ព្រឹត្តិការណ៍កម្ពុជាប្រចាំថ្ងៃ

By RFI ខេមរភាសា / Khmer

ព្រឹត្តិការណ៍កម្ពុជាប្រចាំថ្ងៃ episodes

June 26, 2020 ព្រឹត្តិការណ៍កម្ពុជាប្រចាំថ្ងៃ - ស្ថានភាពកូវីដ១៩បច្ចុប្បន្ន និងគុណភាពសិក្សាតាមអនឡាញទាប តើគេអាចបើកសាលាឡើងវិញមុនកាលកំណត់បានឬទេ?
ឥទ្ធិពលនៃការឆ្លងរាតត្បាតមេរោគកូវីដ១៩ បានរុញឲ្យការសិក្សានៅប្រទេសកម្ពុជា ធ្លាក់ទៅក្នុងស្ថានភាពមួយមិនច្បាស់លាស់ បើទោះណាជាប្រទេសកំពុងអភិវឌ្ឍន៍មួយនេះ បានបើកឲ្យមានការបង្រៀន និងរៀនតាមអនឡាញក៏ដោយ។ ធៀបទៅនឹងប្រទេសដទៃ ក្នុងតំបន់និងពិភពលោក កម្ពុជាមិនដែលមានទំលាប់ធ្វើការសិក្សាពីចំងាយឡើយ ជាហេតុធ្វើឲ្យគុណភាពនៃការសិក្សាមានការធ្លាក់ចុះខ្លាំង អាណាព្យាបាលសិស្សមានការព្រួយបារម្ភ ហើយអ្នកតាមដានសង្គមទទូចឲ្យរដ្ឋាភិបាលមានការពិចារណា ក្នុងការបើកសាលារៀនឡើងវិញមុនកាលកំណត់ ដោយអនុវត្តតាមវិធានសុខាភិបាលឲ្យបានត្រឹមត្រូវជាប្រចាំ។
12 min
June 25, 2020 ព្រឹត្តិការណ៍កម្ពុជាប្រចាំថ្ងៃ - កំណត់អត្ដសញ្ញាណជនក្រីក្រ៖ តើត្រូវធ្វើតាមវិធីសាស្រ្តណា ដើម្បីឱ្យមានតម្លាភាព?
នៅក្នុងពិធីប្រកាសអនុវត្តកម្មវិធីផ្តល់សាច់ប្រាក់ជូនប្រជាពលរដ្ឋក្រីក្រ និងជនងាយរងគ្រោះដោយសារជំងឺកូវីដ១៩កាលពីព្រឹកថ្ងៃពុធ លោកនាយករដ្ឋមន្រ្តីហ៊ុន សែន បានលើកឡើងថា ចំនួនពលរដ្ឋក្រីក្រ និងជនងាយរងគ្រោះដោយសារតែជំងឺកូវីដ១៩ មិនមែនមានត្រឹមតែជាង៥៦ម៉ឺនគ្រួសារប៉ុណ្ណោះទេ គឺអាចនៅមានច្រើនជាងនេះ។ ដូច្នេះហើយ លោកប្រមុខរដ្ឋាភិបាលកម្ពុជាបានជំរុញឱ្យក្រសួងផែនការបន្តធ្វើកិច្ចការកំណត់អត្តសញ្ញាណជនក្រីក្រទាំងនេះបន្ថែមទៀត ដើម្បីឱ្យពួកគេទទួលបានទឹកប្រាក់ឧបត្ថម្ភពីរដ្ឋាភិបាលកម្ពុជា។ ប៉ុន្តែ ដើម្បីកំណត់អត្តសញ្ញាណពលរដ្ឋក្រីក្រ និងជនងាយរងគ្រោះដោយសារតែជំងឺកូវីដ១៩ឱ្យមានតម្លាភាព តើគេត្រូវធ្វើតាមវិធីសាស្រ្តណាខ្លះទើបប្រសើរ?
