ព្រឹត្តិការណ៍​កម្ពុជា​ប្រចាំថ្ងៃ by RFI ខេមរភាសា / Khmer

July 07, 2020 ព្រឹត្តិការណ៍កម្ពុជាប្រចាំថ្ងៃ - អ្នកឃ្លាំមើល៖ផ្ទេរការធ្វើសៀវភៅស្នាក់នៅនិងសៀវភៅគ្រួសារទៅថ្នាក់មូលដ្ឋានជារឿងល្អ តែត្រូវតាមដានឱ្យជាប់ជានិច្ច

ក្រសួងមហាផ្ទៃកម្ពុជាកាលពីដើមខែកក្កដានេះបានសម្រេចផ្ទេរសមត្ថកិច្ចជូនទៅនាយប៉ុស្តិ៍នគរបាលរដ្ឋបាលឃុំ សង្កាត់ ជាអ្នកពិនិត្យ សម្រេចផ្តល់សៀវភៅស្នាក់នៅ ទុតិយតាសៀវភៅស្នាក់នៅ ការប្រែប្រួលនៃសមាជិកគ្រួសារ ការផ្លាស់ប្តូរទីលំនៅ និងរាល់ការកែតម្រូវទិន្នន័យក្នុងបញ្ជីស្នាក់នៅស្របតាមច្បាប់កំណត់។ កាលពីពេលកន្លងទៅ កិច្ចការងារនេះ គឺស្ថិតនៅក្នុងដៃអធិការនគរបាលក្រុង ស្រុក ខណ្ឌជាអ្នកធ្វើ។ អ្នកឃ្លាំមើលបញ្ហាសង្គម បានលើកឡើងថា ការសម្រេចនេះ ជារឿងក្នុងការផ្តល់សេវាសាធារណៈដល់ប្រជាពលរដ្ឋឱ្យមានប្រសិទ្ធភាពជាងមុន។ ប៉ុន្តែ បញ្ហាប្រឈម គឺសមត្ថភាពធ្វើការងាររបស់មន្រ្តីមូលដ្ឋាន និង តម្លាភាពក្នុងការធ្វើកិច្ចការងារដែលទាមទារឱ្យមានការតាមដានឱ្យបានត្រឹមត្រូវ។

10 min

July 06, 2020 ព្រឹត្តិការណ៍កម្ពុជាប្រចាំថ្ងៃ - សង្គមស៊ីវិល៖ ដំណើរការដោះស្រាយសំណុំរឿងកកស្ទះជាង៣ពាន់ បង្ហាញពីចំណុចវិជ្ជមានជំហ៊ានដំបូងនៃកំណែទម្រង់ប្រព័ន្ធយុត្តិធម៌

ជាង១ខែមកនេះ ក្រសួងយុតិ្តធម៌បានបំបែកសំណុំរឿងក្តី ព្រហ្មទណ្ឌនៅតាមសាលាដំបូងរាជធានី-ខេត្ត ជាង៣ពាន់សំណុំរឿង នៃសំណុំរឿងដែលបានកកស្ទះជិត៤ម៉ឺន។ នេះបើតាមសេចក្តីប្រកាសព័ត៌មានរបស់ក្រសួងយុត្តិធម៌ចុះថ្ងៃទី៣០ ខែមិថុនា។ ចំណែកមន្ត្រីសង្គមស៊ីវិលចាត់ទុកថា នេះជាចំណុចវិជ្ជមានជំហ៊ានដំបូង នៃកំណែទម្រង់ប្រព័ន្ធយុត្តិធម៌នៅកម្ពុជា។ បន្ថែមលើនេះ ពួកគេស្នើមកក្រសួងរកឬសគល់នៅពីក្រោយនៃការកកស្ទះសំណុំរឿងនេះដែរ។

14 min

July 05, 2020 ព្រឹត្តិការណ៍កម្ពុជាប្រចាំថ្ងៃ - ជំលោះដីធ្លីនៅកម្ពុជា៖ នាយករដ្ឋមន្ត្រីព្រមានបណ្តេញមន្ត្រីចេញពីបក្ស បើឃុបឃិតយកដីរដ្ឋនិងដីប្រជាពលរដ្ឋ

