ព្រឹត្តិការណ៍​កម្ពុជា​ប្រចាំថ្ងៃ by RFI ខេមរភាសា / Khmer

May 15, 2020 ព្រឹត្តិការណ៍កម្ពុជាប្រចាំថ្ងៃ - តើកិច្ចព្រមព្រៀងពាណិជ្ជកម្មសេរីជាច្រកមួយថ្មីឬ ខណៈកម្ពុជាលែងរំពឹងខ្លាំងលើភាពអនុគ្រោះពាណិជ្ជកម្ម?

ក្រសួងពាណិជ្ជកម្មកាលពីថ្ងៃពុធ បានបើកកិច្ចប្រជុំមួយ ដើម្បីពិនិត្យ និងតាមដានវឌ្ឍនភាពក្រុមការងាររបស់ខ្លួន លើការរៀបចំគោលនយោបាយ និងយុទ្ធសាស្ត្រចរចាបង្កើតកិច្ចព្រមព្រៀងពាណិជ្ជកម្មសេរីជាមួយប្រទេស និងតំបន់ចំនួន៨។ ការប្រឹងប្រែងធ្វើសមាហរណកម្មសេដ្ឋកិច្ចតំបន់ និងពិភពលោករបស់កម្ពុជាដូច្នេះ គឺក្នុងគោលបំណងពង្រីក និងបើកច្រកចូលទីផ្សារសម្រាប់ការនាំចេញឲ្យកាន់តែធំទូលាយថែមទៀត ដោយផ្អែកលើកិច្ចព្រមព្រៀងពាណិជ្ជកម្មសេរី ដែលមានលក្ខណៈអចិន្ត្រៃយ៍ ជាជាងពឹងផ្អែកលើការអនុគ្រោះពាណិជ្ជកម្មក្នុងលក្ខណៈទ្វេភាគី ដែលអាចនឹងងាយបាត់បង់ទៅវិញ។ ជុំវិញបញ្ហានេះ អ្នកជំនាញសេដ្ឋកិច្ចកម្ពុជានានាមើលឃើញថា នឹងមានភាពវិជ្ជមានច្រើនជាងអវិជ្ជមាន បើទោះណាជាកម្ពុជា ជាប្រទេសកំពុងអភិវឌ្ឍន៍ក៏ដោយ។

11 min

May 13, 2020 ព្រឹត្តិការណ៍កម្ពុជាប្រចាំថ្ងៃ - តើមានអ្វីនៅពីក្រោយនៃជំនួបកឹម សុខា-ទូតលោកខាងលិច បន្ទាប់ពីជំនួប ហ៊ុន សែន-កឹម សុខា?

កាលពីចុងឆ្នាំមុន ឯកអគ្គរដ្ឋទូតនៃប្រទេសលោកខាងលិចចំនួន៧រួមទាំងទូតសហភាពអឺរ៉ុបផង ប្រចាំនៅកម្ពុជា បានដាក់កាលវិភាគបន្តបន្ទាប់គ្នាជួបជាមួយលោក កឹម សុខា ប្រធានអតីតគណបក្សសង្គ្រោះជាតិ។ ជាការកត់សម្គាល់ ក្រោយពីជំនួប ហ៊ុន សែន-កឹម សុខា កាលពីពេលថ្មីៗនេះ ឯកអគ្គរដ្ឋទូតលោកខាងលិចនានា ក៏មានជំនួបជាមួយលោក កឹម សុខា ម្តងទៀត ដោយចាប់ផ្តើមពីស្ថានទូតអាឡឺម៉ង់ ទូតសហភាពអឺរ៉ុប ទូតបារាំង ទូតអូស្ត្រាលី ជាដើម។ តើហេតុអ្វី បានជាមានជំនួបនេះ ហើយជំនួបនេះ ទំនងនឹងផ្តោតទៅលើដំណោះស្រាយនយោបាយកម្ពុជាយ៉ាងណាខ្លះ?