12 min
June 24, 2020 ព្រឹត្តិការណ៍កម្ពុជាប្រចាំថ្ងៃ - តើកូវីដ១៩ ជាករណីប្រធានស័ក្តិ ដែលរារាំងដល់ការចរចាតម្លើងប្រាក់ឈ្នួលវិស័យកាត់ដេរឬ?
សមាគមរោងចក្រកាត់ដេរនៅកម្ពុជា (GMAC) បានលើកឡើងកាលពីថ្ងៃអង្គារម្សិលមិញថា ការចរចាប្រាក់ឈ្នួលអប្បបរមាថ្មីសម្រាប់ឆ្នាំ២០២១ ខាងមុខនេះ គួរត្រូវពន្យាពេល។ សេចក្តីថ្លែងការរបស់ GMAC បញ្ជាក់ទៀតថា ប្រាក់ឈ្នួលអប្បបរមាក្នុងឆ្នាំ២០២០ គួរបន្តសុពលភាពអនុវត្តរហូតដល់វិស័យនេះ អាចត្រលប់ទៅរកសភាពដើមវិញ។ ក៏ប៉ុន្តែការលើកឡើងរបស់ GMAC ដូច្នេះ ត្រូវបានមេដឹកនាំសហជីពខ្លះគាំទ្រ និងមេដឹកនាំសហជីពខ្លះទៀតយល់ថាជាយុទ្ធសាស្ត្ររបស់ភាគីថៅកែ។
12 min
June 23, 2020 ព្រឹត្តិការណ៍កម្ពុជាប្រចាំថ្ងៃ - ទស្សនៈផ្ទុយគ្នាកំពុងកើតឡើង ខណៈរដ្ឋាភិបាលកម្ពុជាកាត់បន្ថយថវិកាជាតិប្រមាណ៥០%
ទស្សនៈផ្ទុយគ្នាកំពុងកើតឡើងរវាងអ្នកសេដ្ឋកិច្ចនៅក្រៅរដ្ឋាភិបាល និងមន្ត្រីរដ្ឋាភិបាលកម្ពុជាចំពោះការកាត់បន្ថយការចំណាយថវិកាជាតិនៅពេលប្រទេសកម្ពុជាកំពុងជួបវិបត្តកូវី១៩។ នៅចំពោះមុខវិបត្តិសកលនេះ រដ្ឋាភិបាលកម្ពុជាបានកាត់បន្ថយកញ្ចប់ថវិកាជាតិដែលគ្រោងជិត៨ពាន់លានដុល្លារក្នុងមួយឆ្នាំនោះ មកនៅសល់តែជិត៤ពាន់លានដុល្លារចាប់ពីឆ្នាំនេះរហូតដល់ឆ្នាំ២០២៣។ សម្រាប់មេដឹកនាំគណបក្សប្រឆាំងដែលនៅក្រៅប្រទេស បានហៅនយោបាយនេះថា«ដើរបញ្ច្រាសទិស »តែមន្ត្រីរដ្ឋាភិបាលបានការពារគោលនយោបាយនេះថាសមស្របទៅនឹងស្ថានភាពបច្ចុប្បន្ន។
13 min
June 22, 2020 ព្រឹត្តិការណ៍កម្ពុជាប្រចាំថ្ងៃ - តើការឧបត្ថម្ភប្រាក់ពីចន្លោះ១ម៉ឺន៦ពាន់រៀលដល់១២ម៉ឺនរៀលរបស់រដ្ឋដល់ជនក្រីក្រគ្រប់គ្រាន់ដែរទេ?
