ព្រឹត្តិការណ៍​កម្ពុជា​ប្រចាំថ្ងៃ by RFI ខេមរភាសា / Khmer

January 28, 2020 ព្រឹត្តិការណ៍កម្ពុជាប្រចាំថ្ងៃ - តើអ្វីទៀតដែលកម្ពុជាត្រូវបន្តធ្វើបន្ទាប់ពីរកឃើញករណីវីរុសឆ្លងដំបូង និងវត្តមានចិនមកពីវូហានរាប់ពាន់នាក់?

ក្រសួងសុខាភិបាលកម្ពុជាកាលពីល្ងាចថ្ងៃចន្ទ បានរកឃើញករណីជំងឺផ្លូវដង្ហើមថ្មី ដែលបង្កឡើងដោយវីរុសកូរ៉ូណា នៅលើជនជាតិចិនម្នាក់ ដែលចាកចេញពីទីក្រុងវូហាន ប្រទេសចិន ចូលមកកាន់ប្រទេសកម្ពុជា។ ដំណាលគ្នានេះ មន្ត្រីអាកាសចរណ៍ស៊ីវិលកម្ពុជា ក៏បានឲ្យដឹងដែរថា មានអ្នកទេសចរណ៍ដែលជាជនជាតិចិនប្រមាណជាង៣ពាន់នាក់ មកពីក្រុងវូហាន ទីកន្លែងដែលកំពុងឆ្លងរាលដាលវីរុសផ្លូវដង្ហើមថ្មីកូរ៉ូណា ហើយកំពុងស្នាក់នៅកម្ពុជានៅឡើយ។ ជុំវិញបញ្ហានេះ អ្នកតាមដានសង្គមនានា បានផ្តល់ជាយោបល់ផ្សេងជុំវិញចំណាត់ការបន្ត ដែលកម្ពុជាត្រូវធ្វើ ខណៈប្រជាពលរដ្ឋខ្មែរកំពុងព្រួយបារម្ភពីការឆ្លងរាលដាលវីរុសថ្មីមួយនេះ។

12 min

January 28, 2020 ព្រឹត្តិការណ៍កម្ពុជាប្រចាំថ្ងៃ - ហេតុអ្វីមនុស្សមួយចំនួនតែងតែឆ្លៀតឱកាសកេងចំណេញនៅគ្រាមានអាសន្ន?

ស្របពេលដែលមានតម្រូវការប្រើប្រាស់ម៉ាស់កាន់តែច្រើននៅគ្រាដែលជំងឺរលាកសួតប្រភេទថ្មីឈ្មោះកូរ៉ូណាវីរុសកំពុងរាលដាលមកជិតប្រទេសកម្ពុជានោះ តម្លៃម៉ាស់បានហក់ឡើងយ៉ាងគំហុកក្នុងរយៈពេលប៉ុន្មានថ្ងៃមកនេះ។ ជាមួយគ្នានោះក្រសួងសុខាភិបាលបានអំពាវនាវកុំឲ្យអ្នករកស៊ីលក់ម៉ាស់ឆ្លៀតឱកាសតម្លើងថ្លៃម៉ាស់នៅគ្រាអាសន្ននេះ។ ហេតុអ្វីមនុស្សមួយចំនួនតែងតែឈ្លៀតឱកាសកេងចំណេញនៅគ្រាមានអាសន្ន?

11 min

January 27, 2020 ព្រឹត្តិការណ៍កម្ពុជាប្រចាំថ្ងៃ - តើការកែសម្រួលសោភ័ណភាពឆ្នេរនៅក្រុងព្រះសីហនុទាក់ទាញភ្ញៀវទៅលេងទីនោះដូចគ្រាមុនដែរទេ?