12 min

May 12, 2020 ព្រឹត្តិការណ៍កម្ពុជាប្រចាំថ្ងៃ - អ្នកឃ្លាំមើល៖ ការដោះស្រាយការកកស្ទះសំណុំរឿងនៅតុលាការ ត្រូវធ្វើឡើងដោយតម្លាភាព និងយុត្តិធម៌

ដើម្បីកាត់បន្ថយភាពចង្អៀតណែននៅក្នុងពន្ធនាគារ ការកក់ស្ទះសំណុំរឿងនៅក្នុងតុលាការ ក្រសួងមហាផ្ទៃ និងក្រសួងយុត្តិធម៌ ចាប់ផ្តើមយុទ្ធនាការពិនិត្យមើលសំណុំរឿង អ្នកជាប់ឃុំ ជាទូទៅ ពិសេសអ្នកជាប់ឃុំដោយសារតែគ្រឿងញៀន។ អ្នកឃ្លាំមើលស្វាគមន៍យុទ្ធនាការនេះ ប៉ុន្តែជំរុញឲ្យការដោះលែងអ្នកជាប់ឃុំត្រូវធ្វើឡើងដោយតម្លាភាព និងយុត្តិធម៌ គ្មានអំពើពុករលួយ។

11 min

May 11, 2020 ព្រឹត្តិការណ៍កម្ពុជាប្រចាំថ្ងៃ - ការបង្កើតចលនាថ្មីបង្រួបបង្រួមអ្នកប្រជាធិបតេយ្យអាចធ្វើឲ្យបក្សប្រឆាំងខ្លាំងវិញឬ?

ចលនាថ្មីមួយដែលមានឈ្មោះថា «រណសិរ្សប្រជាធិបតេយ្យរួបរួម» ត្រូវបានផ្តួចផ្តើមគំនិតបង្កើតឡើង ដោយលោក យឹម ស៊ីណន ប្រធានចលនាយុវជននៃអតីតគណបក្សសង្គ្រោះជាតិនៅកូរ៉េខាងត្បូង។ចលនាថ្មីនេះបង្កើតឡើងនៅពេលដែលអ្នកនយោបាយរបស់អតីតបក្សប្រឆាំងមួយនេះ ត្រូវបានគេមើលឃើញថា កំពុងជ្រកក្រោម «ប៉ូលនយោបាយ» ផ្សេងគ្នា បន្ទាប់ពីគណបក្សសង្គ្រោះជាតិត្រូវរំលាយនៅចុងឆ្នាំ២០១៧។ តើចលនានេះអាចទាញអ្នកប្រជាធិបតេយ្យមករួមគ្នាវិញបានទេ? ហើយថាតើអាចធ្វើឲ្យបក្សប្រឆាំងខ្លាំងវិញបានទេ?

12 min

May 10, 2020 ព្រឹត្តិការណ៍កម្ពុជាប្រចាំថ្ងៃ - កូវីដ១៩៖ តើកូដកម្មរបស់យុវជននៅបាត់ដំបងអាចក្លាយជាចលនាសង្គមដ៏ធំមួយឬទេ?

ក្រុមយុវជនមួយក្រុមដែលរួមមានទាំងព្រះសង្ឃផង បានជួបជុំគ្នាធ្វើកូដកម្មបង្អត់អាហារពេញមួយថ្ងៃ នៅក្នុងខេត្តបាត់ដំបង កាលពីថ្ងៃសៅរ៍ ទី0៩ ឧសភា ក្នុងគោលបំណងដើម្បីទាមទារឲ្យរដ្ឋាភិបាលនិងគ្រឹះស្ថានមីក្រូហិរញ្ញវត្ថុពន្យារពេលឲ្យពលរដ្ឋសងបំណុលរបស់ពួកគេ ក្នុងពេលជួបវិបត្តិនៃជំងឺកូវីដ១៩។ តើចលនាដែលផ្តើមឡើងដោយមនុស្សប្រមាណជា១០ទៅ២០នាក់នេះ អាចក្លាយជាចលនាសង្គមដ៏ធំមួយឬទេ?

