ព្រឹត្តិការណ៍​កម្ពុជា​ប្រចាំថ្ងៃ by RFI ខេមរភាសា / Khmer

May 03, 2020 ព្រឹត្តិការណ៍កម្ពុជាប្រចាំថ្ងៃ - អ្នកពាក់ព័ន្ធចង់ឲ្យបើកសាលារៀន និងអាជីវកម្មខ្លះឡើងវិញ តែត្រូវបន្តប្រុងប្រយ័ត្នខ្ពស់ពីកូវី១៩ដដែល

ដោយសារតែ៣សប្តាហ៍មកហើយ កម្ពុជារកមិនឃើញមានករណីឆ្លងថ្មីនៃជំងឺ កូវីដ១៩នោះ អ្នកធ្វើការខាងវិស័យអប់រំ និងសេវាកំសាន្ត និងចង់ឲ្យរដ្ឋាភិបាលពិចារណា បើកសាលារៀន និងភោជនីយដ្ឋាន ឬក្លឹបកំសាន្តមួយចំនួនឡើងវិញ ដើម្បីទ្រទ្រង់ជីវភាពអ្នកបម្រើការក្នុងវិស័យនេះ។ បើទោះបីជា វិស័យទាំងនេះត្រូវបើកដំណើការឡើងវិញក៏ដោយ តែការបន្តប្រុងប្រយ័ត្ននៃការឆ្លងជំងឺកូវីដ១៩ គឺមិនត្រូវបោះបង់ចោលឡើយ ព្រោះនៅតែជាក្តីបារម្ភនៃរលកទី២។

11 min

May 03, 2020 ព្រឹត្តិការណ៍កម្ពុជាប្រចាំថ្ងៃ - ទិវាសេរីភាពសារព័ត៌មាន៖ តើសេរីភាពសារព័ត៌មាននៅកម្ពុជាក្នុងពេលវិបត្តិកូវីដ១៩ មានស្ថានភាពបែបណា?

ថ្ងៃទី៣ ខែឧសភានេះ គឺជាទិវាសេរីភាពសារព័ត៌មានពិភពលោក ដែលប្រារព្ធធ្វើឡើងចំពេលដែលពិភពលោកកំពុងជួបនឹងវិបត្តិជំងឺរាតត្បាតកូវីដ១៩។ ជំងឺកូវីដ១៩ ដែលធ្វើឲ្យប្រទេសនានាលើពិភពលោករឹតត្បិតការធ្វើដំណើរ រួមនឹងសកម្មភាពមួយចំនួនទៀត ដើម្បីទប់ស្កាត់ការរីករាលដាល។ ដោយឡែកសម្រាប់កម្ពុជាក្នុងពេលជួបវិបត្តិជំងឺកូវីដ១៩នេះ តើស្ថានភាពសេរីភាពសារព័ត៌មានមានសភាពបែបណា?

13 min

May 02, 2020 ព្រឹត្តិការណ៍កម្ពុជាប្រចាំថ្ងៃ - ហេតុអ្វីការអនុវត្តច្បាប់ចរាចរណ៍ពេលនេះ ហាក់មានភាពចម្រូងចម្រាសខ្លាំង?

នៅថ្ងៃសុក្រ ទី០១ ខែឧសភាគឺជាពេលដែល កងកម្លាំងនគរបាលចម្រុះបានចាប់ផ្តើមចុះរឹតបន្តឹងការអនុវត្តច្បាប់ចរាចរណ៍ផ្លូវគោកនៅទូទាំងប្រទេសកម្ពុជា។ ប៉ុន្តែ ការចាប់ផ្តើមអនុវត្តការរឹតបន្តឹងច្បាប់ចរាចរណ៍នាពេលនេះមានការចាប់អារម្មណ៍ខ្លាំងពីប្រជាពលរដ្ឋ ដោយសារតែតម្លៃនៃការផាកពិន័យកើនទ្វេពីពីរទៅបីបួនដងឯណោះ។ ជាមួយគ្នានេះ គេក៏សង្កេតឃើញមានបញ្ហាចម្រូងចម្រាសមួយចំនួនកើតឡើងផងដែរនៅក្នុងពេលអនុវត្តច្បាប់ចរាចរណ៍នេះ។ ហេតុអ្វីបានជាដូច្នេះ?—

