ព្រឹត្តិការណ៍កម្ពុជាប្រចាំថ្ងៃ

By RFI ខេមរភាសា / Khmer

ព្រឹត្តិការណ៍កម្ពុជាប្រចាំថ្ងៃ episodes

May 29, 2020 ព្រឹត្តិការណ៍កម្ពុជាប្រចាំថ្ងៃ - សកម្មភាពរដ្ឋសភាឯកបក្សអាណត្តិទី៦នេះ ពិតជាធ្លាក់ប្រសិទ្ធភាពការងារជាងអាណត្តិទី៥ ឬ?
អង្គការ COMFREL កាលពីថ្ងៃពុធ បានចេញផ្សាយរបាយការណ៍មួយស្តីពីការសង្កេតរដ្ឋសភា និងតំណាងរាស្ត្រឆ្នាំទី១ នីតិកាលទី៦ ដោយរបាយការណ៍បានកត់សម្គាល់ពីចំណុចមួយចំនួន ដូចជាមានការចុះមូលដ្ឋានមួយចំនួន របស់អ្នកតំណាងរាស្ត្រ ប៉ុន្តែគេមិនសង្កេតឃើញមានការខ្នះខ្នែង ឬ យកចិត្តទុកដាក់ជួយដោះស្រាយប្រជាពលរដ្ឋដែលមានទំនាស់ដីធ្លីនោះទេ។ ជាមួយគ្នានេះ របាយការណ៍ក៏បានលើកឡើងដែរថា តំណាងរាស្ត្រមិនមានមតិជំទាស់ រិះគន់នៅក្នុងរដ្ឋសភា នៅពេលមានកិច្ចប្រជុំ និងចំណុចអវិជ្ជមានមួយចំនួនទៀត ជាហេតុធ្វើឲ្យមានការសន្និដ្ឋានថា ប្រសិទ្ធភាពរដ្ឋសភាឯកបក្សនៅឆ្នាំទី១អាណត្តិទី៦នេះ មានការធ្លាក់ចុះ បើធៀបទៅនឹងពេលវេលាដូចគ្នាកាលពីអាណត្តិទី៥។
13 min
May 28, 2020 ព្រឹត្តិការណ៍កម្ពុជាប្រចាំថ្ងៃ - ការលើកលែងលិខិតបញ្ជាក់សុខភាព៖ តើអាចប្រឈមហានិភ័យជំងឺកូវីដ១៩ឬទេ?
ម្សិលមិញលោកនាយករដ្ឋមន្រ្តីហ៊ុន សែន បានសម្រេចអនុញ្ញាតឱ្យប្រជាពលរដ្ឋខ្មែរនៅក្រៅប្រទេសចូលមកប្រទេសកម្ពុជាវិញបាន ដោយមិនចាំបាច់មានលិខិតបញ្ជាក់សុខភាពថា គ្មានជំងឺកូវីដ១៩ទេ។ បើតាមលោកនាយករដ្ឋមន្រ្តី វិធានការនេះ គឺដើម្បីជួយសម្រួលដល់ប្រជាពលរដ្ឋដែលនៅក្រៅប្រទេសឆាប់បានវិលត្រឡប់មកជួបជុំក្រុមគ្រួសារនៅក្នុងប្រទេសកំណើតរបស់ខ្លួនវិញ។ ប៉ុន្តែ តើការសម្រេចអនុញ្ញាតបែបនេះ វាអាចនឹងមានហានិភ័យនៃការនាំចូលជំងឺកូវីដ១៩មកក្នុងប្រទេសកម្ពុជាដែរ ឫ យ៉ាងណា?
11 min
May 26, 2020 ព្រឹត្តិការណ៍កម្ពុជាប្រចាំថ្ងៃ - តើការពន្យាពេលយកពន្ធ២ខែទៀត គ្រប់គ្រាន់ទេសម្រាប់វិស័យទេសចរណ៍ដកដង្ហើមឡើងវិញ?
