ព្រឹត្តិការណ៍​កម្ពុជា​ប្រចាំថ្ងៃ by RFI ខេមរភាសា / Khmer

January 05, 2020 ព្រឹត្តិការណ៍កម្ពុជាប្រចាំថ្ងៃ - តើនរណាជាអ្នកទទួលខុសត្រូវ ចំពោះករណីរលំបាក់អគារ នៅខេត្តកែប?

ករណីរលំបាក់អគារកម្ពស់០៧ជាន់ នៅក្នុងខេត្តកែប កាលពីថ្ងៃទី ០៣ មករា ដើមឆ្នាំ២០២០នេះ គឺជាឧទាហរណ៍ដ៏ក្រៀមក្រំមួយទៀត ដែលទាមទារឲ្យរដ្ឋាភិបាលកម្ពុជា និងគ្រប់ភាគីពាក់ព័ន្ធត្រូវមានការប្រុងប្រយ័ត្ន និងទទួលខុសត្រូវខ្ពស់ ចំពោះឧបទ្ទវហេតុដែលកើតឡើងនៅក្នុងវិស័យសំណង់នៅក្នុងប្រទេសកម្ពុជា។ សហជីពមួយបានអំពាវនាវឲ្យរដ្ឋាភិបាលកម្ពុជាបង្កើតច្បាប់ ស្តីពី ការគ្រប់គ្រងការដ្ឋានសំណង់ និងទាមទារឲ្យមានអ្នកទទួលខុសត្រូវចំពោះឧបទ្ទវហេតុដែលកំពុងកើតឡើងនៅក្នុងខេត្តកែបនេះ។ តើហេតុអ្វី?

11 min

January 03, 2020 ព្រឹត្តិការណ៍កម្ពុជាប្រចាំថ្ងៃ - សារនយោបាយឆ្នាំថ្មី «អរគុណសន្តិភាព» នៅចន្លោះការបកស្រាយពីរផ្សេងគ្នា

លោកនាយករដ្ឋមន្ត្រី ហ៊ុន សែន កាលពីថ្ងៃម្សិលមិញ បានសរសេរលើទំព័រហ្វេសប៊ុកផ្លូវការរបស់លោក ដោយបានថ្លែងអំណរគុណ ដល់ប្រជាពលរដ្ឋខ្មែរ ដែលបានគាំទ្រដល់សារនយោបាយរបស់លោកគឺ «អរគុណសន្តិភាព»។ សារនយោបាយនេះ លោកនាយករដ្ឋមន្ត្រីយល់ថាវាមានតម្លៃមិនសាបសូន្យមិនថាកន្លងមក ថ្ងៃនេះ និងថ្ងៃក្រោយនោះទេ។ មនុស្សទាំងអស់គ្នាត្រូវការសន្តិភាពលើកលែងតែពួកភេរវករប៉ុណ្ណោះ ដែលចង់បំផ្លាញសន្តិភាព។ អរគុណសន្តិភាពបានក្លាយទៅជាពាក្យស្លោករបស់ប្រជាជនដែលស្រឡាញ់សន្តិភាព។ ជុំវិញសារនយោបាយរបស់លោក ហ៊ុន សែន ដូច្នេះ អ្នកតាមដាននយោបាយ និងសង្គមបានយល់ឃើញផ្សេងៗគ្នាផងដែរ។

13 min

January 02, 2020 ព្រឹត្តិការណ៍កម្ពុជាប្រចាំថ្ងៃ - អ្នកឃ្លាំមើល៖ អ្នកនយោបាយគួរអនុវត្តឱ្យដូចការជូនពររបស់ខ្លួន ដើម្បីឱ្យពលរដ្ឋបានសេចក្តីសុខពិតប្រាកដ

មេដឹកនាំនយោបាយសំខាន់ៗរបស់កម្ពុជាសុទ្ធតែបានចេញសារជូនពរដល់ប្រជាពលរដ្ឋខ្មែរនៅក្នុងឆ្នាំថ្មីឆ្នាំ២០២០នេះ។ គ្រប់សារជូនពររបស់ពួកគេទោះបីបានបង្កប់នូវន័យនយោបាយខ្លះក្តី ប៉ុន្តែសុទ្ធតែមានន័យចង់ឱ្យប្រជាពលរដ្ឋខ្មែររស់នៅដោយសេចក្តីសុខ និង ប្រទេសជាតិរីកចម្រើនទៅមុខ។ អ្នកឃ្លាំមើល និង អ្នកវិភាគនយោបាយកម្ពុជា មិនទោម្នេញនឹងសារជូនពរនេះទេ ប៉ុន្តែពួកគេចង់ឱ្យអ្នកនយោបាយខ្មែរអនុវត្ត និង ធ្វើកិច្ចការណាដែលសំដៅជំរុញឱ្យដូចការជូនពររបស់ពួកគេ ដើម្បីឱ្យប្រជាពលរដ្ឋ និងប្រទេសជាតិទទួលបានសេចក្តីសុខ និង ការរីកចម្រើនពិតប្រាកដ។

12 min

December 31, 2019 ព្រឹត្តិការណ៍កម្ពុជាប្រចាំថ្ងៃ - អ្វីជាមូលហេតុដែលនាយករដ្ឋមន្ត្រីចង់បន្តអាណត្តិឲ្យក្រុមប្រឹក្សាពិគ្រោះយោបល់?