អាជ្ញាធរខេត្តព្រះសីហនុកំពុងរៀបចំកែសម្រួលឆ្នេរចំនួនពីរក្នុងក្រុងព្រះសីហនុគឺឆ្នេរអូរឈើទាល២ និងឆ្នេរអូរត្រេះដើម្បីទាក់ទាញឲ្យភ្ញៀវជាតិនិងអន្តរជាតិ មកលេងខេត្តនេះឲ្យដូចគ្រាមុន។ ការកែសម្រួលនេះ ធ្វើឡើងតាមរយៈរុះរើតូបនិងស្តង់លក់ដូរមួយចំនួន ដើម្បីស្ដារសោភ័ណភាពឆ្នេរ។ អ្វីគួរឲ្យកត់សម្គាល់ការកែសម្រួលសោភ័ណភាពឆ្នេរឡើងវិញ បន្ទាប់ពីជនជាតិចិនជាច្រើនក៏បានចាកចេញពីកម្ពុជា ។ សម្រាប់អ្នកជំនាញអចលទ្រព្យមើលឃើញថា ការសម្រួលសោភ័ណភាពឆ្នេរឡើងវិញអាចទាក់ទាញអារម្មណ៍ភ្ញៀវឲ្យទៅលេងទីនោះបានដូចគ្រាមុន តែអ្នកធ្វើការផ្នែកទេសចរណ៍ថា ដើម្បីឲ្យមនុស្សទៅកំសាន្តដូចគ្រាមុនត្រូវស្ដារហេដ្ឋារចនាសម្ព័ន្ធទាំងមូល។ ដូច្នេះការកែសម្រួលសោភ័ណភាពឆ្នេរនៅក្រុងព្រះសីហនុទាក់ទាញភ្ញៀវទៅលេងទីនោះដូចគ្រាមុនដែរទេ? ហើយថា ការកែសម្រួលឆ្នេរមួយចំនួនឡើងវិញដោយសារការចាកចេញរបស់ជនជាតិចិនឬយ៉ាងណា?

13 min

January 26, 2020 ព្រឹត្តិការណ៍កម្ពុជាប្រចាំថ្ងៃ - អ្នកឃ្លាំមើល៖ ការប្តូរឈ្មោះក្រសួងមិនជាបញ្ហាចោទ តែចង់ឃើញប្រសិទ្ធភាពការងារ

រាជរដ្ឋាភិបាលកម្ពុជាតាមរយៈលិខិតរបស់ទីស្តីការគណៈរដ្ឋមន្ត្រី កាលពីថ្ងៃទី២៤ ខែមករា បានយល់ព្រមជាគោលការណ៍ឲ្យប្តូរឈ្មោះក្រសួងឧស្សាហកម្ម និងសិប្បកម្ម ទៅជា “ក្រសួងឧស្សាហកម្ម និងវិទ្យាសាស្ត្រ បច្ចេកវិទ្យា និងនវានុវត្តន៍”។ អ្នកស្រាវជ្រាវខាងការអភិវឌ្ឍសង្គម និងអង្គការសង្គមស៊ីវិល ហាក់មិនចាប់អារម្មណ៍នឹងការប្តូរឈ្មោះនេះទេ ប៉ុន្តែអ្វីដែលជាការចាប់អារម្មណ៍គឺការអនុវត្តការងារឲ្យមានប្រសិទ្ធភាពនៃស្ថាប័ននោះ។

14 min

January 24, 2020 ព្រឹត្តិការណ៍កម្ពុជាប្រចាំថ្ងៃ - អ្នកឃ្លាំមើល៖ សវនាការលោកកឹម សុខា នឹងកាន់តែមានតម្លាភាព បើបើកឱ្យកាន់តែទូលំទូលាយថែមទៀត

សវនាការលើលោកកឹម សុខា នៅក្នុងសប្តាហ៍ទី២នេះបានបិទបញ្ចប់ហើយកាលពីថ្ងៃព្រហស្បតិ៍ ដោយនឹងបន្តនៅសប្តាហ៍ក្រោយទៀត។ សវនាការលើកនេះមិនមានការរិះគន់ពីសំណាក់អង្គការសង្គមស៊ីវិល និង អ្នកកាសែតឡើយដោយសារអនុញ្ញាតឱ្យពួកគេបានចូលស្តាប់ខុសពីសប្តាហ៍មុន។ អ្នកតាមដាន និង ឃ្លាំមើលសវនាការនេះ បានលើកឡើងថា សវនាការនេះនឹងកាន់តែមានតម្លាភាព បើបើកឱ្យកាន់តែទូលំទូលាយបន្ថែមទៀតដល់សាធារណៈជន។

11 min

January 23, 2020 ព្រឹត្តិការណ៍កម្ពុជាប្រចាំថ្ងៃ - ចំណូលពន្ធមានការកើនឡើង តើជាការបង្ហាញពីមោទនភាពសម្រាប់រដ្ឋាភិបាលឬយ៉ាងណា?

