ព្រឹត្តិការណ៍​កម្ពុជា​ប្រចាំថ្ងៃ by RFI ខេមរភាសា / Khmer

February 11, 2020 ព្រឹត្តិការណ៍កម្ពុជាប្រចាំថ្ងៃ - តើកម្មករនឹងទទួលបានប្រាក់ឈ្នួលទេ នៅពេលរោងចក្រកាត់ដេរព្យូរការងារ?

ចាប់ពីខែមីនាខាងមុខតទៅ រោងចក្រកាត់ដេរមួយចំនួននៅកម្ពុជា នឹងត្រូវព្យួរការងារកម្មករ ដោយសារខ្វះក្រណាត់ដេរ ខណៈចិនបិទរោងចក្រផលិតក្រណាត់ ព្រោះតែការផ្ទុះឡើងនៃមេរោគកូរ៉ូណា។ ក្នុងអំពេលអត់ការងារធ្វើនេះ ទាំងខាងមេដឹកនាំសហជីព និងទាំងខាងតំណាងសមាគមរោងចក្រកាត់ដេរសុទ្ធតែបានអះអាងថា តាមច្បាប់កម្មករ នឹងទទួលបានការឧបត្ថម្ភខ្លះទៅតាមការចរចាគ្នារវាង ថៅកែ និងតំណាងបុគ្គលិកឬសហជីព។

13 min

February 10, 2020 ព្រឹត្តិការណ៍កម្ពុជាប្រចាំថ្ងៃ - តើផែនការវិលចូលស្រុករបស់លោក សម រង្ស៊ី សារជាថ្មី អាចទទួលបានជោគជ័យឬទេ?

បន្ទាប់ពីខកខានវិលចូលប្រទេសកម្ពុជានៅថ្ងៃទី៩វិច្ឆិកានោះ ៣ខែក្រោយមកលោក សម រង្ស៊ី បានដាក់ចេញផែនការជាថ្មីដើម្បីធ្វើមាតុភូមិនិវត្តន៍មកកាន់ប្រទេសកំណើតនៅឆ្នាំ២០២០នេះ។ ការរៀបចំផែនការមាតុភូមិនិវត្តន៍ជាថ្មីនេះ គឺត្រូវបានប្រកាសដោយលោក សម រង្ស៊ី នៅថ្ងៃទី៨កុម្ភ ខណៈលោកជួបប្រជុំជាមួយមន្ត្រីជំនិតៗនៅទីក្រុងឡូវែល រដ្ឋម៉ាស្សាជូសេត នៅថ្ងៃទី៨កុម្ភ។ ប៉ុន្តែអ្នកវិភាគ និងអ្នកនាំពាក្យបក្សកាន់អំណាចហៅផែនការនេះថាគ្រាន់តែយុទ្ធសាស្ត្រមួយធ្វើឡើងកុំឲ្យបក្សកាន់អំណាចដេកលក់។

10 min

February 07, 2020 ព្រឹត្តិការណ៍កម្ពុជាប្រចាំថ្ងៃ - តើទំនាក់ទំនងកម្ពុជា-ចិននឹងឈានដល់កម្រិតណា ក្រោយជំនួប ហ៊ុន សែន-ស៊ី ជីងពីងនៅប៉េកាំង?

នៅក្នុងជំនួបជាមួយលោកនាយករដ្ឋមន្រ្តីកម្ពុជាហ៊ុន សែន កាលពីល្ងាចថ្ងៃពុធ លោកប្រធានាធិបតីចិន ស៊ី ជីងពីង បានគូសបញ្ជាក់ថា ទំនាក់ទំនងរវាងចិន និងកម្ពុជា គឺស្ថិតក្នុងទំព័រសករាជថ្មីចាប់ពីពេលនេះតទៅ។ ការគូសបញ្ជាក់បែបនេះ ធ្វើឡើងបន្ទាប់ពីលោកនាយករដ្ឋមន្រ្តីហ៊ុន សែន បានក្លាយជាមេដឹកនាំដំបូងគេបង្អស់ដែលបានធ្វើដំណើរទៅចិន ស្របពេលដែលចិនកំពុងរងនូវការវាយលុកយ៉ាងខ្លាំងពីវីរុសកូរ៉ូណា។ ដូច្នេះ បន្ទាប់ពីជំនួបរវាងមេដឹកនាំកំពូលទាំងពីរក្នុងពេលដែលចិនកំពុងជួបការលំបាកបែបនេះ តើទំនាក់ទំនងរវាងកម្ពុជា និងចិន នឹងវិវត្តដល់កម្រិតណា?