13 min

April 30, 2020 ព្រឹត្តិការណ៍កម្ពុជាប្រចាំថ្ងៃ - អនុវត្តច្បាប់ចរាចរណ៍៖ តើអាចទៅរួចទេក្នុងការអនុវត្តឱ្យស្មើគ្នារវាងពលរដ្ឋជាមួយអ្នកមានលុយ មានអំណាច?

ចាប់ពីថ្ងៃទី១ ខែឧសភា ខាងមុខនេះតទៅ កងកម្លាំងនគរបាលចរាចរណ៍ទូទាំងប្រទេសនឹងចាប់ផ្តើមអនុវត្តច្បាប់ចរាចរណ៍ដោយមានការបន្ថែមនូវការផាកពិន័យថ្មីច្រើនជាងមុន។ អគ្គស្នងការនគរបាលជាតិបានបញ្ជាឱ្យកងកម្លាំងនគរបាលចរាចរណ៍ទាំងអស់អនុវត្តដោយស្មារតីទទួលខុសត្រូវ តម្លាភាព ស្មើភាព គ្មានការលើកលែង និង មានសីលធម៌វិជ្ជាជីវៈ។ ដូច្នេះ តើការអនុវត្តច្បាប់ចរាចរណ៍ដោយបន្ថែមការផាកពិន័យយ៉ាងច្រើនសន្ធឹកសន្ធាប់លើកនេះ អាចទៅរួចទេក្នុងការធ្វើឱ្យស្មើភាពគ្នារវាងប្រជាពលរដ្ឋសាមញ្ញជាមួយនឹងអ្នកមានលុយ មានអំណាចនោះ?

12 min

April 29, 2020 ព្រឹត្តិការណ៍កម្ពុជាប្រចាំថ្ងៃ - មូលហេតុអ្វីបានជាជនអនាថា មិនចង់ស្ថិតនៅក្នុងមណ្ឌលសង្គមកិច្ច?

មន្ត្រីនៃក្រសួងសង្គមកិច្ច អតីតយុទ្ធជន និងយុវនីតិសម្បទា កាលពីថ្ងៃអង្គារម្សិលមិញ បានថ្លែងនៅក្នុងសន្និសីទកាសែតមួយថា ក្រសួងមានការពិបាកក្នុងការគ្រប់គ្រងជនអនាថា អ្នកសុំទានជាដើម ដោយពួកគេមិនចង់រស់នៅក្នុងមណ្ឌលអប់រំ និងផ្តល់វិជ្ជាជីវៈនោះទេ។ បញ្ហានេះ អាជ្ញាធរមានសមត្ថកិច្ចក៏បានធ្វើការដោះស្រាយដែរ ដើម្បីកុំឲ្យមានការឆ្វេចឆ្វាចនៅតាមទីសាធារណៈ។ ជាមួយគ្នានេះ អ្នកឃ្លាំមើលសង្គមនានា ក៏បានលើកជាចំងល់ និងផ្តល់មតិដែរ ដោយមានការចោទសួរថា មូលហេតុអ្វីបានជាក្រុមជនអនាថា មិនអាចរស់នៅជាមួយនឹងបរិយាកាសក្នុងមណ្ឌលសង្គមកិច្ចបាន?