រដ្ឋាភិបាលកម្ពុជាកាលពីថ្ងៃអង្គារម្សិលមិញ បានប្រកាសបន្តលើកលែងការយកពន្ធលើវិស័យទេសចរណ៍ និងអាកាសចរណ៍ ចំនួន២ខែបន្ថែមទៀត។ ក្រៅពីនេះ ភាពអនុគ្រោះ ក៏មានផងដែរ ដូចជាបន្តអនុញ្ញាតឱ្យមិនបង់ប្រាក់ភាគទានធានារ៉ាប់រងរបបហានិភ័យការងារ និងថែទាំសុខភាព (ប.ស.ស) ក្នុងអំឡុងពេលព្យួរអាជីវកម្ម លើកលែងការបង់ថ្លៃបន្តអាជ្ញាបណ្ណទេសចរណ៍គ្រប់ប្រភេទ នៅក្នុងវិស័យទេសចរណ៍ សម្រាប់ឆ្នាំ២០២១។ កាលពីខែកុម្ភៈកន្លងទៅ ប្រមុខរដ្ឋាភិបាលកម្ពុជា បានសម្រេចលើកលែងការបង់ពន្ធប្រចាំខែគ្រប់ប្រភេទរបស់ម្ចាស់សណ្ឋាគារ និងផ្ទះសំណាក់ ដែលបានចុះបញ្ជីនៅអគ្គនាយកដ្ឋានពន្ធដារ និងមានសកម្មភាពធ្វើអាជីវកម្មសម្រាប់រយៈពេល៤ខែ កន្លងរួចមកហើយ។ ក៏ប៉ុន្តែមកទល់បច្ចុប្បន្ននេះ ស្ថានភាពវិស័យទេសចរណ៍ និងអាកាសចរណ៍ ដែលរងឥទ្ធិពលកូវីដ១៩ នៅមិនទាន់វិលមករកភាពប្រសើរឡើងវិញនៅឡើយ។
11 min
May 26, 2020 ព្រឹត្តិការណ៍កម្ពុជាប្រចាំថ្ងៃ - តើរដ្ឋត្រូវជួយជនក្រីក្រ និងអ្នករងគ្រោះដោយសារកូវីដ១៩ តាមរបៀបណា?
រដ្ឋមន្ត្រីក្រសួងមហាផ្ទៃតាមការបញ្ជារបស់នាយករដ្ឋមន្ត្រី នៅថ្ងៃម្សិលមិញ បានចេញលិខិតជូនដំណឹងទៅប្រធានក្រុមការងារចុះមូលដ្ឋានរាជធានី ខេត្ត ឲ្យពន្លឿនបញ្ចប់ការស្រង់ស្ថិតិពលរដ្ឋក្រីក្រ និងអ្នករងគ្រោះដោយសារជំងឺកូវីដ១៩នៅដំណាច់ខែនេះ សម្រាប់តំបន់ជនបទ ។ ចំណែកតំបន់ប្រជុំជនត្រូវបញ្ចប់ការស្រង់ស្ថិតិនៅដំណាច់ខែមិថុនាខាងមុខ។ ចំណាត់ការនេះត្រូវបានស្វាគមន៍ពីក្រុមអ្នកតាមដានសង្គមនៅក្រៅរដ្ឋាភិបាល ប៉ុន្តែពួកគេចង់ឃើញការស្រង់ស្ថិតិជនក្រីក្រ និងអ្នករងគ្រោះដោយកូវីដ១៩នោះ ធ្វើឡើងដោយមានតម្លាភាព និងឆាប់រហ័ស។
12 min
May 25, 2020 ព្រឹត្តិការណ៍កម្ពុជាប្រចាំថ្ងៃ - ជំនួយពីបរទេសរួមចំណែកស្ដាសេដ្ឋកិច្ចកម្ពុជាបានកម្រិតណា ចំពោះមុខវិបត្តិកូវីដ១៩?
សហរដ្ឋអាមេរិកទម្លាក់លុយជាង៧លានដុល្លារ ស្ដារសេដ្ឋកិច្ចកម្ពុជានៅចំពោះមុខវិបត្តិកូវីដ១៩។ ក្នុងនោះ ៥លានដុល្លារសម្រាប់សេដ្ឋកិច្ច ហើយ ២,៥លានដុល្លារសម្រាប់ប្រយុទ្ធនឹងជំងឺកូវីដ១៩។ ក្រៅតែពីអាមេរិក នៅមានបណ្ដាដៃគូអភិវឌ្ឍន៍ផ្សេងទៀត ដែលប្រកាសផ្ដល់ជំនួយដើម្បីជួយស្ដារសេដ្ឋកិច្ចកម្ពុជា រួមមាន៖ ធនាគារអភិវឌ្ឍអាស៊ី ADB ធនាគារពិភពលោក WB មូលនិធិរូបិយវត្ថុអន្តរជាតិ IMF ជាដើម។ តើជំនួយពីបរទេសអស់ទាំងនេះ អាចរួមចំណែកជួយស្ដារសេដ្ឋកិច្ចកម្ពុជាបានកម្រិតណា នៅចំពោះមុខវិបត្តិកូវីដ១៩?