13 min

May 09, 2020 ព្រឹត្តិការណ៍កម្ពុជាប្រចាំថ្ងៃ - បញ្ហាកកស្ទះសំណុំរឿង និងភាពចង្អៀតណែនក្នុងពន្ធនាគារ៖ តើគួរតែដោះស្រាយយ៉ាងណា?

ម្សិលមិញ លោកឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃកម្ពុជាបានដឹកនាំកិច្ចប្រជុំអន្តរក្រសួងស្ដីពីការដោះស្រាយការកកស្ទះសំណុំរឿង និងភាពចង្អៀតណែនក្នុងពន្ធនាគារ។ កិច្ចប្រជុំនេះ គឺក្រសួងយុត្តិធម៌សុំការគាំទ្រពីក្រសួងមហាផ្ទៃ ដើម្បីដំណើរការយុទ្ធនាការដោះស្រាយបញ្ហានេះជាបន្ទាន់ដែលនឹងអាចចេញជាផ្លូវការនៅចុងសប្តាហ៍ក្រោយនេះ។ ដូច្នេះ តើយុទ្ធនាការនេះអាចនឹងមានប្រសិទ្ធភាពកម្រិតណា? តើបញ្ហានេះ គួរដោះស្រាយយ៉ាងណា?

11 min

May 08, 2020 ព្រឹត្តិការណ៍កម្ពុជាប្រចាំថ្ងៃ - ដំណើរការធនាគារនៃសហគ្រាសធុនតូច និងមធ្យម ក្នុងអំឡុងពេលកូវីដ១៩ពិតជាមានសារៈសំខាន់?

ធនាគារនៃសហគ្រាសធុនតូច និងមធ្យម ឬ (SME Bank) ត្រូវបានរៀបចំបង្កើតឡើងដោយរដ្ឋាភិបាលកម្ពុជា អស់រយៈពេលជិត២ឆ្នាំមកហើយ ហើយដំណើរការពិតប្រាកដនឹងធ្វើឡើងនៅក្នុងពេលឆាប់ៗខាងមុខនេះ។ ការបង្កើតឲ្យមានជា SME Bank ដូច្នេះ ត្រូវបានសាទរពីអ្នកតាមដានសេដ្ឋកិច្ចនានា ប្រយោជន៍ គឺដើម្បីជួយជម្រុញដល់វិស័យ SME កម្ពុជា ដែលកំពុងរងនូវការប្រឈមនានា។ ក៏ប៉ុន្តែ លក្ខខណ្ឌមួយចំនួន ដែលសហគ្រាសធុនតូច និងមធ្យមខ្មែរអាចអនុវត្តទៅបាន ក៏អាចជាឧបសគ្គផងដែរ។ តើយន្តការ SME Bank នេះ នឹងទទួលបានជោគជ័យ ឬ បរាជ័យកំរិតណា?

13 min

May 07, 2020 ព្រឹត្តិការណ៍កម្ពុជាប្រចាំថ្ងៃ - តើជំនួបលោក ហ៊ុនសែន និង កឹម សុខា អាចជាសញ្ញាវិជ្ជមានដល់នយោបាយកម្ពុជាទេ?