13 min

February 06, 2020 ព្រឹត្តិការណ៍កម្ពុជាប្រចាំថ្ងៃ - ហេតុអ្វីផ្លូវនៅកម្ពុជានៅតែបន្តគ្មានគុណភាព?

ឧត្តមក្រុមប្រឹក្សាពិគ្រោះ និងផ្ដល់យោបល់មកពីគណបក្សយុវជនកម្ពុជា នៅថ្ងៃទី៥កុម្ភៈម្សិលមិញ បានអញ្ជើញរដ្ឋមន្ត្រីក្រសួងសាធារណៈការ និងដឹកជញ្ជូន លោក ស៊ុន ចាន់ថុល មកបំភ្លឺជុំវិញគុណភាពផ្លូវនៅកម្ពុជា។ គុណភាពនៅកម្ពុជា ដែលឧត្តមក្រុមប្រឹក្សាពិគ្រោះនិងផ្ដល់យោបល់ មិនអស់ចិត្តត្រង់ជួសជុលជាប់ជានិច្ច។ ជុំវិញគុណភាពផ្លូវមិនរឹងមាំនេះពីមុនមក និងជាថ្មីទៀតនៅចំពោះមុខឧត្តមក្រុមប្រឹក្សាពិគ្រោះនិងផ្ដល់យោបល់បានទទួលស្គាល់ និងបន្ទោសទៅលើក្រុមទទួលសិទ្ធិសាងសង់។ បន្ថែមលើនេះសង្គមស៊ីវិលមើលឃើញថា គុណភាពផ្លូវនៅកម្ពុជាកំពុងទាញទម្លាក់មុខមាត់ក្រសួងសាធារណៈការនិងដឹកជញ្ជូន។ ដូច្នេះហេតុអ្វីផ្លូវនៅកម្ពុជានៅតែបន្តគ្មានគុណភាព? តើគេគួរមានដំណោះស្រាយបែបណា?

14 min

February 05, 2020 ព្រឹត្តិការណ៍កម្ពុជាប្រចាំថ្ងៃ - តើគម្រោងទៅកាន់ទីក្រុងវូហានរបស់លោក ហ៊ុន សែន មានអត្ថន័យយ៉ាងណា?

ជាការឆ្លើយតបទៅនឹងការឌឺដងមួយចំនួននៅតាមបណ្តាញសង្គមហ្វេសប៊ុក លោកនាយករដ្ឋមន្ត្រី ហ៊ុន សែន ប្រកាសនៅពីមុខពលករ និងពលរដ្ឋខ្មែរនៅប្រទេសកូរ៉េខាងត្បូងកាលពីយប់ថ្ងៃចន្ទថា លោកនឹងទៅទីក្រុងវូហាន ប្រសិនបើរដ្ឋាភិបាលចិនអនុញ្ញាត។ ជាថ្មីម្តងទៀត លោក ហ៊ុន សែន បានសរសេរបន្ថែមលើហ្វេសប៊ុករបស់លោកនៅថ្ងៃអង្គារម្សិលមិញថា នៅថ្ងៃទី៥កុម្ភៈនេះ លោកបានរាយការណ៍ជូនថ្នាក់ដឹកនាំចិនរួចហើយថាលោក គ្រោងទៅសួរសុខទុក្ខនិស្សិតកម្ពុជា ដែលកំពុងសិក្សានៅទីក្រុងវូហាន។ ក៏ប៉ុន្តែ ប៉ុន្មានម៉ោងក្រោយមក ក្រសួងការបរទេសចិន បានជូនដំណឹងមកថា ភាគីចិនមិនអាចរៀបចំជូនលោក ហ៊ុន សែន ចំពោះដំណើរទៅកាន់ទីក្រុងវូហានបានទេ ដោយសារទីនោះកំពុងរីករាលដាលខ្លាំងបំផុតនៃមេរោគកូរ៉ូណា។