លោកនាយករដ្ឋមន្ត្រីហ៊ុន សែន នៅរសៀលថ្ងៃទី ២៧ខែធ្នូ បានកោតសរសើរចំពោះសមិទ្ធិផលរបស់ក្រុមប្រឹក្សាពិគ្រោះ និងផ្តល់យោបល់ និងបានលើកឡើងដែរថា នៅក្រោយឆ្នាំ២០២៣ អាចនឹងស្នើសុំក្បាលម៉ាស៊ីនគណបក្សសមាជិកឧត្តមក្រុមប្រឹក្សាពិគ្រោះ និងផ្តល់យោបល់ ដើម្បីបន្តសុពលភាពរបស់ស្ថាប័នមួយនេះ។ ក្រុមប្រឹក្សាពិគ្រោះ និងផ្តល់យោបល់ ដែលអ្នកតាមដានសង្គមកម្ពុជា និងអង្គការសង្គមស៊ីវិល មើលឃើញថាជាស្ថាប័ន ដែលមិនអាចជំនួសគណបក្សប្រឆាំងបាន។ ដូច្នេះ ហេតុអ្វីបានជាលោកនាយករដ្ឋមន្ត្រីចង់បន្តអាណត្តិឲ្យក្រុមប្រឹក្សាពិគ្រោះយោបល់?

12 min

December 30, 2019 ព្រឹត្តិការណ៍កម្ពុជាប្រចាំថ្ងៃ - តើធ្វើដូចម្តេចដើម្បីបញ្ចប់មន្ទិលសង្ស័យពីការបោះបង្គោលព្រំដែន?

មានការស្នើឡើងមួយដោយ លោក ព្រាប កុល ជាអ្នកឃ្លាំមើលបញ្ហាសង្គម ដោយចង់ឲ្យស្ថាប័នជំនាញរបស់របស់រដ្ឋាភិបាលបង្ហាញផែនទីដែលប្រើប្រាស់សម្រាប់កំណត់ទីតាំងបោះបង្គោលព្រំដែន និងបង្ហាញទីតាំងបង្គោលព្រំដែនទាំងអស់ ដោយមានអាស័យដ្ឋានជាក់លាក់ផង។ ប៉ុន្តែការស្នើជាចំហរតាមរយៈទំព័រហ្វេសប៊ុកដែលមានអ្នកជួយចែករំលែកជាងមួយម៉ឺននាក់នេះ មិនត្រូវបានស្វាគមន៍ពីមន្ត្រីមួយចំនួនរបស់រដ្ឋាភិបាលឡើយ។ តើធ្វើដូចម្តេចដើម្បីបញ្ចប់មន្ទិលសង្ស័យពីការបោះបង្គោលព្រំដែន?

12 min

December 28, 2019 ព្រឹត្តិការណ៍កម្ពុជាប្រចាំថ្ងៃ - តើការព្រមានធ្វើបាតុកម្មក្រោយបាត់បង់EBAជាដំណោះស្រាយឬ?

លោក សម រង្ស៊ី បានព្រមានថា លោកនឹងបំផុសឲ្យកម្មករ និងប្រជាពលរដ្ឋខ្មែររាប់ទាំងកសិករផង ឲ្យងើបតវ៉ាប្រឆាំងនឹងលោកនាយករដ្ឋមន្ត្រី ហ៊ុន សែន ប្រសិនបើមានការព្យូEBAនៅក្រោយថ្ងៃទី១២ខែកុម្ភៈឆ្នាំ២០២០។ ប៉ុន្តែសម្រាប់អ្នកនាំពាក្យបក្សកាន់អំណាច ហៅការលើកឡើងរបស់មេដឹកនាំបក្សប្រឆាំងរូបនេះ ថាលែងមានប្រសិទ្ធិទៀតហើយ ខណៈមេដឹកនាំសហជីពនៅតែចង់ឲ្យរដ្ឋាភិបាលកម្ពុជាធ្វើការសម្របសម្រួលដើម្បីបញ្ចៀសភាពវឹកវរ។

10 min

December 27, 2019 ព្រឹត្តិការណ៍កម្ពុជាប្រចាំថ្ងៃ - តើគួរដោះស្រាយយ៉ាងណាដើម្បីទប់ស្កាត់ការឡើងថ្លៃផ្ទះជួលប្រដេញនឹងប្រាក់ឈ្នួលកម្មករ?