ការប្រមូលពន្ធចូលរដ្ឋរយៈពេលប៉ុន្មានឆ្នាំចុងក្រោយបាន ត្រូវបានកត់សម្គាល់ថាមានកំណើន លើសផែនការជារៀងរាល់ឆ្នាំ ដែលនេះបានកើតចេញពីលទ្ធផលនៃកំណែទម្រង់ហិរញ្ញវត្ថុសាធារណៈ។ កាលពីថ្ងៃអង្គារគ្រាន់តែចំណូលពន្ធដារមួយ ត្រូវបានប្រកាសថាបានកើនឡើងរហូតដល់ជិត៣ពាន់លានដុល្លារ។ កំណើននៃការប្រមូលពន្ធជាបន្តបន្ទាប់ដូច្នេះ ធ្វើឲ្យរដ្ឋាភិបាលកម្ពុជាបង្ហាញនូវមោទនភាពយ៉ាងធំធេង ខណៈអ្នកតាមដានសង្គមមើលឃើញថា មិនមានភាពអស្ចារ្យណាស់ណាទេ បើធៀបទៅនឹងប្រទេសក្នុងតំបន់។

12 min

January 22, 2020 ព្រឹត្តិការណ៍កម្ពុជាប្រចាំថ្ងៃ - តើខេត្តព្រះសីហនុនឹងទៅជាយ៉ាងណានាពេលខាងមុខនេះ?

វត្តមាននៃជនជាតិចិនយ៉ាងគំហុកនៅក្នុងខេត្តព្រះសីហនុ បានធ្វើឱ្យអាគារនៅក្នុងខេត្តនេះមានការរីកលូតលាស់ដូចផ្សិតក្នុងពេលតែមួយប៉ព្រិចភ្នែក។ ប៉ុន្តែនៅពេលដែលរដ្ឋាភិបាលកម្ពុជាបិទលែងឱ្យមានល្បែងអនឡាញតទៅទៀតនោះ ជនជាតិចិនជាច្រើនក៏បានចាកចេញពីកម្ពុជាវិញដែរ។ ការចាកចេញនេះបានឱ្យវិស័យអចលនទ្រព្យនៅក្នុងខេត្តនេះនៅទ្រឹង ហើយការអភិវឌ្ឍនានាក៏ហាក់មិនដើរលឿនផងដែរ។ អ្នកជំនាញផ្នែកអចលនទ្រព្យ និង សេដ្ឋកិច្ចបានបង្ហាញពីការព្រួយបារម្ភពីអនាគតនៃខេត្តព្រះសីហនុ។ ទោះជាបែបនេះក្តី ពួកគេថា វានៅតែមានដំណោះស្រាយ ប៉ុន្តែត្រូវការពេលវេលាបន្តិច។

12 min

January 21, 2020 ព្រឹត្តិការណ៍កម្ពុជាប្រចាំថ្ងៃ - កកស្ទះចរាចរណ៍ មកពីយានយន្តក្នុងក្រុងច្រើនពេក?