ក្រសួងផែនការបានកំណត់អត្តសញ្ញាណគ្រួសារក្រីក្រ និងងាយរងគ្រោះដោយជំងឺកូវីដ១៩នៅទូទាំងប្រទេស បានចំនួនជាង៥៦ម៉ឺនគ្រួសារ ស្មើនឹង២លាន៣សែននាក់។ នៅថ្ងៃទី២៤ ខែមិថុនា រដ្ឋាភិបាលកម្ពុជានឹងប្រកាសដាក់ឱ្យប្រើប្រាស់ជាផ្លូវការនូវ «កម្មវិធីឧបត្ថម្ភសាច់ប្រាក់ជូនគ្រួសារក្រីក្រនិងងាយរងគ្រោះក្នុងអំឡុងពេលប្រយុទ្ធនឹងជំងឺកូវីដ១៩»។ បើតាមរដ្ឋាភិបាលកម្ពុជា ជនក្រីក្រដែលរងគ្រោះដោយជំងឺកូវីដ១៩ នឹងទទួលបានថវិកាឧបត្ថម្ភចន្លោះពី១ម៉ឺន៦ពាន់ដល់១២ម៉ឺនរៀលក្នុងខែៗសម្រាប់មនុស្សម្នាក់។ ប៉ុន្តែ តើទឹកប្រាក់ប៉ុណ្ណឹងអាចគ្រប់គ្រាន់ទេសម្រាប់ការចាយវាយរបស់ពួកគេ?
13 min
June 19, 2020 ព្រឹត្តិការណ៍កម្ពុជាប្រចាំថ្ងៃ - នៅក្នុងបរិបទកូវីដ១៩ តើការចរចាតម្លើងប្រាក់ឈ្នួលកម្មករគួររក្សានៅដដែលឬមានការប្រែប្រួល?
រដូវកាលចរចាតម្លើងប្រាក់ឈ្នួលអប្បបរមារបស់កម្មករ និយោជិត នៃវិស័យវាយនភណ្ឌកាត់ដេរ និងផលិតស្បែកជើង បានមកដល់ហើយ ដោយនឹងចាប់ផ្តើមពីខែកក្កដាខាងមុខទៅ។ ក៏ប៉ុន្តែរដូវកាលចរចាប្រាក់ឈ្នួលនៅឆ្នាំនេះ ជួនគ្នានឹងរដូវកាលនៃវិបត្តិកូវីដ១៩ ជាហេតុនាំឲ្យមានការលើកឡើងថា តើការចរចា តម្លើងប្រាក់ឈ្នួល ដែលជាទម្លាប់ជារៀងរាល់ឆ្នាំ អាចនឹងប្រព្រឹត្តទៅដោយរលូនឬត្រូវខកខាន ខណៈដែលភាគីកម្មករ និយោជិត និងភាគីនិយោជក សុទ្ធតែរងរបួសផ្នែកសេដ្ឋកិច្ចដោយសារកូវីដ១៩ទាំងអស់គ្នា។
12 min
June 16, 2020 ព្រឹត្តិការណ៍កម្ពុជាប្រចាំថ្ងៃ - តើការចុះបញ្ជីអាជីវកម្មតាមថ្នាលបច្ចេកវិទ្យាព័ត៌មានអាចទាក់ទាញអ្នកវិយោគបានកម្រិតណា?
ក្រសួងសេដ្ឋកិច្ចកាលពីម្សិលមិញ បានដាក់ឲ្យដំណើរការជាផ្លូវការ«ប្រព័ន្ធចុះបញ្ជីអាជីវកម្មតាមថ្នាលបច្ចេកវិទ្យាព័ត៌មាន» ដែលត្រូវបានរដ្ឋាភិបាលហៅថាជាបង្គោលចរថ្មីមួយនៃការកែទម្រង់មុតស្រួច ក្នុងគោលបំណងលើកកម្ពស់ភាពប្រកួតប្រជែង និងធ្វើឲ្យប្រសើរឡើងនូវបរិយាកាសវិនិយោគនៅកម្ពុជា។ តើការចុះបញ្ជីអាជីវកម្មតាមថ្នាលបច្ចេកវិទ្យាព័ត៌មានអាចទាក់ទាញអ្នកវិយោគបានកម្រិតណា?