12 min

February 04, 2020 ព្រឹត្តិការណ៍កម្ពុជាប្រចាំថ្ងៃ - ភាគីពាក់ព័ន្ធ៖ បំរាមគោចររបស់ចិន ធ្វើឲ្យភ្ញៀវទេសចរនៅសៀមរាបបន្តធ្លាក់ចុះ

ខណៈអាជ្ញាធរចិនដាក់បំរាមការធ្វើដំណើររបស់ប្រជាជនខ្លួន ដោយសារតែការផ្ទុះឡើងនៃវីរុសកូរ៉ូណា ចំនួនភ្ញៀវទេសចរបរទេស ដែលមកកាន់តំបន់អង្គរក្នុងខេត្តសៀមរាប បានធ្លាក់ចុះគួរឲ្យកត់សំគាល់។ ប៉ុន្តែការធ្លាក់ចុះភ្ញៀវទេសចរនៅខេត្តសៀមរាបនេះមិនមែនជារឿងថ្មីទេ។ ប៉ុន្តែអ្វីដែលថ្មីនោះគឺវីរុសកូរ៉ូណាដែលវាយប្រហារប្រទេសចិន បានធ្វើឲ្យរងផលប៉ះពាល់ដល់វិស័យទេសចរណ៍របស់កម្ពុជា ជាពិសេសនៅខេត្តសៀមរាប។

11 min

February 03, 2020 ព្រឹត្តិការណ៍កម្ពុជាប្រចាំថ្ងៃ - ឆ្នាំ២០១៩៖ វិស័យមីក្រូហិរញ្ញវត្ថុផ្តល់កំចីដល់អតិថិជនច្រើន ជំរុញឲ្យមានការកោតសរសើរផង និងក្តីបារម្ភផង

ឆ្នាំ២០១៩ វិស័យមីក្រូហិរញ្ញវត្ថុកម្ពុជាបានផ្តល់ឥណទានជាង៧ពាន់លានដុល្លារដល់អតិថិជនជាង២លាន១សែននាក់។ ពោលគឺចំនួនអ្នកខ្ចីមិនកើនច្រើនពេកនោះទេ បើធៀបនឹងឆ្នាំ២០១៨ ក៏ប៉ុន្តែចំនួនឥណទានបានកើនឡើងទៅវិញ។ កំណើននេះ ជំរុញឲ្យមានការកោតសរសើរផង និងក្តីបារម្ភផងថា អាចនឹងមានបញ្ហាប្រឈម ដូចជា ការជាប់បំណុលវ័ណ្ឌកររបស់អតិថិជន មិនអាចសងត្រលប់មកវិញ ដោយសារតែមានការប្រកួតប្រជែងកាន់តែខ្លាំងនៅក្នុងវិស័យមួយនេះ។ តើហេតុអ្វី?

13 min

February 01, 2020 ព្រឹត្តិការណ៍កម្ពុជាប្រចាំថ្ងៃ - តើការថយចុះកំណើនសេដ្ឋកិច្ចកម្ពុជាឆ្នាំ២០២០នេះជាសញ្ញាគួរឲ្យបារម្ភឬទេ?