ប្រមុខរដ្ឋាភិបាលកម្ពុជា លោក ហ៊ុន សែន បានព្រមានបណ្តេញមន្រ្តីខិលខូចដែលឃុបឃិតគ្នាយកដីរដ្ឋ និងយកដីប្រជាពលរដ្ឋចេញពីគណបក្សនឹងទទួលទោសធ្ងន់ធ្ងរបំផុត។ ការព្រមានបែបនេះ គឺស្របពេលដែលមន្ត្រីរដ្ឋាភិបាលកម្ពុជាមួយចំនួន ត្រូវបានចាប់ខ្លួនជាបន្តបន្ទាប់នារយៈពេលចុងក្រោយនេះ ក្រោមចំណាត់ការរបស់អង្គភាពប្រឆាំងអំពើពុករលួយ។ ពីចំណែកខាងសង្គមស៊ីវិលវិញ បានស្វាគមន៍ចំពោះការព្រមានរបស់នាយករដ្ឋមន្ត្រី។ តើហេតុអ្វី?

12 min

July 03, 2020 ព្រឹត្តិការណ៍កម្ពុជាប្រចាំថ្ងៃ - ហេតុអ្វី កាស៊ីណូ ជាវិស័យអាទិភាពដែលកម្ពុជាគួរបើកឡើងវិញ ក្រោយវិបត្តិនៃជំងឺកូវីដ១៩?

ប្រមុខរដ្ឋាភិបាលកម្ពុជា លោក ហ៊ុន សែន កាលពីថ្ងៃទី ០៣ កក្កដា បានអនុញ្ញាតិឲ្យកាស៊ីណូទាំងអស់នៅកម្ពុជា បើកប្រតិបត្តិការអាជីវកម្មឡើងវិញ ប៉ុន្តែត្រូវភ្ជាប់ជាមួយលក្ខខណ្ឌមួយចំនួន ដើម្បីការពារការឆ្លងរីករាលដាលនៃជំងឺកូវីដ១៩។ បើតាមមន្ត្រីជាន់ខ្ពស់រដ្ឋាភិបាល នេះគឺជាការបើកសាកល្បង ហើយមានតែល្បែងភ្នាល់ និងស្លុតម៉ាស៊ីនប៉ុណ្ណោះ។ ទោះជាយ៉ាងនេះក្តី អ្នកតាមដានសង្គមយល់ថា កាស៊ីណូ មិនគួរជាវិស័យអាទិភាព ដែលរដ្ឋាភិបាលកម្ពុជាបើកឲ្យដំណើរការមុនវិស័យអប់រំនោះទេ។ តើហេតុអ្វី?

12 min

July 03, 2020 ព្រឹត្តិការណ៍កម្ពុជាប្រចាំថ្ងៃ - តើការបញ្ចេញសម្លេងសន្ទនាតាមទូរស័ព្ទរបស់អ្នកនយោបាយក្នុងកាលៈទេសៈនេះ ក្នុងគោលបំណងអ្វី?

សម្លេងសន្ទនាតាមទូរស័ព្ទរវាងលោកនាយករដ្ឋមន្ត្រី ហ៊ុន សែន និងមេដឹកនាំគណបក្សប្រឆាំងលោក កឹម សុខា និងសម្លេងសន្ទនាតាមទូរស័ព្ទរវាងលោកនាយករដ្ឋមន្ត្រីដែរ ជាមួយមន្ត្រីជាន់ខ្ពស់គណបក្សប្រឆាំង គឺលោក ម៉ៅ មុនីវណ្ណ ដែលគេដឹងថាបានកើតមានឡើងកាលពីអាណត្តិទី៥ ត្រូវបានគេបញ្ចេញឲ្យសាធារណជនបានដឹងជាបន្តបន្ទាប់អស់រយៈពេល២ថ្ងៃជាប់ៗគ្នា តាមបណ្តាញសង្គមហ្វេសប៊ុក។ សម្លេងសន្ទនាដែល១ឃ្លីបៗមានប្រហែលពី៣០ ទៅ៤០នាទីនោះ បានលើកឡើងពីទំនាក់ទំនងរវាងមេដឹកនាំគណបក្សទាំង២ ដោយមានការផាត់ចោលនូវតួនាទីរបស់លោក សម រង្ស៊ី អតីតប្រធានគណបក្សសង្គ្រោះជាតិ ដែលកាលណោះបាននិរទេសខ្លួនទៅក្រៅប្រទេសដោយសារទំនាស់នយោបាយដ៏ស្រួចស្រាល់ជាមួយលោក ហ៊ុន សែន។