12 min
June 15, 2020 ព្រឹត្តិការណ៍កម្ពុជាប្រចាំថ្ងៃ - អ្នកឃ្លាំមើល៖ រដ្ឋត្រូវបន្ថែមទុននិងបច្ចេកទេសដល់កសិករ ទើបអាចជំនួសការនាំចូលផលិតផលកសិកម្ម
តាមសំណើរបស់ក្រសួងកសិកម្ម ក្រសួងមហាផ្ទៃ កាលពីថ្ងៃទី២០ឧសភាឆ្នាំ២០២០ បានប្រាប់ទៅសមត្ថកិច្ចនៅតាមច្រកព្រំដែនទាំងអស់ឲ្យទប់ស្កាត់ការនាំចូល បន្លែ ផ្លែឈើ ដែលមានជាតិគីមីពុល និងទំនិញខូចគុណភាពចូលមកកម្ពុជា។ ជាវិធានការសំដៅដល់ការការពារអាយុជីវិត និងសុខភាពប្រជាពលរដ្ឋ។ ក្រុមអ្នកធ្វើការខាងកសិកម្ម និងកសិករបានគាំទ្រវិធានការនេះប៉ុន្តែថានៅមិនទាន់គ្រប់គ្រាន់ទេគឺទាល់តែរដ្ឋាភិបាលជួយទាំងទុន និងបច្ចេកទេសដល់កសិករខ្មែរថែមទៀត ទើបអាចបង្កើនការផលិតនៅក្នុងស្រុកមកជំនួសការនាំចូល។
11 min
June 14, 2020 ព្រឹត្តិការណ៍កម្ពុជាប្រចាំថ្ងៃ - យុទ្ធសាស្ត្រថ្មីរបស់ស៊ុយអែតលើរឿងសិទ្ធិមនុស្ស និងលទ្ធិប្រជាធិបតេយ្យ មានន័យបែបណាសម្រាប់កម្ពុជា?
រដ្ឋាភិបាលស៊ុយអែត បានប្រកាសដាក់ចេញនូវយុទ្ធសាស្ត្រថ្មី ដើម្បីលើកកម្ពស់សិទ្ធិមនុស្ស និងលទ្ធិប្រជាធិបតេយ្យនៅកម្ពុជា ប៉ុន្តែផ្អាកការគាំទ្រដល់កិច្ចសហប្រតិបត្តិការទ្វេភាគីជាមួយកម្ពុជាលើវិស័យផ្សេងៗចាប់ពីដើមខែកក្កដា ឆ្នាំ២០២១។ តើយុទ្ធសាស្ត្រថ្មីរបស់ស៊ុយអែត មានន័យបែបណាសម្រាប់កម្ពុជា?
13 min
June 12, 2020 ព្រឹត្តិការណ៍កម្ពុជាប្រចាំថ្ងៃ - ការយកថវិកាពីជនបរទេសចូលមកកម្ពុជា អាចជាឧបសគ្គដល់ការងើបឡើងវិញនៃវិស័យទេសចរណ៍ និងជំនួញដែរឬទេ?
ប្រទេសកម្ពុជា បានចាប់ផ្តើមយកប្រាក់ពីជនបទរទេស ដែលបានធ្វើដំណើរចូលមកក្នុងប្រទេសកម្ពុជា សម្រាប់ការធ្វើតេស្ត ការធ្វើចត្តាឡីស័ក និងការព្យាបាលទាក់ទងទៅនឹងជំងឺកូវីដ១៩ហើយ។ តាមលិខិតរបស់ក្រសួងសេដ្ឋកិច្ច និងហិរញ្ញវត្ថុ ដែលចេញផ្សាយកាលពីថ្ងៃទី០៥ ខែមិថុនា មានជនបរទេសម្នាក់ ដែលចូលមកកម្ពុជាក្នុងអំឡុងពេលនេះ ត្រូវចំណាយថវិកាយ៉ាងហោចណាស់ ចន្លោះពី២០០ទៅ៣០០ដុល្លារដែរក្នុងមួយថ្ងៃ។ តើចំណាត់ការនេះ អាចជារនាំងសម្រាប់ជនបរទេស ដែលចូលមកកម្ពុជា ក្នុងគោលដៅទេសចរណ៍ និងធ្វើជំនួញដែរឬយ៉ាងណា?
10 min