13 min
May 23, 2020 ព្រឹត្តិការណ៍កម្ពុជាប្រចាំថ្ងៃ - អ្នកជំនាញថា ការឆ្លងកូវីដ១៩ថ្មី២ករណីនៅពេលនេះ ជាការពញ្ញាក់ស្មារតីដល់ពលរដ្ឋឱ្យបន្តប្រុងប្រយ័ត្ន
ក្រសួងសុខាភិបាលកម្ពុជា បានរកឃើញករណីឆ្លងជំងឺកូវីដ១៩ថ្មី ២ករណីហើយ គិតមកដល់ម៉ោងនេះ ដែលជាករណីនាំចូលពីក្រៅដូចគ្នា។ ប្រឈមបែបនេះ ក្រសួងសុខាភិបាលកម្ពុជា និង អ្នកជំនាញវេជ្ជសាស្រ្តបានលើកឡើងដូចគ្នាថា ករណីឆ្លងថ្មី២ករណីនេះ គឺជាការចូលមកពញ្ញាក់ស្មារតីដល់ប្រជាពលរដ្ឋខ្មែរ ដែលហាក់កំពុងព្រងើយកន្តើយ នឹងជំងឺរាតត្បាតមួយនេះ។
11 min
May 21, 2020 ព្រឹត្តិការណ៍កម្ពុជាប្រចាំថ្ងៃ - ការដកបំរាមធ្វើដំណើរជនបរទេសមកពីអឺរ៉ុបនិងអាមេរិក អាចជួយស្តារវិស័យទេសចរណ៍កម្ពុជាទេ?
ក្រុមអ្នកជំនាញក្នុងវិស័យទេសចរណ៍កម្ពុជារំពឹងថា ទេសចរណ៍កម្ពុជា នឹងមានសកម្មភាពឡើងវិញ ក្នុងរយៈពេល០៦ខែ ឬយ៉ាងយូនៅត្រឹមដើមឆ្នាំ២០២១ខាងមុខទៀតនេះ។ ក្តីរំពឹងនេះ គឺបន្ទាប់ពីរដ្ឋាភិបាលកម្ពុជា ទើបតែបានសម្រេចនិរាករណ៍បម្រាមហាមឃាត់ការធ្វើដំណើររបស់ជនបរទេសមកពី៦ប្រទេស អាចឲ្យចូលមកកម្ពុជាវិញ តែត្រូវមានលិខិតបញ្ជាក់ថា គ្មានជំងឺកូវីដ១៩។ ដូច្នេះ តើការដកបំរាមការធ្វើដំណើររបស់ជនបរទេសមកពីអឺរ៉ុបនិងអាមេរិកនេះ អាចជួយស្តារវិស័យទេសចរណ៍កម្ពុជា ឲ្យមានសកម្មភាពឡើងវិញឬទេ?
13 min
May 21, 2020 ព្រឹត្តិការណ៍កម្ពុជាប្រចាំថ្ងៃ - វាជាឱកាសឬយ៉ាងណា ក្នុងការវិនិយោគអចលនទ្រព្យអំឡុងពេលកូវីដ១៩នេះ?
វិស័យអចលនទ្រព្យនៅក្នុងប្រទេសកម្ពុជានៅតែមានសកម្មភាពនៅឡើយ បន្ទាប់ពីរងឥទ្ធិពលនៃមេរោគកូវីដ១៩អស់រយៈពេលជាច្រើនខែ។ ក៏ប៉ុន្តែសកម្មភាពនៃការទិញលក់អចលនទ្រព្យ ពេលនេះ ត្រូវបានគេមើលឃើញថា បានបង្ហាញពីផលប៉ះពាល់ជាបណ្តើរៗហើយ តែទោះយ៉ាងណា មិនទាន់ធ្ងន់ធ្ងរដូចជាបណ្តាប្រទេសនៅក្នុងតំបន់អាស៊ានដទៃទៀតឡើយ។ តើវាជាឱកាសនៃអ្នកជំនួញឱកាសនិយម ឬមួយយ៉ាងណា នៅក្នុងសកម្មភាពវិនិយោគវិស័យអចលនទ្រព្យនាពេលបច្ចុប្បន្ន?