នៅក្នុងពិធីចែកសញ្ញាបត្រដល់និស្សិតសកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច កាលពីថ្ងៃព្រហស្បតិ៍ម្សិលមិញ លោកនាយករដ្ឋមន្ត្រី ហ៊ុន សែន បានធ្វើការអំពាវនាវជាថ្មីម្តងទៀតដល់ម្ចាស់ផ្ទះជួល ធ្វើយ៉ាងណាកុំតម្លើងថ្លៃជួលផ្ទះហួសពីអ្វីដែលកម្មករទទួលបាននៅក្នុងឆ្នាំថ្មី២០២០ខាងមុខនេះ។ ក៏ប៉ុន្តែអង្គការសហជីពនានាមើលឃើញថា ទោះជាមានការអំពាវនាវពីប្រមុខរដ្ឋាភិបាលជារៀងរាល់ឆ្នាំយ៉ាងណាក៏ដោយ ក៏ការទប់ស្កាត់ការតម្លើងថ្លៃផ្ទះជួលហាក់ដូចជាមិនមានប្រសិទ្ធភាព។

13 min

December 26, 2019 ព្រឹត្តិការណ៍កម្ពុជាប្រចាំថ្ងៃ - តើឆ្នាំ២០២០ នយោបាយកម្ពុជានឹងឡើងកំដៅឬចុះត្រជាក់មកវិញ?

នៅសល់តែប៉ុន្មានថ្ងៃទៀតប៉ុណ្ណោះ ឆ្នាំចាស់ឆ្នាំសកល២០១៩នឹងឈានដល់ទីបញ្ចប់ ហើយឆ្នាំថ្មី២០២០ នឹងចូលមកដល់។ ជុំវិញបញ្ហាឆ្នាំចាស់ផ្លាស់ចូលឆ្នាំថ្មីនេះ មានការចោទសួរថា តើស្ថានការណ៍នយោបាយកម្ពុជារវាងឆ្នាំចាស់និងឆ្នាំថ្មី២០២០ខាងមុខ មានការផ្លាស់ប្តូរយ៉ាងណានោះ អ្នកតាមដាននយោបាយកម្ពុជា បានមើលឃើញប្រហាក់ប្រហែលគ្នា និងមានទស្សនៈ ដោយឡែកៗពីគ្នាផងដែរ។

12 min

December 25, 2019 ព្រឹត្តិការណ៍កម្ពុជាប្រចាំថ្ងៃ - ហេតុអ្វីត្រូវហាមឃាត់មិនឲ្យនិយាយរឿងនយោបាយនៅតាមសាលារៀន?

ឆ្លើយតបនឹងសំណួររបស់ឧត្តមក្រុមប្រឹក្សាពិគ្រោះ និងផ្តល់យោបល់ កាលពីថ្ងៃចន្ទ លោក ហង់ ជួនណារ៉ុន រដ្ឋមន្ត្រីក្រសួងអប់រំយុវជន និងកីឡា គូសបញ្ជាក់ថា សិស្សានុសិស្ស មិនអាចជជែកអំពីរឿងនយោបាយ ក្នុងសាលារៀនបានទេ ពីព្រោះសាលាជាកន្លែងអព្យាក្រឹត។ តែបើតាមរដ្ឋមន្ត្រីដដែល បើចង់ឲ្យមានការជជែកគ្នារឿងនយោបាយនៅតាមសាលារៀន គឺត្រូវធ្វើវិសោធនកម្មច្បាប់ ដែលហាមឃាត់នោះលុបចោលជាមុនសិន។ ហេតុអ្វីត្រូវហាមឃាត់មិនឲ្យនិយាយរឿងនយោបាយនៅតាមសាលារៀន?

13 min

December 24, 2019 ព្រឹត្តិការណ៍កម្ពុជាប្រចាំថ្ងៃ - តើការព្រមានរបស់ប្រមុខរដ្ឋាភិបាលលើមន្ត្រីដែលកេងប្រវ័ញ្ចព្រទ្យសម្បត្តិរដ្ឋអាចយឺតពេលឬ?

ជាថ្មីម្តងទៀត នៅក្នុងពិធីបិទសន្និបាត គណៈចលនាមហាជន នៃគណៈកម្មាធិការកណ្តាល គណបក្សប្រជាជនកម្ពុជា កាលពីល្ងាចថ្ងៃអាទិត្យលោក ហ៊ុន សែន បានព្រមានដល់មន្រ្តីក្រោមឱវាទ ឱ្យបញ្ឈប់យកតួនាទីទៅច្បាមយកទ្រព្យសម្បត្តិរដ្ឋធ្វើជាកម្មសិទ្ធិរបស់ខ្លួន។ នេះគឺជាការលើកឡើងពីរថ្ងៃជាប់ៗរបស់ប្រមុខរដ្ឋាភិបាល ពោលកាលពីយប់ថ្ងៃសៅរ៍ នៅក្នុងពេលលោកចូលរួមពិធីបុណ្យសមុទ្រនៅខេត្តកំពតលោក ហ៊ុន សែន បានលើកឡើងសំដៅលើករណីចាក់លុបដីចូលសមុទ្រមួយកន្លែងនៅខេត្តកោះកុង ដោយមន្ត្រីយោធាផ្កាយពីរម្នាក់ដែរ។ តើការព្រមានរបស់ប្រមុខរដ្ឋាភិបាលលើមន្ត្រីដែលកេងប្រវ័ញ្ចព្រទ្យសម្បត្តិរដ្ឋអាចយឺតពេលឬ?

11 min