12 min

July 02, 2020 ព្រឹត្តិការណ៍កម្ពុជាប្រចាំថ្ងៃ - ក្នុងពេលកូវីដ១៩ តើការយកចិត្តទុកដាក់លើជំងឺមិនឆ្លងមានសភាពបែបណា?

ការចាប់អារម្មណ៍ និងការយកចិត្តទុកដាក់លើជំងឺកូវីដ១៩ ត្រូវបានគេមើលឃើញថាមានខ្ពស់ជាងជំងឺមិនឆ្លង។ ជំងឺមិនឆ្លង ដែលជាឃាតករលាក់មុខ។ សម្រាប់កម្ពុជាមានជំងឺមិនឆ្លង៤ប្រភេទ ដែលមានកម្រិតខ្ពស់គួរឲ្យព្រួយបារម្ភជាងគេ រួមមានជំងឺទាក់ទងនឹងសរសៃឈាម និងបេះដូង មហារីក ជំងឺទាក់ទងផ្លូវដង្ហើម និងជំងឺទឹកនោមផ្អែម និងជំងឺមិនឆ្លងដទៃទៀត។ ក្នុងពេលកូវីដ១៩ តើការយកចិត្តទុកដាក់លើជំងឺមិនឆ្លងមានសភាពបែបណា? ហើយអ្នកជំងឺមិនឆ្លងបានជួបការលំបាកអ្វីខ្លះ?

12 min

July 01, 2020 ព្រឹត្តិការណ៍កម្ពុជាប្រចាំថ្ងៃ - ហេតុអ្វីត្រូវមានច្បាប់ស្តីពីសណ្ដាប់ធ្នាប់សាធារណៈនៅក្នុងកាលៈទេសៈនេះ?

អ្នកធ្វើការខាងសិទ្ធិមនុស្ស និងខាងសេដ្ឋកិច្ចក្រៅប្រព័ន្ធ បង្ហាញក្តីបារម្ភ ខណៈក្រសួងមហាផ្ទៃ កំពុងតែធ្វើសេចក្តីព្រាងច្បាប់ថ្មីមួយស្ដីពីសណ្ដាប់ធ្នាប់សាធារណៈ។ ជាច្បាប់មួយដែលសំដៅដល់ការគ្រប់គ្រងទៅលើអ្នកប្រកបមុខរបរលក់ដូរតាមដងផ្លូវ។ ប៉ុន្តែពួកគេទទួលស្គាល់ថា សេចក្តីព្រាងច្បាប់នេះ មានទាំងចំណុចវិជ្ជមាន និងចំណុចអវិជ្ជមាន តែគួរបើកការពិគ្រោះយោបល់ឲ្យបានទូលាយដើម្បីទាញធាតុចូល។

11 min

June 30, 2020 ព្រឹត្តិការណ៍កម្ពុជាប្រចាំថ្ងៃ - ហេតុអ្វីអាជ្ញាធរមិនអាចទប់ស្កាត់ពលរដ្ឋលួចឆ្លងដែនទៅរកការងារនៅថៃ អំឡុងកូវីដ១៩?