កំណើនសេដ្ឋកិច្ចកម្ពុជានៅឆ្នាំ២០២០នឹងមានត្រឹមតែ ៦.១%ប៉ុណ្ណោះ។ នេះបើផ្អែកតាមការព្យាករណ៍របស់ក្រសួងសេដ្ឋកិច្ចនិងហិរញ្ញវត្ថុកម្ពុជានៅថ្ងៃទី ៣០ មករានេះ ខណៈនៅមុននេះ រដ្ឋាភិបាលកម្ពុជារំពឹងទុកថា កំណើនសេដ្ឋកិច្ចរបស់កម្ពុជានៅឆ្នាំ ២០២០ គឺស្ថិតនៅក្នុងរង្វង់ ៦.៥%។ មានកត្តាជាច្រើនដែលទាញទម្លាក់កំណើនសេដ្ឋកិច្ចកម្ពុជាដែលធ្លាប់តែសម្រេចបានជាង៧ភាគរយក្នុងមួយឆ្នាំក្នុងរយៈពេលពីរទស្សវត្សរ៍មកនេះ។ ការធ្លាក់ចុះនៃកំណើនសេដ្ឋកិច្ចពិភពលោក ភាពមិនប្រាកដប្រជានៅតំបន់មជ្ឈឹមបូព៌ា ជម្លោះពាណិជ្ជកម្មរវាងចិន-សហរដ្ឋអាមេរិក ការប្រែប្រួលអាកាសធាតុ និងការផ្ទុះឡើងនៃជំងឺឆ្លងដែលបង្កដោយកូរ៉ូណាវីរុសថ្មីៗនៅក្នុងប្រទេសចិន សុទ្ធសឹងជាដើមចមនៃការធ្វើឲ្យកំណើនសេដ្ឋកិច្ចពិភពលោកដាំក្បាលចុះរាប់ទាំងកម្ពុជាផង។ តើការថយចុះកំណើនសេដ្ឋកិច្ចកម្ពុជាក្នុងឆ្នាំ២០២០នេះជាសញ្ញាគួរឲ្យបារម្ភឬទេ?

12 min

January 31, 2020 ព្រឹត្តិការណ៍កម្ពុជាប្រចាំថ្ងៃ - តើការបិទជើងហោះហើរ ពិតជាអាចកាត់បន្ថយចំណងទាក់ទងរវាងកម្ពុជា និងចិនមែនឫ?

ម្សិលមិញ នាយករដ្ឋមន្រ្តីកម្ពុជាបានប្រកាសដាច់ណាត់ហើយថា នឹងមិនបិទជើងហោះហើរពីប្រទេសចិនមកកាន់ប្រទេសកម្ពុជា ព្រោះបញ្ហាមេរោគកូរ៉ូណាឡើយ។ មានហេតុផលពីរដែលធ្វើឱ្យលោកហ៊ុន សែន ធ្វើបែបនេះ គឺទី១ វានឹងសម្លាប់សេដ្ឋកិច្ចកម្ពុជា និង ទី២ វានឹងកាត់បន្ថយទំនាក់ទំនងល្អរវាងកម្ពុជា និងមហាយក្សចិន។ តាមលោកនាយករដ្ឋមន្រ្តីកម្ពុជា ក្នុងគ្រាដ៏លំបាកនេះ កម្ពុជាមិនត្រូវរត់ចោលទៅរកសុខតែម្នាក់ឯងហើយទុកចិនចោលនោះឡើយ។ តើការគ្រាន់តែបិទជើងហោះហើរ ពិតជាអាចកាត់បន្ថយទំនាក់ទំនងល្អរវាងកម្ពុជា និង ចិនមែនឫ?

13 min

January 30, 2020 ព្រឹត្តិការណ៍កម្ពុជាប្រចាំថ្ងៃ - តើកម្ពុជារងផលប៉ះពាល់សេដ្ឋកិច្ចអ្វីទេ ពីវត្តមានកូរ៉ូណាវីរុស?

មេរោគផ្លូវដង្ហើមថ្មី (Corona Virus) ដែលមានប្រភពពីទីក្រុងវូហាននៃប្រទេសចិនមកដល់ពេលនេះ បានឆ្លងរាលដាលដល់ពិភពលោកជាង១០ប្រទេសហើយ ក្នុងនោះមានទាំងកម្ពុជាដែរ។ កាលពីថ្ងៃចន្ទប្រទេសកម្ពុជាបានរកឃើញករណីដំបូងនូវការឆ្លងមេរោគនេះ ទៅលើជនជាតិចិនមួយរូប ដែលធ្វើដំណើរមកពីប្រភពខាងលើ។ ជុំវិញបញ្ហានេះ ធ្វើឲ្យការធ្វើដំណើរបែបទេសចរណ៍ជាច្រើននៅលើពិភពលោកត្រូវបានកាត់បន្ថយ។ រូបភាពនេះ ធ្វើឲ្យមានការចោទសួរថា តើកម្ពុជារងផលប៉ះពាល់សេដ្ឋកិច្ចយ៉ាងណាខ្លះ ខណៈទេសចរណ៍កម្ពុជាជាជន្ទល់ដ៏សំខាន់មួយរបស់ប្រទេស។

13 min