គិតត្រឹមខែធ្នូឆ្នាំ២០១៩ ស្ថិតិយានយន្តក្នុងរាជធានីភ្នំពេញមានរថយន្តចំនួនប្រមាណ៥០ម៉ឺនគ្រឿង និងទោចក្រយានយន្តចំនួនប្រមាណ២លានគ្រឿង។ ចំនួនយានយន្តទាំងនេះបានបណ្តាលអោយមានការកកស្ទះចរាចរណ៍។ នេះបើតាមមន្ទីរសាធារណការរាជធានីភ្នំពេញ។ ប៉ុន្តែអ្នកជំនាញខាងសុវត្ថិភាពចរាចរណ៍លើកឡើងថាចំនួនយានយន្តមិនជាច្រើនលើសលុបខ្លាំងពេកនោះទេ។ ដូច្នេះ តើការកកស្ទះចរាចរណ៍ បណ្តាលមកពីកំណើនយានយន្តក្នុងក្រុងច្រើនពេកឬយ៉ាងណា? ហើយអ្វីជាដំណោះស្រាយដែលមាននិរន្តរភាព ចំពោះបញ្ហានេះ?

12 min

January 19, 2020 ព្រឹត្តិការណ៍កម្ពុជាប្រចាំថ្ងៃ - តើសវនាការកាត់ទោស លោក កឹម សុខា អាចចៀសផុតពីការរិះគន់ បើបើកឲ្យមហាជនចូលរួមស្តាប់?

អ្នករាយការណ៍ពិសេសទទួលបន្ទុកផ្នែកសិទ្ធិមនុស្សនៃអង្គការសហប្រជាជាតិ ចំនួន៣រូប បានចេញសេចក្តីថ្លែងការណ៍មួយ កាលពីថ្ងៃទី ១៧ មករា ដោយបានរិះគន់ទៅលើដំណើរការសវនាការកាត់ទោសលើអតីតមេដឹកនាំបក្សប្រឆាំងលោក កឹម សុខា ថា ធ្វើឡើងដោយប្រឡូកប្រឡាក់ក្នុងរឿងនយោបាយ និងបានរិតត្បិតសាធារណជនមិនឲ្យចូលរួមតាមដានដោយផ្ទាល់។ ចំណែកអង្គការសង្គមស៊ីវិលជាង៨០ ក៏បានចេញសេចក្តីថ្លែងការណ៍រួមមួយដែរ កាលពីថ្ងៃទី ១៦ មករាថា សវនាការកាត់ទោសលើអតីតប្រធានគណបក្សប្រឆាំងលោក កឹម សុខា គួរត្រូវបានអនុញ្ញាតឲ្យក្រុមគ្រួសារ អ្នកសារព័ត៌មាន និងអង្គការសង្គមស៊ីវិលបានចូលរួមតាមផងដែរ។ តើហេតុអ្វី?

12 min

January 17, 2020 ព្រឹត្តិការណ៍កម្ពុជាប្រចាំថ្ងៃ - ហេតុអ្វីបានជាក្មេងៗសម័យនេះមួយចំនួនចូលចិត្តបង្កហិង្សានៅតាមសាលារៀននិងក្រៅសាលារៀន?

ករណីក្មេងៗសិស្សសាលាបង្កហិង្សានៅតាមសាលារៀន និងក្រៅសាលារៀនកំពុងត្រូវបានការចាប់អារម្មណ៍ខ្លាំងនៅសប្តាហ៍នេះ។ គឺករណីសិស្សស្រីចំនួន៤នាក់បានវាយទាត់ធាក់ទៅលើសិស្សស្រីម្នាក់នៅវិទ្យាល័យផ្សារដើមថ្កូវកាលពីចុងខែធ្នូឆ្នាំ២០១៩ តែទើបត្រូវបានបែកធ្លាយវីដេអូកាលពីពេលថ្មីៗនេះ និងករណីក្មេងស្រីម្នាក់នៅស្រុកមេសាងគំរាមវាយប្រហារជាសាធារណៈទៅលើគូទំនាស់ដែលជិះម៉ូតូឆ្លងកាត់ស្រុករបស់ខ្លួនកាលពីថ្ងៃទី១៤ខែមករាកន្លងមកនេះ។ តើមានកត្តាអ្វីខ្លះបានជាក្មេងៗសិស្សសាលាមួយចំនួនចូលចិត្តបង្កហិង្សានៅតាមសាលារៀន និងក្រៅសាលារៀន?

12 min