យ៉ាងហោចណាស់ពលរដ្ឋខ្មែរជាង២០០នាក់ត្រូវបានថៃចាប់បញ្ជូនមកកម្ពុជាវិញ បន្ទាប់ពីពួកគេព្យាយាមឆ្លងដែនដោយខុសច្បាប់ទៅរកការងារធ្វើនៅប្រទេសថៃតាមច្រករបៀងតូចៗ ខណៈថៃបានបិទព្រំដែនជាមួយកម្ពុជា តាំងតែពីថ្ងៃទី២៣ខែមីនា ដោយបារម្ភពីកូវីដ១៩។ ដំណាលគ្នានេះ មន្ត្រីរដ្ឋាភិបាល បន្ទោសមេខ្យល់ក្នុងស្រុក នៅពីក្រោយបញ្ហានេះ តែមន្ត្រីអង្គការសង្គមស៊ីវិលមើលឃើញថា បញ្ហាមេខ្យល់ជារឿងមួយ តែការប្រឈមខ្លាំងជាងនេះ គឺមកពីភាពខ្វះខាតរបស់ពលរដ្ឋទៅវិញទេ ទើបពួកគេបង្ខំចិត្តលួចឆ្លងដែនទាំងប្រថុយប្រថាន រកការងារនៅថៃដើម្បីបានចំណូលមកចិញ្ចឹមជីវិត។

12 min

June 29, 2020 ព្រឹត្តិការណ៍កម្ពុជាប្រចាំថ្ងៃ - ហេតុអ្វីកម្ពុជាមិនអាចរួចផុតពីចំណាត់ថ្នាក់ឃ្លាំមើលរបស់សហរដ្ឋអាមេរិកក្នុងការជួញដូរមនុស្ស?

របាយការណ៍ប្រចាំឆ្នាំ២០២០ ស្តីពីអំពើជួញដូរមនុស្សក្នុងពិភពលោកដែលចេញផ្សាយកាលពីសប្តាហ៍មុន បង្ហាញកម្ពុជា នៅតែស្ថិតក្នុងបញ្ជីឃ្លាំមើលការជួញដូរនៅឡើយ។ បើតាមក្រសួងការបរទេសសហរដ្ឋអាមេរិក គឺកម្ពុជាមិនបានចាត់វិធានការដល់កម្រិតស្តង់ដាអប្បរមាក្នុងការកម្ចាត់ការជួញដូរមនុស្សនោះទេ ពោលកម្ពុជានៅតែស្ថិតក្នុងឋានៈជាប្រទេសមានការខិតខំប្រឹងប្រែងតិចតួច ឬTier 2 Watchlist។ ហេតុអ្វីកម្ពុជាមិនអាចរួចផុតពីការឃ្លាំមើលរបស់សហរដ្ឋអាមេរិកក្នុងការជួញដូរមនុស្ស?

10 min

June 28, 2020 ព្រឹត្តិការណ៍កម្ពុជាប្រចាំថ្ងៃ - កូវីដ១៩៖ ទេសចរក្នុងស្រុកខ្លះភ្លេចអនុវត្តវិធានអនាម័យ តាមការណែនាំរបស់ក្រសួង?

រយៈពេលប៉ុន្មានសប្តាហ៍ចុងក្រោយនេះ អ្នកធ្វើដំណើរទេសចរណ៍ក្នុងស្រុកមានការកើនឡើងជាបន្តបន្ទាប់។ ការកើនឡើងទេសចរក្នុងស្រុកជាសញ្ញាមួយ ដែលទទួលបានការស្វាគមន៍ក្នុងវិស័យទេសចរណ៍។ ប៉ុន្តែក៏មានការព្រួយបារម្ភ ខណៈទេសចរមួយចំនួនមិនបានអនុវត្តវិធានការអនាម័យតាមការណែនាំរបស់ក្រសួងសុខាភិបាល។ យ៉ាងក៏ដោយចុះក្រសួងទេសចរណ៍ បានដាក់ចេញវិធានសុវត្ថិភាពជាច្រើន នៅក្នុងវិស័យទេសចរណ៍ ដើម្បីទប់ស្កាត់កូវីដ១៩។

13 min