លោកនាយករដ្ឋមន្ត្រី ហ៊ុន សែន និងលោក កឹម សុខា បានជួបគ្នាជាលើកដំបូង នៅថ្ងៃទី៥ខែឧសភា រាប់ចាប់តាំងពីឆ្នាំ២០១៦ មកដល់ឆ្នាំ២០២០នេះ។ ជំនួបលើកដំបូងធ្វើឡើងនៅគេហដ្ឋានលោក ហ៊ុន សែន នាឱកាសដែលលោក កឹម សុខា ចូលរួមគោរពវិញ្ញាណក្ខន្ធឧបាសិកា ប៊ុន ស៊ាងលី ដែលជាម្ដាយក្មេក លោកនាយករដ្ឋមន្ត្រី។ ខ្លឹមសារនៃជំនួបជិត១ម៉ោងរវាងអ្នកនយោបាយទាំងពីរគឺផ្ដោត «សុខទុក្ខប្រជាពលរដ្ឋខ្មែរ និងផលប្រយោជន៍ជាតិ» នេះបើតាមលោក មុត ចន្ថា បង្ហាញខ្លឹមសារនៅលើបណ្ដាញសង្គមហ្វេសបុកនៅថ្ងៃទី៦ខែឧសភានេះ។ បន្ថែមលើនេះ មហាជនជាច្រើនបានភ្ញាក់ផ្អើល ចំពោះកាយវិការរបស់លោកទាំងពីរ ដោយដាក់ក្ដីសង្ឃឹមថា ជំនួបនេះនាំមកនូវសញ្ញាវិជ្ជមានដល់នយោបាយកម្ពុជា។

11 min

May 06, 2020 ព្រឹត្តិការណ៍កម្ពុជាប្រចាំថ្ងៃ - ការបញ្ចប់មុខតំណែងសមាជិកមួយរូប របស់ឧត្តមក្រុមប្រឹក្សាពិគ្រោះនិងផ្តល់យោបល់ជាការព្រមានទៅលើសមាជិកផ្សេងទៀត?

លោក សុខ សុវណ្ណវឌ្ឍនាសាប៊ុង ប្រធានគណបក្សខ្មែរក្រោក ត្រូវបានបញ្ចប់មុខតំណែងកាលពីថ្ងៃចន្ទ ពីសមាជិកឧត្តមក្រុមប្រឹក្សាពិគ្រោះ និងផ្តល់យោបល់ ដោយមិនបានបញ្ជាក់ពីមូលហេតុច្បាស់លាស់។ ជុំវិញបញ្ហាបញ្ចប់តំណែងពីសមាជិកឧត្តមក្រុមប្រឹក្សា របស់ប្រធានគណបក្សខ្មែរក្រោកនេះ ធ្វើឲ្យមានការលើកឡើងពីអ្នកតាមដានសង្គម និងនយោបាយថាតួនាទី និងមុខតំណែងនៅក្នុងអង្គភាពមួយនេះ មានលក្ខណៈផុយស្រួយ ហើយអាចជាមេរៀនមួយសម្រាប់សមាជិកផ្សេងទៀត មកពីគណបក្សខុសៗគ្នា។

12 min

May 05, 2020 ព្រឹត្តិការណ៍កម្ពុជាប្រចាំថ្ងៃ - តើគួរបន្ថូរដៃឬបន្តរឹតបន្តឹងលើច្បាប់ចរាចរណ៍ ខណៈចំនួនគ្រោះថ្នាក់មានការថយចុះ?

រយៈពេល៣ថ្ងៃនៃការចុះរឹតបន្តឹងច្បាប់ចរាចរណ៍ផ្លូវគោកពីថ្ងៃទី១ដល់ថ្ងៃទី៣ឧសភាឆ្នាំ២០២០ ចំនួនគ្រោះថ្នាក់ចរាចរណ៍ទូទាំងប្រទេស និងចំនួនអ្នករងរបួសបានថយចុះពាក់កណ្តាលធៀបនឹងរយៈពេលដូចគ្នាកាលពីឆ្នាំ២០១៩ ។ ចំណែកចំនួនអ្នកស្លាប់ក្នុងរយៈពេល៣ថ្ងៃមកនេះគឺមានចំនួន១១នាក់ ថយចុះជាងរយៈពេលដូចគ្នាកាលពីឆ្នាំមុនដែលមានអ្នកស្លាប់ចំនួន១៨នាក់។ តើគួរបន្ថូរដៃឬបន្តរឹតបន្តឹងលើច្បាប់ចរាចរណ៍ ខណៈចំនួនគ្រោះថ្នាក់មានការថយចុះ តែមានប្រតិកម្មច្រើនជាងការស្វាគមន៍?

12 min