13 min
May 19, 2020 ព្រឹត្តិការណ៍កម្ពុជាប្រចាំថ្ងៃ - យុទ្ធនាការរបស់ក្រសួងយុត្តិធម៌៖ ក្រសួងស្វាគមន៍អង្គការសង្គមស៊ីវិលធ្វើការជាមួយ
ក្រសួងយុត្តិធម៌បើកទ្វារស្វាគមន៍អង្គការសង្គមស៊ីវិល មកធ្វើការជាមួយ ដោយក្រសួងមិនចង់ឃើញអង្គការសង្គមស៊ីវិលប្រើអំណាចដោយគ្មានច្បាប់ចែង ហើយលូកដៃចូលទៅក្នុងប្រព័ន្ធតុលាការកម្ពុជា ហើយធ្វើរបាយការណ៍នោះទេ។ នេះជាការលើកឡើងរបស់លោក កើត រិទ្ធ រដ្ឋមន្ត្រីក្រសួងយុត្តិធម៌ នៅក្នុងថ្ងៃប្រកាសយុទ្ធនាការដោះស្រាយបញ្ហាកកស្ទះ សំណុំរឿងនៅតាមសាលាដំបូងរាជធានី-ខេត្ត នៅថ្ងៃទី១៨ ខែឧសភានេះ។ សង្គមស៊ីវិល ស្វាគមន៍ចំពោះការបើកទ្វារឲ្យមានការធ្វើការជាមួយគ្នារវាងក្រសួងយុត្តិធម៌ និងសង្គមស៊ីវិល ពាក់ព័ន្ធនឹងយុទ្ធនាការថ្មីរបស់ក្រសួងនាពេលនេះ។
13 min
May 18, 2020 ព្រឹត្តិការណ៍កម្ពុជាប្រចាំថ្ងៃ - កម្ពុជាទទួលបានផលចំណេញអ្វីពីច្បាប់ប្រឆាំងការលាងលុយកខ្វក់?
សេចក្ដីព្រាងច្បាប់ស្ដីពីការប្រឆាំងការសម្អាតប្រាក់ និងហិរញ្ញប្បទានភេរវកម្ម ឬ ការលាងលុយកខ្វក់ ត្រូវបានអនុម័តដោយគណៈរដ្ឋមន្ត្រីនៅក្នុងកិច្ចប្រជុំនាព្រឹកថ្ងៃសុក្រទី១៧ ខែឧសភា។ សង្គមស៊ីវិលមួយចំនួនស្នើឲ្យមានការជជែក ឲ្យបានទូលាយជាងនេះ មុនសេចក្ដីព្រាងច្បាប់នេះបញ្ជូនទៅរដ្ឋសភា។ បើតាមសង្គមស៊ីវិលដដែលនៅក្នុងបរិបទដែលកម្ពុជា ជាប្រទេសកំពុងអភិវឌ្ឍ វត្តមានច្បាប់នេះ គឺសំខាន់។ ហេតុអ្វីទៅ?សេចក្ដីព្រាងច្បាប់ស្ដីពីការប្រឆាំងការសម្អាតប្រាក់ និងហិរញ្ញប្បទានភេរវកម្ម ឬ ការលាងលុយកខ្វក់ ត្រូវបានអនុម័តដោយគណៈរដ្ឋមន្ត្រីនៅក្នុងកិច្ចប្រជុំនាព្រឹកថ្ងៃសុក្រទី១៧ ខែឧសភា។ សង្គមស៊ីវិលមួយចំនួនស្នើឲ្យមានការជជែក ឲ្យបានទូលាយជាងនេះ មុនសេចក្ដីព្រាងច្បាប់នេះបញ្ជូនទៅរដ្ឋសភា។ បើតាមសង្គមស៊ីវិលដដែលនៅក្នុងបរិបទដែលកម្ពុជា ជាប្រទេសកំពុងអភិវឌ្ឍ វត្តមានច្បាប់នេះ គឺសំខាន់។ ហេតុអ្វីទៅ?
11 min