13 min

April 28, 2020 ព្រឹត្តិការណ៍កម្ពុជាប្រចាំថ្ងៃ - កម្មករដែលឈប់សម្រាកចូលឆ្នាំ៖ ក្រសួងចាត់ទុកជាកំហុសធ្ងន់ តែសហជីពចង់ឲ្យសម្របសម្រួល

កម្មករប្រមាណជាង៥ពាន់នាក់បានចូលខ្លួនមកបង្ខាំង១៤ថ្ងៃតាមការតម្រូវរបស់ក្រសួងការងារ បន្ទាប់ពី ពួកគេទៅស្រុកក្នុងពេលចូលឆ្នាំខ្មែរ ខណៈកម្មករជាងមួយម៉ឺនប្រាំពាន់នាក់នៅភ្នំពេញ អវត្តមានពីការងារអំឡុងពេលនោះ។ ក្នុងចំណោមកម្មករទាំងនោះ ភាគច្រើនមិនបានបង្ខាំងខ្លួន១៤ថ្ងៃឡើយ។ បើតាមក្រសួងការងារ គឺកម្មករដែលមិនមកបង្ខាំងខ្លួន ១៤ថ្ងៃ ត្រូវចាត់ទុកថា កំហុសធ្ងន់ ហើយថៅកែមានសិទ្ធិបញ្ឈប់ពីការងារ។ ប៉ុន្តែក្រុមសហជីព ចង់ឲ្យមានការសម្របសម្រួល ព្រោះថាមិនមែនជាកំហុសរបស់កម្មករទាំងស្រុងឡើយ។

13 min

April 27, 2020 ព្រឹត្តិការណ៍កម្ពុជាប្រចាំថ្ងៃ - គួរមានដំណោះស្រាយបែបណា នៅពេលអាណាព្យាបាលសិស្សសុំបញ្ចុះតម្លៃសិក្សាតាមអនឡាញ?

កាលពីថ្ងៃទី២៤ ខែមេសា សមាគមគ្រឹះស្ថានឧត្តមសិក្សាកម្ពុជាបានស្នើឲ្យអាណាព្យាបាលសិស្សដាក់ពាក្យស្នើសុំបញ្ចុះសិក្សា ដោយជម្រាបពីវិបត្តិហិរញ្ញវត្ថុរៀងៗខ្លួន ដែលបណ្តាលមកពីជំងឺកូវីដ១៩ បន្ទាប់ពីអាណាព្យាបាលរបស់សិស្សសាលាឯកជនថ្លៃៗមួយចំនួនធ្វើការតវ៉ា។ ការតវ៉ារបស់ពួកគេគឺទាមទារឲ្យម្ចាស់សាលាបញ្ចុះថ្លៃសិក្សាទាមជាងធម្មតាព្រោះតែការបង្រៀនធ្វើឡើងតាមរយៈអនឡាញ។ តើគួរមានដំណោះស្រាយបែបណាចំពោះបញ្ហានេះ?

12 min

April 26, 2020 ព្រឹត្តិការណ៍កម្ពុជាប្រចាំថ្ងៃ - បទល្មើសព្រៃឈើ៖ តើបញ្ហាផ្លូវច្បាប់ ជាកត្តាធ្វើឲ្យសកម្មជនបរិស្ថាននិងអាជ្ញាធរមើលមុខគ្នាមិនចំ?

ក្រសួងបរិស្ថាន កាលពីថ្ងៃទី ២៤ មេសា បានចេញសេចក្តីថ្លែងការណ៍មួយ ដោយបានព្រមានចាត់វិធានការច្បាប់ លើសកម្មជនបរិស្ថាន ដែលចូលក្នុងតំបន់ការពារធម្មជាតិ ដែលស្ថិតក្រោមការគ្រប់គ្រងរបស់ក្រសួងបរិស្ថាន។ ការព្រមាននេះ គឺខណៈដែលសកម្មជនបរិស្ថាន និងសិទ្ធិមនុស្ស កំពុងបើកយុទ្ធនាការជំហានទី០២ ដើម្បីបញ្ឈប់ការកាប់បំផ្លាញព្រៃឈើនៅកម្ពុជា និងស្របពេលដែលសកម្មជនបរិស្ថានទាំងនោះ គ្រោងប្រារព្ធខួប០៨ឆ្នាំនៃការស្លាប់បាត់បង់ជីវិតរបស់លោក ឈុត វុទ្ធី នៅក្នុងតំបន់ព្រៃឡង់ក្នុងខេត្តព្រះវិហារ នៅថ្ងៃទី២៦ មេសានេះ។ យ៉ាងណាក្តី មន្ត្រីសិទ្ធិមនុស្សបានអំពាវនាវឲ្យភាគីទាំងពីរយោគយល់គ្នា ក្នុងបុព្វហេតុការពារព្រៃឈើនៅកម្ពុជា។

