាំថ្ងៃ - តើកម្ពុជាឈានដល់ការប្រកាសអាសន្នសេដ្ឋកិច្ច ទន្ទឹមគ្នានឹងអាសន្នសុខាភិបាលហើយឬនៅ?

អ្នកនយោបាយដែលមានជំនាញសេដ្ឋកិច្ច និងអ្នកនយោបាយដែលមានជំនាញកសិកម្ម បានលើកឡើងស្របគ្នាថារដ្ឋាភិបាលកម្ពុជាមិនត្រឹមតែកំពុងប្រឈមនឹងជំងឺកូវីដ១៩ប៉ុណ្ណោះទេ ប៉ុន្តែបញ្ហាប្រឈមខ្លាំងមួយទៀតដែលកើតទន្ទឹមគ្នានោះគឺអាសន្នសេដ្ឋកិច្ច ខណៈការងារក្នុងវិស័យជាច្រើនត្រូវបានផ្អាក។ ការលើកឡើងនេះ ស្របពេល ប្រមុខរដ្ឋាភិបាលនៅថ្ងៃទី២០ខែមីនា បានប្រកាសទទួលយកការបរិចាគប្រាក់ពីសប្បុរសជនដើម្បីចំណាយលើការទប់ទល់ការរាតត្បាតនៃជំងឺកូវីដ១៩នៅកម្ពុជាដែលកើនឡើងច្រើនពីមួយថ្ងៃទៅមួយថ្ងៃ។តើកម្ពុជាឈានដល់ការប្រកាសអាសន្នសេដ្ឋកិច្ច ទន្ទឹមគ្នានឹងអាសន្នសុខាភិបាលហើយឬនៅ?

13 min

March 20, 2020 ព្រឹត្តិការណ៍កម្ពុជាប្រចាំថ្ងៃ - តើអ្វីទៅជាផលវិបាកនៃបំរាមការចេញចូលនៃប្រជាជនកម្ពុជា-វៀតណាម?

ក្រសួងការបរទេសកម្ពុជា នៅថ្ងៃទី ១៩ មីនាម្សិលមិញនេះ បានផ្ញើកំណត់ទូតទៅកាន់អាជ្ញាធរវៀតណាមតាមរយៈស្ថានទូតវៀតណាមប្រចាំនៅទីក្រុងភ្នំពេញ ស្តីអំពីការផ្អាកការធ្វើដំណើរចេញចូលនៃពលរដ្ឋប្រទេសទាំងពីរ ក្នុងពេលដែលស្ថានការណ៍ជំងឺឆ្លងកូវីដ-១៩ កំពុងរីករាលដាល។ សេចក្តីសម្រេចនេះ គឺជាការឆ្លើយតបទៅនឹងសេចក្តីសម្រេចជាឯកតោភាគីរបស់ភាគីវៀតណាម។ វៀតណាម ដែលបានដាក់បំរាមការធ្វើដំណើរនៃជនបរទេសចូលទៅកាន់ប្រទេសវៀតណាម ចាប់តាំងពីថ្ងៃទី ១៨ មីនាមក ក្នុងនោះក៏មានប្រជាជនកម្ពុជា។ ដូច្នេះ តើអ្វីទៅជាផលវិបាកនៃបំរាមការចេញចូលនៃប្រជាជនប្រទេសទាំងពីរ?

12 min