13 min

April 24, 2020 ព្រឹត្តិការណ៍កម្ពុជាប្រចាំថ្ងៃ - រៀនតាមអនឡាញ៖ សិស្សសាលារដ្ឋ នឹងមានប្រៀបតិចតួចធៀបនឹងសិស្សសាលាឯកជន?

ក្រសួងអប់រំយុវជន និងកីឡា បានដាក់ឲ្យដំណើរការហើយនូវវិធីសាស្ត្រផ្សេងៗ ដើម្បីបញ្ជូនចំណេះដឹងពីគ្រូទៅសិស្សបែបអនឡាញនៅក្នុងដំណាក់កាលនៃការប្រឈមនឹងវីរុសកូវីដ១៩នេះ។ វិធីសាស្ត្រទាំងនោះរួមមានតាមរយៈការចាក់ផ្សាយការបង្រៀនតាមទូរទស្សន៍ តាមវិទ្យុ តាមប្រព័ន្ធបណ្តាញសង្គមផ្សេងទៀត។ នេះចំពោះវិធានការទូទៅ។ ដោយឡែកសម្រាប់សាលាឯកជន ការបង្រៀនតាមអនឡាញហាក់មានប្រៀបជាងសាលារដ្ឋដោយសារតែគេមានលទ្ធភាព និងសមត្ថភាពគ្រប់គ្រាន់។ ចំណុចនេះ បង្កជាការបារម្ភថាការសិក្សាតាមអនឡាញបង្កឲ្យមានគម្លាតនៃការទទួលចំណេះដឹងរវាងសិស្សសាលាឯកជន សាលារដ្ឋនៅទីប្រជុំជន និងសាលារដ្ឋនៅតាមតំបន់ដាច់ស្រយាល។

13 min

April 23, 2020 ព្រឹត្តិការណ៍កម្ពុជាប្រចាំថ្ងៃ - តើមានមូលហេតុអ្វីនៅពីក្រោយការប្រើប្រាស់អគ្គិសនីអស់ថ្លៃច្រើននៅរដូវក្តៅ?

អ្នកជំនាញថាមពលរបស់រដ្ឋាភិបាលកម្ពុជាអះអាងថាឆ្នាំ២០២០នេះ កម្ពុជានឹងមិនខ្វះថាមពលអគ្គិសនី ដូចឆ្នាំ២០១៩ទៀតទេ ព្រោះវារីអគ្គិសនីរបស់កម្ពុជាអាចផលិតភ្លើងបានជាង៧០ភាគរយ ហើយទិញពីក្រៅតែជិត៣០%ប៉ុណ្ណោះ។ ម្យ៉ាងទៀតដំណើរការសាងសង់រោងចក្រផលិតអគ្គិសនី ៤០០មេហ្កាវ៉ាត់នៅស្រុកល្វាឯម ខេត្តកណ្តាល អាចរួចរាល់នៅពាក់កណ្តាលឆ្នាំ២០២០នេះ។ ប៉ុន្តែអ្នកប្រើប្រាស់នៅតែត្អូញត្អែរពីការចំណាយអស់ច្រើនទ្វេគុណទៅលើថ្លៃអគ្គិសនីនៅរដូវក្តៅនេះ។

12 min